Lush
طبعا اكيد تعرفون المحل كلكم 
المهم
شفت انواع وايد من الشامبو ووايد حلوه .. والصراحه انا جربت نوعين من عندهم
جربت شامبو البابونج يفتح الشعر.. وايد حلو
وجربت د. بيبرمينت
الحين بقول لكم عن الانواع اللي عندهم
وبشرح لكم عن كل وحده مثل ما هم كاتبين
ابتدي بشامبو البابونج
اللي انا استخدمته
الشامبو هذا يستخدم لتفتيح الشعر الأشقر ويعطيه لمعة حلوة
بس لا تتوقعون النتيجه بين يوم وليلة.. طبعا تاخذ فتره على ما تبين
تصبرو والنتيجه اللي بتشوفونها حلوه وايد
شعر لونه طبيعي مو مثل الشعر المصبوغ او الشعر اللي مسويين له هاي لايت وساحبين منه اللون
وهم يقولون ان مفعولها يزيد مع الشمس
بس بصراحه انا فتحت لي لون شعري بدون شمس واللون وايد حلو
ايه على فكره شعري مو اشقر.. شعري بني فاااااااااتح.. ومعاها فتح اللون زياده
يعني تصلح للالوان الداكنه من الشعر مو بس الشعر الأشقر
————————————————-
Trichomania (for dry hair)
للشعر الجاف
تريكو مانيا
تحتوي على جوز الهند
وقبل ما تسألون تريكو مانيا تعني حب الشعر
Love OF Hair
وهي تخلي الشعر حلو و طري
(ماجربتها الصراحه)
————————————————-
Gentle Lentil (for normal hair)
شامبو بالعدس :cool2:
للشعر العادي
فكرة هالشامبو جات من نساء الهند
لانهم يستخدمون خلطه بالعدس للمحافظه على شعرهم الطويل في حالة جيده
وهالشامبو مثالي للشعر الرقيق، وشعر الأطفال لانه وايد لطيف على فروة راسهم (لطيف على رؤوسهم الصغيرة)
—————————————————
The Blonde
الأشقر
هذا جديد
شامبو بالبابونج ، يعطي نتيجة سريعة في تفتيح الشعر لانها تحتوي على عصير الليمون.. وبعد في شي بس ما عرفت ترجمته
marigold infusion
—————————————————-
Hybrid Shampoo & Conditioner Block
شامبو + كونديشنر
(جديد)
بالنسبة لشركتهم تعتبر تجربة جديده.. شامبو + كونديشنر (Solid) يعني قطعة وحدة مثل قطعة الصابون
وهو ينفع للمناطق اللي الماي يكون فيها قاسي ع الشعر (تكون نسبة الكالسيوم فيه عالية) مثل الاردن، بريطانيا… هذول اللي اعرفهم
المهم الكونديشنر يحتوي على عجينة السمسم.. و على زبدة الكاكاو
ويعطي ريحة منعشه ريحة ليمون + مسك ، يعطي الشعر نعومه ولمعان
وشكل قطعة الشامبو مع الكونديشنر مثل نوع من الأحجار تكون بالأسود والأبيض
——————————————————-
Reincarnate
(جديد)
تحتوي على زيت البرتقال + حناء + اكليل الجبل ومواد اخرى
شامبو مرطب
مثالي للشعر الداكن (شكلها الحناء تصبغ في الشعر 
2 )
تحتوي على طين من جبال أطلس ، لفروة رأس صحية ومرطبة.
تحتوي على الحنا عشان تعطي الشعر لون محمر.. وتحتوي على السدر
وفيها ريحة فانيليا وبرتقال
——————————————————
Hard
(جديد)
مثالية للاستخدام في المناطق اللي الماي فيها قاسي
مثل لنــــدن ، يعني الماي في لندن وايد مفيد للأسنان… بس للشعر يخربه و يعطيه احساس بالثقل وكأنه مو نظيف
ريحة الشامبو زهور… وهو يحتوي على البيض ، زيت اللافندر، البرتقال، دوار الشمس..
