Super Nanny اخصائية تربية اطفال () 2024.

السلام عليكم

اشحالكم عضوات وعرايس عروس ان شاء الله الكل مرتاح

انا بصراحة مب مرتاحة وتعباانه واااااااااايد جسديا ونفسيا

وجايتكم وكلي امل القى الحل عندكم او جواب على سؤالي

انا اعاني من تربية عيالي وما اعرف كيف اوجههم واجبرهم على فعل الصح

قريت كتب استشرت امهات كبار بس ما نفع

كل سبت اشوف سوبر ناني في قناة ام بي سي 4 عشان اتعلم منها بعض الأساليب وبصراحة اساليبها وايد حلوة وفعالة بس للأسف ما قدرت اطبقها ل 3 اسباب:

الأول: لأني عايشة مع اهل زوجي يعني في كذا شخص كبير ومسؤول وفي عندهم طفلة
الثاني : ان زوجي ما يساعدني وايد ولا يلتزم بحجة انه ما في فايدة من هاي الأساليب
الثالث والأهم : ان ابني البكر عمره 4 سنوات وهو اللي مغلبني واساس مشكلتي مصاب بالسكري وهذا اللي مخلي التعامل معه صعب وايد 

ابني مريض بالسكري والسكري ما يباله واحد يعصب كل شوي عشان ما يرتفع سكره غير ان ابني طبعه اساسا عصبي ( وارث العصبية عن ابوه) ومع المرض خلاص صارت حالته والتعامل معه لا يطاق…….. فكرت وااايد وشفت ان انسب طريقة اني استشير خبيرة في تربية الاطفال مثل سوبر ناني عشان توجهني وتقولي كيف اتعامل معاه …

انتوا شو رايكم ؟؟ مب هذا احسن حل؟ ولا في بديل؟

وياليت لو وحدة فيكم تعرف خبيرة او ( اخصائية ) في تربية الاطفال تكون اوكي ما تبخل علي بعنوانها بليز بليز بلييييييييييز

تراني وصلت حدي واستويت عصبية وعنيفة وبصراحة مابا أأذي عيالي او اظلمهم..

في انتظاركم ردكم خواتي ………….

الله يكون في عونج
ان شاء الله البنات يفيدونج

أفااااااا يا بنات عروس مب هذا العشم فيكم

13 زيارة ومافي غير رد واحد؟

على الاقل ادعولي

ولكن بعده املي فيكم كبير وان شاء الله بلقى الجواب عندكم

مآثر مشكورة اختي على الرد الطيب

طبعا افضل حل تستشيرين احد متخصص مايبي لها سؤال اما انك تتركين الوضع على ماهو عليه غلط لان الولد بيكبر على كذا وراح يوصل مرحلة صعب صعب تتعاملين فيها معه .. لا تتركين نفسك واولادك الزم ماعليك هم انتبهي لهم هم راس مالك .. والله يشفي لك ولدك ويسخر لك كل اولادك وزوجك وبإذن الله تكون امورك تمام ربي كريم (f))

الله يعينج ان شاء الله .. أنا عن نفسي ما عندي فكرة .. بس بنات المنتدى لو يعرفون ما بيقصرون أكيد .. الله المستعان

اقتباس

المشاركة الأساسية كتبها sarah_sa

	طبعا افضل حل تستشيرين احد متخصص مايبي لها سؤال اما انك تتركين الوضع على ماهو عليه غلط لان الولد بيكبر على كذا وراح يوصل مرحلة صعب صعب تتعاملين فيها معه .. لا تتركين نفسك واولادك الزم ماعليك هم انتبهي لهم هم راس مالك .. والله يشفي لك ولدك ويسخر لك كل اولادك وزوجك وبإذن الله تكون امورك تمام ربي كريم (f))

ترى هذا اللي انا اباه ابا استشير حد متخصص عشان ما يتفاقم الوضع وياي

مشكووورة اختي الغالية

والله المستعان

اقتباس

المشاركة الأساسية كتبها بنبونه

	الله يعينج ان شاء الله .. أنا عن نفسي ما عندي فكرة .. بس بنات المنتدى لو يعرفون ما بيقصرون أكيد .. الله المستعان

جزاج الله خير اختي على الرد وفعلا الله المستعان

اقتباس

المشاركة الأساسية كتبها Um_Sal6oony

	الله يكون في عونج يا ام علي….بس انا من رأيي ما اطبقين اللي تشوفينه في برناج سوبر ناني…لأن احس انه ما ينفع مع عيالنا!! و خاصه معاج انتي ومع ضروف مرض ولدج..الله يعينه ويعينج…. حبيبتي انا اشوف تسألين حد متخصص في هذا لاشي…و يكون عارف بضروف ولدج…و الله المستعان.

انا معاج عشان ولدي مريض لاحظت ان اساليب سوبر ناني مب دوم تنفع وياه

بس بصراحة احس انه اساليبها ممكن تنفع مع العيال الثانيين خاصة لو كان الام والاب متفاهمين ومتفقين على قواعد التربية واهم شي يكونوا عايشين بروحهم عشان يقدروا يطبقوا اساليب التربية الصحيحة بدون تدخلات من اطراف اخرى

كل الشكر لج اختي على مشاركتي همي وجعله الله في ميزان حسناتج ان شاء الله