السلام عليكم ورحمة الله وبركاته
بنات ممكن دلوني على مكان رخيص نوعا ما اشتري منها شرايط الهدايا والاوراق وكل شي يخص التزيين ورود تزيين وصناديق
وشكرا
انا من دبي
وابي اي مكان كون فدبي او الشارجه او عجمان
سوري حبوبة انة بحرينية ومااقدر اساعدج في شي :bigsmile:
ان شاء الله يفيدونج البنات :shy:
فيه محل في عجمان عند أسواق الامارات الي في عجمان عندهم كل شي ب1و 2 درهمان ..
وعندهم أشياء حلوه ..شوفيه وخبرني اذا عجبج
بخصوص الصناديق عندج سوق عكاظ ما أذكر اسم المحل وما أعتقد اني أعرف أدلي حد 😮
أنا مرة كنت سايرة آخذ الدانتيلات من عندهم وفجأة لقيت نفسي في محل كله صناديق وأدوات هدايا ولف
وإذا حابة تغيرين شوي في فكرة اللف أنا وخواتي تقريباً صرنا ما نلف الهدايا بالورق واستبدلناه بشي ثاني
أول شي ترتبين الأشيا اللي بنلفينهن بالأحجام والأشكال اللي تبينها
ثاني شي تاخذين قطعة أورجانزا أو تسكرينهن بمسدس الصمغ أو بالدباسة مالت الورق بس بشرط يكون عندج دبابيس ملونة حسب لون القطعة
ثالثاً غلفي نص الهدية بالدانتيل إذا كان عريض ويغطي نصها
وأخيراً اختمي الهدية بشوية شرايط عادية أو مخمل وحبات خرز أو لولو
أنا مرة كنت سايرة آخذ الدانتيلات من عندهم وفجأة لقيت نفسي في محل كله صناديق وأدوات هدايا ولف
وإذا حابة تغيرين شوي في فكرة اللف أنا وخواتي تقريباً صرنا ما نلف الهدايا بالورق واستبدلناه بشي ثاني
أول شي ترتبين الأشيا اللي بنلفينهن بالأحجام والأشكال اللي تبينها
ثاني شي تاخذين قطعة أورجانزا أو تسكرينهن بمسدس الصمغ أو بالدباسة مالت الورق بس بشرط يكون عندج دبابيس ملونة حسب لون القطعة
ثالثاً غلفي نص الهدية بالدانتيل إذا كان عريض ويغطي نصها
وأخيراً اختمي الهدية بشوية شرايط عادية أو مخمل وحبات خرز أو لولو
كل اللي بتحتاجينه أظن بتلاقينه في سوق عكاظ و نايف
وإن شاءالله أكون أفدتج
هلا الغاليه ممكن بعد اتسيرين سوق الجمله في دبي وين الراس بتحصلين صناديق و اكياس و كل شيء للهدايا
سبلاش في عيمان