السلام عليكم ورحمة الله وبركاته
كيف حالكم ,؟! إن شاء الله طيبين ,
حبيت استفسر عن كذا شغلة بصراحه
وقلت انتم خواتي فهالمنتدى الطيب, وما شاء الله عليكم تعطون حل لكل شئ الله يحفظكم..
أنااا بنت عمري 16 سنة ..
انا تعبت من نفسي , يعني حتى كل ما أشوف غيري انقهر لأأن ما اعرف كيف اعتني بنفسي ابدااااااا ما اعرف ..
ما اكل واذا اكلت اكل اكل غير صحي ابداا . وما انام إلا فالنهار وكلها حياتي بشعه
مشكلتي مش هني ,
بصراحه .. دايمااا اشوف نوع جلدي ولونه … ازعل كثير كثير لانه ابدا ما يعجبني .. اكيد انا السبب من هالروتين خربت حياتي
بس
يعني القى مناطق غامقه فجسمي ولوني مش موحد يعني
لان طول حياتي انا البس لبس وسيع ويغطي جسمي كله ..
والحين لما وعيت .. وصرت اشوف البنات وعرفت .. انقهر لان ما اعرف شسوي!
و ربي أن نفسي و حابة اصير مثل غيري وجسم حلوو وجذاب ..يعني يكون نظيف ولماع وموحد و طري و مثل البيبي و ع فكرة بشرتي حساسه و لوني حنطي تقريبا بس جسمي بيصير كنه اسود
يعني نفسي يكون حلووو مثل ما انتو تشوفون الحين .. الله يخلييييييييكم ساعدوني بالتفصيل عن كل الطرق الي ممكن اسويها مع الشرح , يكون شييئ يناسب عمري , لأأأن مش عارفة شييييييييئ الله يخلي ياااارب ويوفق الي رح تساعدني
ياريت من كل قلبي أن تساعدوني بأشياء صج ممكن انها تفيدني ..
وصدقوني من كل قلبي من كل قلبي بدعي للي رح تساعدني .. وبتكون في قلبي دايما لانها ساعدتني إني اغير شئ مااعرفه في حياتي ..
وشكرا لكم .. واتمنى اتمنى ان تردون علي وما تطنشوني لاني محتاجه هالشي محتااااجه اني اغير من نفسي بهالوقت
وتسلمون وجزاكم الله كل خير وجزيتم بالجنة ,جنات الفردوس إن شاء الله
الله يحفظكم ويوفقكم يارب (f)(f)
شوفي احسن حل دشي قسم البشره وقسم بنت عذاري وعندج ماشاء الله بالمنتدى روح البحرين
مابيقصرون
شوفي خلطاتهم شوفي خصوووصا برامجهم وايد حلوه
وفي اشيا طبيعيه
واذا في عندج سؤال او شي
انا بالشوفه 
أول شي للهالات السواد أستخدمي كمادات حليب سائل
حطيها على عينج وهو بارد
وبدي استخدمي واقي لشمس لان خبرج شمسنا تصلخ اللي ما ينصلخ واستخدمي كريم الليل
وبقولج نصيحة أبد أبد لا تستخدمي الصوابين أخذي كل الصوابين الا تستخدميها ارميها بالزبالالة لان اخصائية قالت لي ما عليج يقولون هذا الصابون غير وما يجفف لا كلهم يجففون ويخربون البشرة كل استخدمي غسول للبشرة لويهج وجل أستحمام للجسم
وبدي أستخدمي بيبي أويل من جونسون الوردي بعد الأستحمام والله والله بتلاحظين بشرتج قاعدة تتغير ومبدية تنور
وسوي لج أقنعة طبيعية من هني بالمنتدى ما شاء الله عليهم البنات مو مقصرين الأقنعة ماليه الدنيا
سوي اقنعة مرة كل اسبوع ولا مرتين كل اسبوع
وسوي تقشير كل 15 يوم
وهذي طريقتي أنا بأهتمامي بشرتي
أتمنى أني أكون أفدتج
هلا عزيزتي
يا عمري انتي للحين صغيره ولاتقولين ان جسمج أخترب لان تو الناس وتقدرين تتلاحقين على نفسج
