xX مناكيري Xx 2024.

السلامـ عليكمـــ بنــاتوو : )

اخبــاركمـ عـ،،،ــاكمـ بخيـــر ..؟!

كل عام وانتــوووا بخير وكل رمضان وانتوا طيبين ان شاء الله

بما اني مهووسه في شي اسمه مناكييير(a) .. حبيت اشارككم بكوليكشن المناكير اللي عندي ..

بالنسبه لي صعب اني القى درجة المناكير اللي احسها حلوه على يدي ..

بقول لكم شنهي الماركات اللي عندي وشلي عجبني وشلي ماعجبني ..

ويالله عشان ما اهذر عليكم وايد …

نبدااا في الصووووور

اول شي هاذي درجات الوردي ..

من اليمين == برجوا .. ريفلون ( وايد فظيع هاللون بس طبقه وحده ويطلع وردي غامج وواضح ) وبعدين الاثنين هاذوول من احلى ماركة ميك اب ومناكير Berry M الوانهم عباره عن paint يعني كأنه صبغ من كثر ماهي واضحه وغامجه ولا يحتاج تعيدين فووقها مرتين وثلاث عشان يوضح اللون

وماركه بعد فظيييعه اسمها Star Gazer .. هاذي الماركه الوانها تكون فسفووريه وفاقعه .. وايد Funky صراحه واحب هالمجمووعه … لاني مثلا احط اللون الوردي العادي اللي فالصوره الاولى … وبعدين احط فووقه اللون الفاقع الوردي اللي في هالصوره ويطلع فاقع وواضح خاصه تجيني عرات احب احط هالنوعيه من الالوان طبعاً مب دووم ^_*

الاحمر من نارس عذاب .. احلى لون احمر استعملته في حياتي لان كان لي مشوار طووويل في البحث عن احلى احمر :ss: .. لكن للأسف الوان نارس تتقشر بسرعه .. يعني انا امس كنت حاطه الاحمر وعقبها بكم ساعه حسيته تقشر عالطرف .. مع اني احط فوقه طبقه من الشفاف لكن بعد مادري شلون … عموماً اللون فظيع وحلو واحب استعمله بين الفينة والأخرى :tongue: والاحمر اللي عاليسار حلو بروحه او حتى فوق الاحمر اللي من نارس لان فيه قلتر

اصفر وبرتقالي .. غامجين وواضحين وحلوين وطيبين ووايد احبهم (a)

هاللون مب طالع لونه عدل مع الاضاءه التعبانه .. بس لونه نفس لون الكرز

اللون الكحلي اللي عاليسار وايد حلو وواضح انه كحلي وعليه لمعه حلوه … لاني جربت الكحلي من شانيل تعبااااان الصراحه يبين لونه اسود !! :rolleyes:

البنفسجي اللي عاليمين عذاااب :15:

هالبنفسجي من ريمل .. حلووو وايد وعليه قلتر بنفسجي .. خاصه بعد احب احطه على اللون البنفسجي اللي عاليمين من Berry M في الصوره اللي قبل ..

عرفتوا الحين الماركات من شكل المناكير .. مثل ماقلت في الصوره الاولى … اليمين برجووا واليسار Berry M … اللي عاليسار وايد احبه برووحه او احطه فوق اللون الاصفر فـ يطلع اللون يزنننن : )

اليمين ماكس فاكتر واليسار سيفورا … الوان سيفورا تجنن وايد صراحه وخاصه ان المناكير تجيج صغيره ومجكنمه وعندهم درجات الوان فظيعه .. عموماً انا احب الالوان اللي تجي غامجه اكثر من اللي تكون شفافه شوي .. واللون البني اللي من سيفورا احلى لوون بني صج .. يطلع حلو مع الحنه وحتى برووحه يبين بني عدل مب اسوود 😎

الابيض اللي عاليمين Berry M .. واليسار من لانكوم … اللي من لانكوم الصراحه روعه خاصه القلتر يكون ابيض وواضح ولمعته فظيعه والله .. تخيلوا انه عندي من 3 سنين وللحين ماتجمد كلش وعلى حاله ماشالله 😮

Berry M

الوردي اللي بقلتر قمر شوي عليه (a) … يخلي شكل اليد بريئه خاصه مع الوردي <<< خطين على بريئه :tongue:

اهدي هاللون حق مسزز غمووضه لانها تحب الاسود وابي اقوولها انه احلى لون اسود جربته ..

من اول طبقه يكون اسوود اسود ومايحتاج تعيدين عليه ولا شي … وعليه لمعه حلووه

ماركة 17 بعد حلوه والوانها واضحه لكن ماعندي منها الا الاسود

وهاذي صورة جماعية لمناكيري ..

المهم فالاخير احب اقول ان ماركة Berry M و ريفلون و ماكس فاكتر و ريميل .. من احلى الماركات حق المناكير وعندهم رينج الوان وايد يرضي كل الاذواق : )

وحبيت اختم الموضوع بهالصوره ..

مركبه الكرستالات وانشالله بنزل درس قريب لو شفت تفاعل منكم عن كرستالات الاظافر واعلمكم شلون ممكن تلصقوونها بطريقه حلوه وبدون ماتضر الظفر نفسه طبعاً

تعبت وايد وانا اصور هههه بس لجل عيون بنات عرووس كل شي يهوون
:15f)

Ba Byeee