شخباركم؟!
أدري قصرت واايد عليكم بهالقسم بس شووية ظرووف:o
بس اليووم عندي لكم لووك تايقر مرة رهييب:thumbs_up:
أول لوك اسوويه وتكون عندنا مناسبة واايد ناس بحضرونها بس الحمدالله الكل عجبه اللوك:adore:
يلا نبتدي أول شي سويته
أول شي وزعت سائل التجميل من أولاي ع ويهي كله لان ابيه يكون بيس تحت الفاونديشن
لان بظل الفاونديشن ع ويهي مدة طوويلة وما ابي بشرتي تضرر لان مفعول الفاونديشن قووي
رطبت شفايفي بمرطب فور إيفر رهيييب هالمرطب يا بنات ترطيبه وااايد ويخلي الشفايف
ناعمه وبدون خطوط:thumbs_up:
وزعت الفاونديشن من فلورمار ع ويهي ورقبتي كامل
وزعت الكونسيلر من ذا بودي شوب حوالين عيني ما شاء الله تغطيته واايد حلووة عجبني
حطيت على الجفن المتحرك فقط شدو كريمي من ديرماكول اسمهtea rose
فوق الشدو الكريمي حطيت شدو لوونه شوكلت مرة رووعة طلع رغم اني كنت متخوفة
من النتيجة بس الحمدالله وااايد طلع حلوو:L:
على زاوية العين حطيت شدوو اسود فااحم ماركة فلورمار وحددت عيني من تحت
بعد بالأسود
حطيت هالشدو كأضاءه تحت الحاجب وهو من ماركة كليرز
حطيت لي كحل من فلورمار داخل عيني
حطيت على رموشي مسكرا من إفون سوداء
بالفرشاة وزعت البودرة من ماكس فاكتر على ويهي كله ورقبتي
حطيت لي بلشر وردي مايل على بطيخي ع خدودي
حطيت لي روج مات من ماركة جست قولد لونه لحمي على وردي لان اللوك طلع غامق
فلازم الروج يكون فااتح;)
وشكل اللوك طلع تقريبا تقريبا جذي
تعطرت بعطر جايبته لي صديقتي من السعودية على توت العليق ريحته تهبللل وتعلق
بالثياب مدة طويلة حتى من وصلت المكان وسلمت على الناس الكل يسألني شنو عطرج:o لان ريحته وااايد مميزة
وهذا بعد لووشن بعد هدية من صديقتي ما شاء الله عليها ذويقة بالعطور وايد أثق بذوقها
حطيت منه على يدي ورقبتي
وبس يا حلوووين اللوك خلص وأتمنى يكون نال إعجابكم
F:اللي عجبها موضوعي تدعي لي بالتوفيق بدراستي وتقيمنيF:
و لا أحلل لأي وحده نقل الموضوع بأي شكل من الأشكال لانه جهد شخصي وتصووير
شخصي مني و ما ابي اي حد ينقلهم وكل وااحد وضميره
الـ أكثر من رائع
والمميز والصراحة وايد عجبني ال لووكــ
ولج مني احلى تقييم لعيوونج الحلوة
وحلو اللوك
وهوا بيليق علي لون العيون الاسود البني العسلي والاخضر والرصاصي ولما جربته علي الازرق مكنش حلو
رغيت كتيررر ههههههه بس اتحمست ليه لانه المفضل عندي
تسلمي ياقمررررر
حلووو وااايد هاللوك .. موووفقة حبيبتي ..
لج فترة ما نزلتي شي من لوكاتح
اللوك ما شاء الله عليه حلوو ووبسيط
وانتي اكيد محلاتنه ما شاء الله عليج
تتهني ياعسل
موفقة ولا تحرمينا من جديدك ونشاطك المميز :thumbs_up:
و أهم شي عجبكم اللوك
_______________
وثانكس عزيزتي مسز غمووضة ع التميز
مشكووورة .