وماشاء الله عليج انتي بديتي بأول خطوه وهو النظر والاهتمام بنفسج
طبعا فهم المشكلة نص العلاج
وانتي عزيزتي فاهمة انج مقصرة في حق نفسج وعايشه بأسلوب ونمط حياة غير متزن سواء في النوم أو الأكل
وانتي في طور نمو ومحتاجه للاغذية الي تبني الجسم مو تهدمه
هذا أولا وثانيا لاتكثري من الخلطات لان جسمج ماراح يتحملها لكن أهم شي هو الترطيب المستمر للبشرة بعد كل استحمام وللوجه استخدام الواقي ضروري جدا جدا وكريم مرطب ينفع للنهار
وشوفي هذا الموضوع من بنت عذاري الله يجزيها خير وبإذن الله راح تستفيدي
http://forums.3roos.com/t188327.html…=2#post2459593
ولاتترددي عزيزتي بالسؤال عن أي حاجه
جزاك الله كل خير اختي , ورزقك بجنات الفردوس يارب العالمين على مرورك وإن شاء الله بس يكون عندي سؤال بسأل, و الله يحفظك من كل شر وكل مكروه يارب ,
مشتاقة ليك
الله يحفظك اختي ما شاء الله ما قصرتي في انك ذكرتيني بالمهم , بس أنا شفت مواضيع كثيره وتجارب وخبرات كثيره هنا , بس ماعرفت ايش الي ممكن يكون مناسب بالضبط لي و ايش الي رح ينفعني , و ربي يحفظك ويرزقك بجنات الفردوس يارب العالمين ,, إن شاء الله إذا الله اراد إني رح اداوم على واقي الشمس , تسلمي حبيبتي (F)
رينا الخليجية
اااااااحلى اخت , الله يحفظك يارب من كل شر وكل مكروه .. انا حبيبتي معاك حق في أن اهملت نفسي كثير كثير ,, و ما اشوف ان العمر له دخل في الاهتمام .. يعني والله يا اختي لما اشوف غيري وخصوصا الي ف سني .. انقهر شوي ع اساس انهم يعرفون كيف يهتمون فنفسهم أو أن عندهم من يعتني فيهم .. بس بصراحه انا احاول ان اعمل اي شي بس عشان اغير من نفسي ! .. و الله كريم .. ف إذااا ممكن , أو إذا شفتي ردي .. أن تقولين لي كيف الاعتناء بالتغذيه يكون ؟ , مش عارفه والله ,وبخصوص رد بنت عذاري فالموضوع عجبني كثير كمان و الله يسهل طريقها ويحفظها وين ما كانت ,
تسلمي رينا .. احبك في الله
:
تسلمون ما قصرتوا (f)(f)(f) , بس جد انا حابه الاقي مساعده تكون مفصله كل شي ممكن يفيدني واطبقققه , لان من جد تعبت ومش عارفه ايش اسوي ,, جمعنا الله في جنات الفردوس يارب العالمين وحفظكم من كل شر وكل مكروه خواتي (f)
هلا بيبو (f)
طبعا بما انج صغيرونه فبدلعج 😉
اول شي أحبك من أحببتني فيه والله يرزقج ويرضى عنج وينولج الي في بالج
بالنسبة للتغذية مهم جدا جدا أنج تخلين الفواكهة والخضروات جزء من روتينج موبس فترة وخلاص لا
أن يكون أسلوب حياة تعيشنه طول ما الله ان شاء الله يمد في عمرج
واقولج من تجربه شخصية وانا في عمرج تقريبا عرفت أن المانجا والعنب والموز فيها نسبة السكريات عاليه وممكن تزيد الوزن
والله وكيلج لين الحين والحمدلله أكلي لهالأصناف يكان يكون معدوم وبدون حرمان لني تعودت
وفي المقابل أعشق التفاح والبرتقال وطبعا هم أفود بوااااااايد
ماننسى أنج محتاجه للاطعمه الي تحتوي على الحديد للتعويض عن الي يفقده الجسم كل شهر
