السلام عليكم و رحمة الله و بركاته
حبيت انزل لكم لوك 😉
انا شخصا حبيته من اول نظره هههههههههه 
اللوك شفته في مجلة ومرتب بشكل يلفت الانتباه -رأيي الشخصي المتواضع-:o
نبدا بويه نظيف و انا شخصيا احب ارش الفكس+من ماك اول شي على بشرتي
الحين اوزع نقاط من كريم مرطب خال من الدهون من بينفت هاي ثاني تجربه لي ومرتاحه له
الحين بالفرشاه رقم 190 من ماك و اوزع الفاونديشن على الويه والرقبه –السموحه الفاونديشن ورى ومش واضح لان التركيز عى الفرشاه- الفاونديشن من ديور رقم 4
الحين ببدا بمكياج العيون
اول شي اوزع من البيس المثبت من تو فيسد على كامل الجفن ( البيس يساعد على ثبات الشادو لأكثر من 10 ساعات )
ب الشيد ستيك من ماك اوزع كميه بسيطه على الجفن و اوزعه باصبع اليد بخفه عشان ما يتكون عندنا خط خشن – اسم الشيد ستيك penny- الشيد ستيك عباره عن شادو كريمي ثابت
بالفرشاه رقم 239 الغنيه عن التعريف من ماك اوزع شادو برونزي و انا اخترت من اربن ديكاي baked
-الشدو هذا قمه في الروعه- اوزع اللون على الجفن و ما ارفعه لين فوق
لان هني بنحط لون ثاني نوصله قريب من عظمة الحاجب
وهوه اللون الوردي او الفوشي انا اخترت بيجمنت ماك فوشيا و وزعته بالفرشاه رقم 226 من ماك و دمجته باللون البرونزي بخفه و نراعي هني شكل الحاجب مع رسمة العين
هني نكون تقريبا خلصنا من الجزء العلوي للعين
الحين بالفرشاه رقم 231 من ماك نرسم بشادو مات –بدون لمعه-brun الجفن السفلي و نسحب اللون لين ما يكون موازي لطول الحاجب بس ما نتعدى هذا الخط
الحين بايلاينر ماك نرسم العين من فوق و نسحب الايلاينر لبرع و نفس الشي من تحت نسحب الايلاينر لبرع و تحت اللون البني – ممكن الخطوه هاي تسوينها قبل ما تحطين الشادو- انا فضلت اسويها بعد عشان ادمج اللون على راحتي
الدمج يخفف من حدة الايلاينر و انا احب الخط يكون ناعم مش بارز ف بفرشاه الدمج من بورجوا دمجت الزوايا الخارجيه للايلاينر فقط لتخفيف حدة الخطوط المرسومه – بتلاحظون ان الرسمه في الصوره للايلاينر مرتبه وخط بارز وانا خففت هالشي -ممكن دايما تغيرين في اللوك على ذةقج-
حسيت هالمره بتجربة وضع الهايلايت اخر شي و استخدمت بيجمنت ماك your ladyship ووزعته تحت الحاجب بالفرشاه رقم 249
والحين رسمت الحواجب بتاتو ميك اب فور ايفر و بعدين ناخذ الlash curler و نحط الماسكرا بكثافه و نكحل العين بكحل اسود
تاتو الحواجب من ميك اب فورايفر
ماسكرا ايف سان لوران singular +lashcurler
كحل ماك feline
بتستغربون الخطوه هاي بس خليت الكونسيلر اخر شي والحركه هاي شفتها في يوتيوب سوتها الاجنبيه بعد ما حطت المكياج كامل ليش لان هالطريقه تعدلين اي خطا تحت العين و لو تناثر شي تمسحينه و تنور العين من تحت وانا استخدمت نفس الفرشاه اللي هي استعملتها فرشاه ماك رقم 224 و الصراحه توزع الكونسيلر بطريقه وايد وايد ناعمه و مرتبه
الحين احط وبالفرشاه رقم 134 البودره فوق الفاونديشن عشان يثبت و يعطي لمسه مخمليه البودره من ديور رقم 4
الشفايف حطيت لونين من ماك لان العارضه حاطه الوردي الفاتح و انا حبيت اغمقه شوي
Crème de la feme +trimming talk من ماك
البلاشر حطيت بالفرشاه رقم 169 بلاشر ماك tippy والهايلايت على عظمه الخد triple fusion
وانتهى للوك و هذا هوه الشكل النهائي – التصوير من مجله عشان جيه اللون باهت شوي-
على فكره ترى هذا مكياج عروس وانا شخصيا حسيتبه روعه روعه روعه
اتمنى يعيبكم مثل ما عيبني –ملاحظه المكياج المستخدم في اللوك هذا كلله من مكياجي وأهني الماكييره لان شغلها جدا مرتب
لا تبخلون عليه بالتقييم والملاحظات
الموضوع حصري لمنتدى عروس ولا احلل نقله
روووووووووووعه مرررررررره .. يعطيك العافيه ..
waaaaaaaaaaaaw waaaaaaaaaaaaw waaaaaaaaaaw..i think you are watching pixio in you tube …SA7 !!!;)
روح رفحاء يسلمو الغلا ما قصرتي اسعدني مرورج
الضَّيْ
مروووووووورج الأروع حبوبه
εζ7ηεεη
ربي يعافيج الغلا تسلمين
sounya
ربي يسلمج عزيزتي
برود
اخلتيني الصراحه اللوك غريب فالبدايه بس وقعت في غرامه ههههههههههه ما شاء الله وايد مرتب و اللونن طلعوا روعه مع بعض
مرورج احلى تقييم
امنيه
يسلمو حبوبه كللج ذوق
sStyliSh_PrinceSs
صح كلامج اتمنى تلحقين على ملحق زهرة الخليج خصوصا مال الماكييره هاي مستخدمه في كل اللوكات مكياجي و الصراحه تخبلت على شغلها
يسلمو الغلا على الرد الحلو يا حلو
vanvoon77
OMG yesssssssssssssss lol i love her and her sis
