شلونكم يابنات
حبيت انزل لكم موضوع بلوك حلو للعيد
هاللوك انا مسويته من زمان لحفلة خطوبه
بس ما حصلت فرصه اني اصور واحط الصور
المهم نبتدي بالدرس وان شاء الله يعجبكم وتقدرون تنفذونه
::
(1)
الخطوه الاولى كانت بتوزيع الفاونديشن باسفنجه الفاونديشن على كامل الوجه
بعد ترطيبه وتنظيفه .. انا استخدمت اساس كانيبو سوفت ايفوري وبودره
بنفس الدرجه وبودره ثانيه الي هي افتح درجه في كانيبو
وزعت السوفت ايفوري عالوجه كامل والفاتحه تحت العين وشويه عالخدود
::
(2)
الخطوه الثانيه كانت بتوزيع الشادو البيج المائي من كارولاين على كامل الجفن المتحرك
والجفن الثابت باستخدام الفرشه الاولى
وبعدين توزيع قليل من اللوز باودر من فور ايفر باستخدام الفرشه الثانيه تحت العين
::
(3)
الخطوه الثالثه كانت بتوزيع الشادو الذهبي على الجفن المتحرك باستخدام الفرشه الثالثه
بس بدون تكثيف اللون
بعدين باستخدام الفرشه الاولى موهت اللون الذهبي على القوس بين الجفنين المتحرك والثابت
عشان يندمج اللون عدل
بعدين بالفرشه الثانيه اخذت من الجلتر الذهبي اللي من كارولاين طبعا عقب ما بللتها شوي بالماي
وبديت احط من الجلتر عالجفن المتحرك عن طريق الطبطبه عالجفن
الحلو في جلتر كارولاين هو انه يلزق على طول عالجفن بدون لا يحتاج صمغ او شي بس
عن طريق تبليل الفرشه والطبطبه عالجفن يثبت الجلتر لفتره طويله جدا وما يطير :shy:
(4)
الخطوه الرابعه كانت بتوزيع الشدو الاسود اخذت اول شي من الشادو الاسود من ماك
بالفرشه الثالثه ووزعته على القوس بين الجفنين وكثفته عالزاويه الخارجيه وخففته لين
ما وصلت للزاويه الداخليه للجفن المتحرك وموهته عدل باستخدام الفرشاه الاولى وخذت شوي من
الشدو الذهبي من ماك وموهته من فوق تحت الحاجب بحيث عطاني لوك سموكي ومتدرج من الاسود
عالقوس لين الذهبي تحت الحاجب
بعدين وزعت القلتر الاسود من كارولاين على القوس الاسود اللي سويته بين الجفنين
.. يتبع ..
(5)
الخطوه الخامسه كانت بتكحيل العين بالاي لاينر من لانكوم من فوق وبتكحيل العيل من تحت
بالكحل القلم من ماك ومديت الايلاينر ووصلته بالكحل القلم ومن فوق اخذت شوي من شادو
الكربون من ماك الاسود وموهت الزاويه الخارجيه للجفن العلوي بالقوس اللي سويته وكثفت
الاسود شوي باستخدام الفرشاه الرابعه من البودي شوب اللي حق الكحل
واخذت الكربون ودمجته بالكحل اللي كحلت فيه عيوني من تحت باستخدام الفرشاه الرابعه بعد
وحطيت من ماسكارا ديور السودا وعدلت الرموش
واخذت شوي من الجلتر الاسود من كارولاين وحطيت على خط الكحل اللي حطيته تحت
وبالستار البودر الفضي خذت شوي وحطيت تحت الحاجب وموهت اللون مع الذهبي بحيث
ان طلع تدرج للالوان عدل فوق عالجفن الثابت
::
(6)
الخطوه السادسه كانت بتظيف اللوز باودر من تحت العين و توزيع البلاشر المشمشي المذهب
من شانيل باستخدام فرشاه مكياجي للبلاش
البلاشر هذا وايد حلو وعملي يعطي لون خوخي على وردي وفيه لمعه وايد حلوه وراقيه
عملي جدا حتى للفترات الصباحيه لين حطيتي منه شوي
بعدين قمت بتحديد شفايفي بالمحدد الماروني وحطيت من روج شانيل لونه ماروني على وردي
غامق وبعدين حطيت من جلوس جيرلان النحاسي ودمجت اللون على شفايفي
..واخيرا ..
بعدين رسمت حواجبي وعدلتهم وحطيت شوي من الجلتر الذهبي عالخدود والوجه وبخيت على ويهي من سبراي كارولاين لتثبيت المكياج
::
اللوك طلع جذي
مع بعض التغيرات البسيطه في الالوان
الصوره مأخوذه من منتدى عالم حواء للمشرفه شوكولاته
حبيت اوضح هالشي عشان ما يضيع تعبها
.. انتهى..
بانتظار استفساراتكم وتعليقاتكم وان شاء الله اللوك عجبكم
سلام
تسلم الاياادي خيتووو وناطرين الجديد .. والمميز ..
دمتي بوود
يسلمو ع الشرح الوااااافي
والحلوو فيه التركيز على الفراشي المستخدمة والادوات بطريقة سهله وحلووةة
نيوووووووووووووفة ما تحرمينا دايما تعودنا عليج يا عسل بمواضيعج الحلووةة
ننتظرج دووم
:shy:
ومشكوره على هالوك
والشرح الواضح
حبيبتي كم رقم بلاشر شانيل
ومشكورة 