——————————————————
Soft
(جديد)
مافهمت من المكتوب شي
غير انها تحتوي على الاملاح البحريه
تستخدم للماي الطبيعي (مثل الماي في قطر)
يعني الماي المتوازن.. ماتكون فيه نسبة المعادن عالية
—————————————————–
برجع أكمل لكم بعدين
اذا شفت ان الموضوع عاجبكم :shy:
:s2 :s2 :s2 :s2
أختي وطن…
القطـــع هذه هي شـــامبـــو ؟؟؟؟؟؟؟؟؟؟؟؟
كيــــف ؟؟؟؟
تفركينها في يدج وترطبينها شوي بالماي
وتطلع منها الرغوة وتدلكينها في راسج
مثل ما تستخدمين الصابون لجسمج بالضبط
يــــــــــــــــــــــــــــــاه…:s2
و اللــه تــكنولوجيــا….
بس شكلها من مواد طبيعية فعلا…
عندنا منه محل في المارينا مول….
و اللـــه كنت أفكره محل حلويــــات….:o
تحياتي لك
في البحرين تلاقين فرعه في السيف مادري اذا في في مارينا مول ولا لا
له صفحه عل الانترنت و لا عطوك كتيب من المحل
وهل المحل اللي في السيتي سنتر يبيعون معاه صوابين صبيعيه بالكيلو؟
واذا لهم موقع طرشي لما بارك الله فيج
بس يارات كل الصابون شكله حلو اوي كده
مشكورة وطن ع المساركة اللذيذة دي
المعلومات جبتها من موقعهم ع النت وبدرج الموقع ان شاء الله بعد ما انزل لكم كل انواع الشامبو اللي اقدر عليها وانزل لكم الكونديشنرز بعد
مساعه جربت ارجع ادخل ع الموقع علق معاي
بجرب ادش الحين مره ثانيه ادعي لي
وبخصوص طريقة البيع احنا نشتري منهم بالجرامات يعني 100 جم ، 200 جم… جذي يعني واكيد يبيعون بالكيلو
بس ترى 100 جم كافيه وزياده لمدة طويله
اهم شي تحافظين عليها ما تخلينها في علبة تخزن ماي عشان ما تذوب
يعني اختاري لها العلبه اللي تكون مخرمة من تحت
—————————-
مصراوية العفو
ده بيستعملوه زي ما بيستعملو الصابون
—————————
يا آسري العفو
تحتوي على زيت اسمه غريب Ylang Ylang Oil
هالزيت يستخدم مع زيت جوز الهند في جزر البحر الجنوبي (مادري وين هالمكان بالضبط)
هالشامبو يعطي لمعة للشعر
————————————————–
Irresistible Bliss (for normal hair)
للشعر العادي
تستخدم لجميع انواع الشعر
فيها ريحة الجاردينيا والياسمين
————————————————-
Jumping Juniper (for greasy hair)
للشعر الدهني
تحتوي على اللافندر ، الليمون ، اللايم ، و اكليل الجبل
تنظف الشعر الدهني ..
————————————————
Dr. Peppermint (for hair on its way out)
د. بيبرمينت توقف تساقط الشعر
تحتوي على .. النعناع، فلفل اسود ،وزيت الفلفل الأسود
تمنع تساقط الشعر
وللأمانه انا ما انتظمت عليها لاني كنت ابي شامبو ريحته قوية.. تقضي علي ريحة الخلطات اللي استخدمها
———————————————-
Featherweight Fruit Bar (for lifeless hair)
للشعر اللي يفتقد الحيوية
تحتوي علي المنجا (يم يم :cool2 + زيت البرتقال + الجاردينيا
ريحتها منعشه وتغلب عليها ريحة البرتقال
——————————————-
Soak & Float (to banish dandruff)
لمعاقبة القشرة
هالشامبو يقضي على العاصفة الثلجيه اللي في الراس (التعبير منقول من موقعهم مو من اختراعي)
———————————————
Karma Komba
(جديد)
لجميع انواع الشعر.. تخليه معطر وسهل التسريح
يحتوي على مجموعة زيوت منها (البرتقال ، الصنوبر ، الليمون ، اللافندر ) ويحتوي على الجردينيا والبابونج
———————————————-
New Hair
(جديد)
تنظف الشعر من مستحضرات التجميل وتخلي فروة الراس متوازنه
وينصحون باستخدامها للي يعانون من تساقط الشعر بسبب الضغوط النفسيه او اختلال الهرمونات
———————————————
اكمل لكم بعدين