2السلام عليكم ورحمة الله وبركااته ع اهل قطر وع كل المتواجديين معناالحين
اوكي خوااتي راح اختصر عليكم:cool2:
انا عندي اجازة بأول مارس وحبيت اجي قطر زيارة
ها وش رايكم دلوني نصحوني كلموني عن قطر
لا تبخلوا علي 
تراني محتارة بين قطر والامارات 🙂
عندنا واااايد اشياء تقدرين اتزورينها في قطر طبعا لابد من المجمعات عندنا سيتي سنتر ولاند مارك وحياة بلازا والمول وكل واحد احلا من الثاني وتقدرين بعد اتروحين الكورنيش
ويبرد لك قلبك مثل مابردتي قلبي
الكل يدخل وما يكتب سطرين عن قطر
بس انتي
وكذيه زدتي من حماسي تراني بروح ازور بنات خالتي في قطر واول مره ومتردده
بس شكلي راح اروح :cool2:
بديرتج الثانيه … بيزيد نورها بوجودج اختى
اما عن الاماكان الى تروحينا
اممممممممممممممم
فيها مناطق كثيره والله
مثل السناتر * الاند مارك
*الستى سنتر
*المول
*السد بلازا
*مجمع البستان
*رويال بلازا
*حياه بلازا …الخ
وعندج الاسواق الشعبيه مثل سوق الجبر والديره والدوحه وواقف …
*المطاعم … عندج سلسله المطاعم الى عند اشارات رمادا
شيليز وبربر بندروزا والمطاعم المعروفه
وفيه المطاعم الجديده الى فاتحينها مثل
*منت وااااااااايد حلو
*ولا ميزو كافيه
*وستار بكس وفيه كافيهات روعه بعد كلها بنفس الشارع
وفيه بنفس هالمنطقه كذا محل للماركات مثل البيت الحديث وكذا مجمع صغير
ولا تنسين تروحين الفنادق للفطور فيه اماكن مطلعه على البحر
ومع هالجووو روووووووعه
مثل الشرتون
الريتز كارلتون
والماريوت
عاد الله مكثر الفنادق الفخمه عندنا …بس طبى وتنقي 2
ولا تنسين تقولين يودونج العزب اذا كان عندهم
والبر مثل سيلين حق الطعوس او الخور والكرنيش حق البحر
ترى هالايام الجووووووو بيعأد
ونتمنى لج اجازه سعيده بديرتج الثانيه
اي نسيت اقولج فيه عبارات (السفن الصغيره) على البحر وبعضها فيه مطاعم
لا تفوتج
وياهلا بج مره ثانيه
بنت الحور صج كفوا
ووحدانية وبنت الحور انتو كذا
بصراحه شكلها حلووووووووه قطر واي :cool2:
وبغيت اذكرلك منطقة الاسواق لا تنسين اتزوريها فيه سوق الديره كلها للاقمشه وسوق الاحمد للجلابيات وسوق العسيري وسوق الدوحه
وكلها اسواق حلوه وعاد احنا يا الحريم من ننزل بلاد يدوب انريح اشوي
وهات يلف على الاسواق 2
أنت تسأل عن السياحة ونحن نجيب