السلام عليكم
موضوعي بسيط عن محتويات شنطة الميكب واتمنى انه يعيبكم
حاليا استخدم شنطتين للميكب على حسب احتياجي.. الاولى حجمها صغير من كاث كيدستون
والثانيه حجمها كبير شوي من ميكب فور ايفر
الي حجمها صغير استخدمها اذا مب محتاجه اشل وياي محتويات ميكب لاني اكون اوريدي مسويه ميكبي فالبيت او لاني مب ناويه اساسا احط كريم اساس وفل ميكب او لان شنطة اليد بتكون صغيره ومافيها مساحه تكفي لشنطة ميكب اكبر
محتويات شنطة الميكب الصغيره
باليت الشدو والكريم وفرشاة الكبوكي طبعا ينحطون فشنطة اليد وباقي الاشيا فشنطة الميكب
المحتويات الي احتاجها بالتفصيل وممكن تتغير كل فتره وتقريبا نفس الاشيا بس تتغير الماركه الي استخدمها او ممكن يزيد شي او ينقص شي على حسب الاحتياج
باليت شدو من ماك اعتبره الاستاندرد عندي لان فيه الالوان الي تنفع للوك يومي وناعم بدون اي لمعه او شيمر ومن الالوان الي احبها.. والالوان الموجوده فالباليت وببدا باول واحد عاليسار من تحت
تحت عاليسار اسمه Brule واستخدمه لتحت الحواجب او بداية الجفن ويعطي لون بيج طبيعي ويتوزع بسهوله لانه مب مات
تحت عاليمين اسمه GoldMINE ذهبي من التدرجات الي احبها ولمعته خفيفه وحلوه
فوق عاليسار اسمه Cork بني ناعم وبالنسبه لي بيرفكت للدمج و استخدمه للكونتورينق للانف
فوق عاليمين اسمه Dark Edge بني بلوك طبيعي لاطراف العين للزاويه الخارجيه اذا حابه ابرز شوي الشدو
وكونسيلر من بوبي براون والدرجه الي استخدمها اسمها warm natural
ومرطب لتحت العيون من بنفت وجحال
مسكرة ديور وقلم برونزي ع بني احدد فيه الجزء السفلي من عيوني
مرطب مب شرط استخدم هالمرطب قبل الميكب وعندي وايد غيره بس الي يعيبني في هالمرطب لبعد الميكب استخدمه لانه جل مب كريمي واذا صار عندي علامات الخطوط التعبيريه فالويه بعد ساعه ولا ساعتين من الميكب آخذ من هالجل شوي ع طرف طبعي واطبطب عالخفيف حولين منطقة الفم ومسحه خفيفه بالبودره ويرد يترتب الميكب يعني يرطب بطريقه حلوه بدون مايخرب الميكب
بودره وبلش وهذا البلش المفضل عندي بس ممكن يتغير احيانا
فرشاة البودره من ميكب فور ايفر وفرش نارس .. وحده للبلاش والثانيه للشادو وهالفرشاه تنفع لكل شي يعني تنفع استخدمها باني احط اللون كامل عالجفن بسرعه لانها كبيره وتنفع للدمج لانها مب مشطوفه وفرش نارس جوده واحبها
ارواج الوانها طبيعيه مع قلم التحديد الي ماستغنى عنه من ماك اسمه spice
اما اذا باخذ شنطة المكيب الي حجمها كبير طبعا بضيف اشيا ثانيه لاني مثلا مب حابه اطلع فميكب وسايره الجم وبعدين بحط قبل لا اسير لمكان ثاني او حابه احط فل ميكب وانا طالعه بميكب خفيف بدون فاونديشن والاشيا الي ممكن اضيفها مثل البيس والفاونديشن
وكونسيلر بلون افتح لان كونسيلر بوبي براون نفس لون بشرتي وبرونزر من ديور وروج
ولمعه من ماك وروج بلون مختلف على حسب اللوك
حبيت اشاركم وادري ان ممكن بعض البنات يجوفونه وايد بس مب شرط استخدمه كله لاني من النوع الي احب آخذ وياي اي شي احس اني ممكن احتاجه و يمكن بعض البنات يجوفونه شوي اذا من النوع الي يحبون ينوعون اكثر وان شاء الله اكون افدتكم
مآ شآآء الله الله يهينيك فيهم ويعيطكك الف عافيههه
حبيت شغلك هادي وناعم ومافي تكلف وترتيب منظم
حبيت شغلك هادي وناعم ومافي تكلف وترتيب منظم
ووواااااوووو
تسلم ايدك
رووووووعة
![]() |
اقتباس | ![]() |
![]() |
المشاركة الأساسية كتبها آميرةة ![]() |
![]() |
![]() |
مآ شآآء الله الله يهينيك فيهم ويعيطكك الف عافيههه حبيت شغلك هادي وناعم ومافي تكلف وترتيب منظم |
||
![]() |
![]() |
مشكوره حبيبتي اسعدتيني بكلامج يا عسل
![]() |
اقتباس | ![]() |
![]() |
المشاركة الأساسية كتبها عالم الذهب ![]() |
![]() |
![]() |
ووواااااوووو
تسلم ايدك رووووووعة |
||
![]() |
![]() |
الله يسلمج فديتج وشكرا عالمرور
ما شاء الله حبيت أغراض مكياجك وألوانهم حلوة
تتهني فيهم يارب وتصويرك حلو كتير
الله يعطيك العافية
روووووووووووووووووووووعه ذوقك حلو والاحى انك منوعه بالماركات مو حلو تاخذي كل شي من ماركة وحدة ونفس الماركات اللي بستخدمها
موضوعك حلو ومرتب وبفرح لما اشوف بنت مهتمة بشكلها وذوووووق روعه روعه روعه
الله يوفقك ويسعدك ولكي احلى تقييييم
موضوعك حلو ومرتب وبفرح لما اشوف بنت مهتمة بشكلها وذوووووق روعه روعه روعه
الله يوفقك ويسعدك ولكي احلى تقييييم
روووووووووووعة
ماشاء الله تتهنى بيهم
وتم التقيم
يا سلام
موضوع روعة صور واضحة و شرح مرتب
مستحضراتك بعد حدها ذوق
موضوع روعة صور واضحة و شرح مرتب
مستحضراتك بعد حدها ذوق
تسلمين يالقمر عالاضافة الطيبة و بانتظار المزيد منك
تم التقييم