الشوربة اللي جايبتها اليوم من إيطالية… ذقناها لما كنا مسافرين و حبيتها و أول ما رجعت جربت أسويها و ضبطت و طلعت لذيذة جداً…
مقاديرها:
بصلة متوسطة مفرومة
فص ثوم مفروم
ربع كوب جريش
5 أكواب ماء مغلي
في البداية نحمر البصل و الثوم بزيت الزيتون، بعدين نحط عليهم الجريش و نحرك شوي…
نضيف عليهم كوبين ماء و نخفف الحرارة للنص ونغطي القدر و نخليه يغلي لمدة ربع ساعة…
خلال هذا الوقت، نجهز باقي المقادير…
ربع كوب عدس أسود
نص كوب حمص حب مسلوق
جزرة صغيرة مفرومة فرم ناعم
حبة بطاطس صغيرة مفرومة فرم ناعم
مكعب ماجي دجاج أو خضار
ملعقة كبيرة طحين
رشة أوريغانو
ملح – فلفل أسود
بقدونس مفروم
نضيف على القدر العدس و الحمص و الخضار و الماجي و نزيد عليهم كوبين ماء و نغطيهم و نتركهم ربع ساعة ثانية…
في الأخير نذوب ملعقة الطحين في آخر كوب ماء و نضيفه للشوربة مع الملح و الفلفل و الأوريغانو و البقدونس المفروم… نحركهم لحد ما تثقل الشوربة و نقدمها…
و هذا شكلها عند التقديم…
(f) و بالعافية و الصحة عليكم (f)
الله يعطيج أللف عافيه أختي Daisy Ash .. على الشوربة الرهيبة..
وبعد من ايطاليا أكيد لذيييييذة
بالعافيه يارب
نورتي الموضوع بطلتج الحلوة (f)
ويعطي العافيه
نور الموضوع بطلتكم الحلوة (f)
انزين يصير احط بدل العدس الاسود اخضر نفسه بالضبط بس لونه اخضر
يعطيج العافيه يالغاليه
أتوقع ما في مانع، و في النهاية كل شي يرجع للذوق الخاص
و بالعافية (f)
Daisy Ash
شوربتك قمه اكيد راح اجربها
شكلها شهى