السلام عليكن خواتي العزيزات
اليوم يايبه لكن طبخة شعبية نحبها واااايد وحتى
اليهال
وبصراحه روووووعه في 
الجو البارد
يالله نبتدي
المقادير
4 بصل + نص حبة كبيرة + جزتين + حبة كوىسا + حبتين بطاط + فاصوليا
شبت + كزبرة + طماط + ثوم + زنجبيل
وبهارات مشكلة وهال وملح و صلصة طماط وزيت وسمن
عيش بسمتي (حوالي 3 كاسات كباااار)
وديايه مقطعة
الطريقة:
نحمر البصل تحمير خفيييف ونضيف له الثوم والزنجبيل
وعقب التقليب نضيف الدياي
وعقب ما يبتدي الدياي يطلع الماي اللي فيه نضيف البهارات
ونضيف الخضرة والطماط وكمية قليله من الشبت والكزبرة اللي قطعناهم
نضيف ماي والصلصه
عقب ما يستوي الدياي نشله ونزيل عنه العظم ونحتفظ به
نضيف العيش (لازم كمية المرقه 3 أضعاف كمية العيش) ونخليه يفور وأول ما توصل كمية الماي لهالمستوى نقصر على النار ونخليها واااطية ويفضل انحط حديده تحت الجدر وبعدين نغطي بالقصير والغطاء ونخليه لين يستوي
عقب ما ينشف الماي بيكون العيش لين، نضيف له اللي بقى من الكزبرة والشبت والدياي وممكن نضيف له صلصة طماط لو بغينا اللون أغمج وممكن بعد نضيف هال وشوية سمن
وطبعا المفروض نضرب الخليط بس بما اني ما امتلك القوة الكافيه حق الضرب 
استعنت بالمضرب الكهربائي مال مولينكس والله يخلي لي اختي ساعدتني
شوفن كيف انهرس عدل
وهالصحن (
حقي بروووووووووووووحي,,,,,بالعافية عليييي خخخخخ)
لانها ما شاء الله فيها كل الخضار والاكلات الشعبيه دايما بتكون لذيذه ومفيده
الله يعطيكي الف عافيه
تسلم ايدج على هالمضروبة الجنان…(=
تم التقييم…!!
تسلم الايادي حبيبتي وبصحة والعافية علي قلووبكم
من يد ما نعدمها غلاي
الله يعطيك العافيه على الطبخة
بالعافية عليكم
تسلم ايدج