wax a way – قد يفيد الجميع وقد نستفيد 2024.

طبعاً تعبت نفسياً من كثر ما أسأل ولا ألقى التجاوب إللي يبرد القلب في القسم

ولكن ما أتوب وما زلت أستفسر لأن يمكن في حد يستفيد وأخذ الأجر

المهم ، في المشاركة هاذي راح أقول لكم عن منتج شفته في الصيدلية

يمكن يكون جديد بالنسبة حق البعض ويمكن في حد أستخدمه ويقول لنا تجربته..

قبل فترة رحت الصيدلية <<< بتقول قصة ، يا ليل ما أطولك

وشفت هذا المنتج

Wax A Way No Heat Gel Wax

عجبني الكلام إللي مكتوب عليه، يعني هو شمع بس زي الجل

ما يحتاج تسخين ولا عوار قلب.. شريته ورحت البيت وجربته على يدي والله صج أنه سهل

الشمع صاير زي الجل يعني وايد سهل إنج تفريدنه على أي منطقة في جسمج

معاه قطعتين خشب زي إللي يحطهم الدكتور في الفم لما يبي يشوف اللوز خخخخخ

وقطعة خشب صغيرة حق الوجه أو الأبط ، ما فيه ريحة ولا شي … وداخل العلبة

تلقين قطع قماش علشان الشيل.. صج هالمنتج روعة وسهل إستخدامه وقيمته منه فيه

وتراه مو غالي والكل يقدر يشتريه..

بس ما ينفع حق المنطقة الحساسة لأنه مو قوي وايد علشان يشيل الشعر من هناك…

المهم، أمس رحت الصيدلية مرة ثانية <<< يا كثر ما تروح الصيدليات

رحت اشتري مشقر حق وجهي وجسمي لأن بصراحة مشقر جوليان مو عاجبني وسبب لي مشكلة

رحت على أساس أبي أشتري مشقر ويلا أو كي نت زي ما قالوا عنه البنات..

بس للأسف ما لقيت لا هذا ولا هذا مع أن الصيدلية هاذي عندنا كبيرة ومعروفة، لقيت نوعين

من المشقر وقلت دام الصيدلية هاذي جايبتهم أكيد زينين ولأن ما في غيرهم أصلا..

الأول من نفس شركة الشمع إللي فوق، وهذا شكل العلبة:

مكتوب عليه Hair Solutions Hair Bleaching Cream

هو للجسم والوجه، داخله أنبوبين تخلطينهم مع بعض ومعاهم ملعقة وصحن للخلط

وأخذته مع أني ما قط سمعت عنه بس ناوية أجربه..

وجنبهم لقيت منتجات كثيرة من هالشركة ، شمع للوجه، وللحواجب، ولخط البكيني

وأوراق الشمع ، يعني بلاوي ما كانت تخطر على بالي..

وأنا هناك جات وحدة تشتري من هالشركة وكانت تكلم وحدة على التلفون، يعني قاعدة توصيها

شنو تاخذ من هالشركة وبصراحة على إللي شفته من الجل إللي فوق قلت هذول أكيد شغلهم عدل..

ويبيعون هم كريم تحطينه قبل ما تستعملين الشمع وبعد ما تحطينه<<< اقول لكم عارفين شغلهم

وهذا شكل الكريم

فأخذت من عندهم أمس، المشقر والشمع إللي حق خط البكيني وكريم ما قبل وبعد الإستعمال

والشمع إللي حق خط البكيني يتوفر فيه كل الأشياء إللي ذكرتها فوق .. وعلى حسب إللي قريته

إن الشمع هذا تقدرين تذوبينه إما بالماء الساخن أو المايكرويف ..

كان ودي أرفق لكم الصورة بس مالي خلق أظلل الصورة إللي على العلبة وما أبي الإدارة تحذفني

خخخخخخخخخخخخخ

بس هو نفس العلبة إللي في الصورة الأولى بس مكتوب عليه

Wax A Way Bikini Line Wax

الخلاص أن الشركة هاذي مخلية الحياة سهلة بالنسبة للحريم على حد إللي شفته..

قبل ما أطلع أخذت من عندهم النوع الثاني من المشقر وهم ما اقدر أرفق الصورة لأن مالي خلق

أظلل بس مكتوب عليه Depilatory Hair Bleaching Kit by Health Aid

علبته بنفسجية وجزء منه أبيض وعليه صورة حرمة ماعطتنا ظهرها..

وهذا هو الوصف إللي مكتوب على العلبة

For facial and body hair. Easy to mix. Quick and simple to use. Gentle action for sensitive skin. HealthAid Bleaching Kit, lightens dark hair to blend in with your natural skin tone. Kit contains Hair bleaching cream (40ml), Activator cream (40ml), Mixing bowl, Spatula.

الجزء إللي عجبني أنه يشقر الشعر ويخلي لونه زي لون الجسم يعني ما يخلي لونه أصفر

وموجود بالعلبة، كريمين ينخلطون مع بعض وصحن للخلط وملعقة ، وهم أخذته..

<<< بتصير حقل تجارب.. إللي بسويه إني بستعمل هذا على جزء من جسمي وبستعمل الثاني على

جزء ثاني من الجسم وبعدين بقول لكم الفرق وأنا ناوية أجربه بكرة إن شاء الله..

وراح أقول لكم النتايج..

هذا إللي شفته ونقلته لكم ويا ليت إللي تعرف شي عن هالمنتجات تخبرنا عن تجربتها

أو إذا سمعت شي عنها إنها ما تبخل علينا..

وراح أنتظر المشاركات ولو إني أشك في ذلك

ام حمووووووووووووود

من عيوني حبيبتي ، أنا ما خشيت عنكم وقلت لكم عنه قبل ما أجربه

العفو حبيبتي وتسلمين على المرور

:: عروس المحيط ::

الله يعافيج حبيبتي

أعتقد الكريم يعتبر منظف للمنطقة ، بس اذا استعملته راح اقول لج فايدته

:: Marshmallows ::

هلا والله حبيبتي أم خالد

والله أنا جربت الشمع على منطقة صغيرة وحسيته مثل الحلاوة

لكن هم التجربة خير برهان ، وراح أجرب على مناطق أكبر وبشوف وش يصير

تسلمين على المرور والرد

:: bent.aldossary ::

العفو عزيزتي وربي يسلمج ويعافيج

وإن شاء الله يكون هالمشقر منه فايدة لأني تعبت من جوليان