وهلا بكل اللي تدخل موضوعي سواء شاركت أو لأ………
اتمنى كل وحده فيكم تكون بصحه وسلامه وتحقق كل اللي تريده.
اليوم حبيت أشارك معاكم بموضوع شفته في اليوتيوب بس الموضوع اللي راح أنزله من تصويري يعني مجهود شخصي.
كلنا نعرف البيس الشهير URBAN DECAY PRIMER POTION الصراحه انا ما أستغنى عنه أبدا بس للأسف قطعوا هاالماركه عنا بس انا كنت ذكيه وأخذت لي 4 كل اللي كان موجود ولاحظت من فتره أنه بدأ يخلص مع أنه ما عدا عليه وقت طويل من بديت أستخدامه وكنت شايفه من فتره موضوع في اليوتيوب وحده صار لها نفس الشي ويوم بحثت أكثر لقيت أنه وايد بنات صاير لهم نفس الشي لكن كل وحده كانت عندها طريقه للأستفاده منه للأخر فطبقت طريقه من الطرق وصورت لكم كل شي باالتفصيل مع الشرح الكافي وأن شاء الله يعجبكم.
أخليكم مع الصور والشرح.
الأدوات المطلوبه:
البيس-سكين-مبرد-علبه فاضيه-معقم.
بعد ما عقمنا كل شي يبنا السكين وقطعنا فيه البيس وكانت هذي النتيجه من الداخل.
يبنا الملقط وطلعنا الموجود شوفوا الكميه اللي كانت داخل.
هذا بعد ما حطيناه في العلبه تخيلوا كان مصيره الله يعزكم الزباله جان تحسفت عليه :confused:
وهذا شكله النهائي.
أن شاء الله يكون الموضوع عجبكم واذا تشوفونه أنه يستاهل قيموني…..
ولكم مني أحلى تحيه………………..:87457:
مشكوره اختي التنيه انا بعد شفت الفيديوت
و تسلمين بس مجهود تشكرين عليه
و انا للأسف بس عندي 2 منه
واحد استخدمه وواحد يديد
ومب محصلتنه ابا منه
و الطريقه هاي انا ناويه اطبقها باجر و يشوف كم باقي في العلبه مالتي لاني يوم استخدمها ما يطلع لي المنتج الا بالعافيه
تسلمين حبوبه على الموضوع
.,.
اللهم ذلل لي صعوبة أمري وسهل لي مشقته,
اللهم سخر لي من يكون لي عوناً على ما أريد من أمور الدنيا والآخرة,
اللهم سخر لي جميع خلقك فإنهم لا ينطقون إلا بإذنك,
نواصيهم في قبضتك وقلوبهم في يدك تصرفها كيف شئت,
بقدرتك يا قادر . .
.,.
.ღ.أدعولي الله ايسر أمري قريب.ღ..
وناويه اجرب Sin Primer Portion الي نزل هالسنه لاني شفته وعجبني
مشكووووووووره ياورده ع التجريه الحلوووووه وجاري التققيم