مسا الخير حبوبات
اليوم حابه انزل موضوع قصير عن ماركه كنت متجاهلتنها طول هالفتره
اول ما شفت هالماركه في برجمان وجوه لهم ستاند صغير و ما اعبره !!
Lancaster
من اسبوعين او اقل مريت باريس غاليري و شفتها هناك .. قلت خل اشوف الماركه
و خصوصا و انا هالفتره في حمى و ادمان للبرونز و اللمعه لاحظت ان 75% من منتجات هالماركه هيه للبرونز و اللمعه .. جربت منتجين اول شيئين اشتريهم من هالماركه
الحلو في هالماركه و اللي لاحظته في كل البرونزرات
ان لها عدة استخدام مش واحد بس
تنفع للكونتور – هايلايت – تحت الحواجب – بلاشر – و شادو !!
ودايما تكون خليط بين المات واللمعه ويا بعض و اكثر عن لون في نفس العلبه
ممكن تستخدمين لون بروحه او لونين او تخلطين كل الالوان ف ك مره بتحصلين نتيجه مختلفه و لون مختلف بدرجه غير
الصراحه انا حبيت الماركه
اللمعه اللي في المنتجات ذربه مش دفشه بالمره .. انصحكم تجربونها لانها روعه
و هاي مجموعه عندي العلب الصغار ب 160
والكبار ب 175 فرق بسيط بس اختلاف الحجم واضح !!
هاي رقمها 201 ناتشورال وايد و لمعه و مات مع بعض
ممكن تحطيها على الويه كامل
او تحطين المات على الخدود و اللمعه هايلايت
و نفس الشي بالنسبه للمجموعات الثانيه
العلبه هاي فيها لمعه قويه شوي بس من فوق !!
بس بعد ما تتفوت لانها وايد حلوه ههههه
شوفو فرق الاحجام
شوفو اللمعه كيف ناعمه
والماركه فيها طبعا قلوسات و بودي لوشن برونزر و كريمات للعنايه بالبشره
اتمنى يعيبكم الموضوع
و اذا عيبكم لا تبخلون عليه بالتقييم و اي سؤال انا حاظره
و جودته حلوه
شكلهم حلوين وايد
عاد اختج بيضا لو شوحطيت برونزاج استوي اتخيلي الشكل هههههه
الله يهنيج فيهم
و نتريا يديدج
نبا لوكات للعيد من زمان ما راويتينا 
ما تقصرين يالغاليه (f)
وتم التقييم (f)
والمعه ياسلام ناعمه مره
حاولت اقيمك بس الميزان رافض :ss:
صدقتي حبيبتي هالماركه متجاهلينها الكثيرات مادري ليش
وهالشي ذكرته بموضوعي الاخير الي عن القلوسات
عن نفسي انا استخدمها من زمان
بديت بالأرواج والقلوسات وجربت من عندهم الشدوات والبلاشرات
والهايلات و وكريم اساس بلمعه و كل شي جربته من عندهم روووووعه بكل معنى الكلمه
خصوصا البلاشرات والقلوسات عذااااااااااب لمعتهم ذربه مثل ما قلتي ورااااااقيه حيل
و عندي من عندهم شدو رمادي بلمعه اعتبره من احلى الشدوات الي عندي.
يبيلي امر اخذ لي من عندهم البلاشر الي بكم لون الي عرضتيه عجبني حيل
وتسلمين يالغاليه على الموضوع الفنان ربي يجزيج خير فديتج .
و أنصحج تاخذين من قلوساتهم احس بتعجبج كثير ……..
اي صح نسيت اقولج ترى تصويرج تبارك الرحمن فنان من الخاطر .
حبيت البلاشرز من قلبببب
مشكوره عالموضوع مس بلينق الحين لامريت عليهم بعرف شلي ابي 😉
ولج احلى تقييم بالكراميل
حبيت البودره شكلها ناااعمه حيل , ان شاء الله باخذها
مشكوره حبيبتي و ربي يعطيج العافيه
سؤال ع الطاير , الإضاءه في الصوره من الكاميره او تستخدمين اضائه خارجية؟
عطيتينا فكرة عن بس للاسففففففففففففففف ما عندنا هنا في عمان
بس بحول الله اذا جيت دبي في العيد اكيد بمر باريس غاليري واشوف الماركة عن قرب
حاولت اقيمج بس الميزان معصلج معاي ما يحبني هههههه