وهذا يكون في الخضروات الخضره عموما والكيوي وممكن من مصادر حيوانيه ( الكبد والكلاوي ) باعتدال
وبتكونين بطله إذا بتاكلين الخيار باستمرار
طبعا انتي ماذكرتي لنا إذا تعانين من حب الشباب أو لاء ويارب ماتكون عندج هالمشكله
وإن شاء الله راح اتابعج باستمرار ولاتقولين ماعندي حد يهتم فيني
وبنات عروس موجودين
وآمين لكل دعواتج عزيزتي (f)(f)
ولاتهملين ابدا شرب الماي
وفايدة ماي الورد يعطي نظاره عجيبه للبشره وانسي شي اسمه رائحة العرق وترى عن تجربه ^_*
ودايما اشربي العصاير الفرش البرتقال التفاح الافكادو
اهتمي بالوجبات ولا تهملينهم ودايما ضيفي السلطه للوجبه وبعدها كلي فواكه تفاح برتقال عنب
لي رجعه إن شاء الله لموضوعج
أرق تحيه
شوفي حبيبتي
اولا : نظمي نومك
ثانيا : اكلك ، لا تأكلين بين الوجبات ( يعني فطور متكامل + عصير برتقال فرش بين الفطور والغدا خذي لك فاكهه أو تمر + الغدا سلطه خضراء مع اللي تحبينه وكثري سمك لانه مفيد للبشره + بين الغدا والعشا على المغربيه خذي لك حلى يعني باونتي او اي نوع حلى تحبينه بس مو تكثرين + العشا يفضل قبل الساعه 9 واشربي موية كثييير
ثالثا : حبيبتي في كريم كتبت عنه قبل اسمه ( ألفا بلس ) لوشن للجسم علبته طويله سعره 250 ريال
( ألفا بلس ) للمنطقه الحساسه والابط علبته صغيره يمكن سعره ب 190 ريال
استمري على هالكريمات وبتلاحظين الفرق ، لا تقولين جربته اسبوع وما فاد !!!!! لازم تستمرين
ولا تنسين الدعاء
اي سؤال انا حاضره
حفظك ربي من كل شر وكل مكروه ووفقك بحياتك يارب اااختي الغاليه وحبيبتي , و رح احاول اني اداوم على انواع الفواكه الي ذكرتيهاا ,, جمعنا فجنات الفردوس يارب العالمين (f)
دلع بنكي
جزاك ربي الجنه على ردك , بس ممكن تقولين ماء الورد من وين بالضبط الاقيه , أو هو العادي الي من السوبر ماركت ؟ , وتسلمي حبيبتي , وإن شاء الله اتعلم كيف يسوون عصير افوكادو وتفاح .. !! لأأن متعوده اشرب عصاير جاهزه >,<" !! ,,الله يوفقك اااختي فحياتك و يجمعنا فجناته جنات الفردوس
لمى
وعليكم السلام ورحمه الله وبركاته , الله يحفظك ااختي يارب , بس ماعرفت كيف الفطور الكامل يكون ؟! الله يحفظك ياربي من كل شر وكل مكروه و يبعدك عن كل سوء .أما عن الكريم , فأنااا حاااابة إني الاقي شئ طبيعي للجسم , شفت مواضيع كثيرة هنا وخلطات للجسم بس ماعرف اي وحده مناسبه لي ! لأن نفسي بصراحه شئ يضبط جسمي من حيث اللون والملمس , وجزاك ربي جنات الفردوس ياربي..
(f)(f)(f)
الفطور المتكامل :
عصير برتقال وإذا ما تبين عصير في حليب
كورن فليكس أو توست مع لبنه وخيار أو كرواسان جبنه أو زعتر
بعدها بساعتين تأخذي لك حبة فاكهه
الكريم يا حبيبتي من منتجات البحر الميت ما فيه كورتزون وصفته لي دكتورة جلدية
والحمد الله النتايج باديه تطله بشكل ملحوظ بس لازم تستمري ولا تنسي الحمام المغربي الأسبوعي يساعد على تنظيف البشره من الخلايا الميته وتفتيحها
مودتي