بسم الله الرحمن الرحيم ،
جولتي المصورة في معرض العطور والتجميل اللي انتهى يوم الجمعة اللي فات ،
المعرض ميزته إن معظم المحلات ومعظم الماركات التجميلية تلاقينها بمكان واحد ، حتى العرايس
يأجلون تجهيزاتهم من العطور وأدوات التجميل حزة المعرض حتى يشترون اللي يبونه ويستفيدون
من العروض والخصومات والهدايا اللي تقدمها بعض المحلات ،
هالسنة المعرض ميزته إنه حنان دشتي تشارك لأول مرة ، ومو بس جذيه طرحت ماركة باسمها اسمها
حنان دشتي
اممممم كريولان لأول مرة يشارك بالمعرض ،
يمكن هذول اللي لاحظتهم ولفتوا نظري ،
طبعاً الموضوع عبارة عن :
– لقطات من المعرض ،
– الجديد في المعرض ،
– مشترواتي من المعرض ،
خنبدأ بهذه اللقطات المصورة ، وأعتذر لعدم وضوحها لأنها من كاميرا النقال ، ومو بس جذيه كنت
أصور على السريع بدون تثبيت ولا تركيز كنت خايفة أحد يلاحظني 
،،
هذه اللقطات من شارمل ،،
لقطات من كريولان ،
هذول اللقطتين اليتيمتين من كورنر حنان دشتي ،
أماهاللقطتين فأخذتهم من وحدة من الجرايد ،
هذه اللقطات من محل اسمه صابونات متخصص بالمنتجات الطبيعية من صابون وسنفرة وشغلات للجسم ،
أما هاللقطات من كورنر جيرلان ، وبالأخص مجموعة البرونز 2024 ، أترككم مع اللقطات والمنتجات ،
لقطات من كورنر لانكوم ،
لقطات من بورجوا ،
هذه لقطات من الجوثن وهو محل متخصص لتجهيز الصالونات وهو وكيل ماركة مافالا ،
لقطات من جيفنشي ،
وهذه لقطات أخيرة مختلفة ،،
ألحين دور جديد الماركات ، وبحاول أختصر قدر الإمكان حتى أقدر أعرض المشتروات وما يطول الموضوع !!
أول شي راح أبدا بعطر من فيرا وانغ ، اسمه :
Princess
وأخيراً نزل هالعطر ، حلوووو وخفيف وبارد ويناسب الصيف ، وأحلى من العطر اللي قبله فيرا وانغ ،
الجديد في المعرض هو ماركة حنان دشتي اللي طرحتها ، وسوت ضجة كبيرة ، لدرجة إن الأساسات
خلصوا ( رقم 3 و4 ) طبعاً الأحجام الصغيرة والوسط ، وما بقى إلا الحجم الكبير 200 ML
الأساسات الشكل والحجم يشبهون شكل وحجم أساسات شارمل !! ،
حتى نفس السعر تقريباً ،
القهر في بداية المعرض كانت تبيع بسعر ولما شافت الدوس عليها غلت الأسعار !
مع الناس يسوون العكس ، يكونون غالين في البداية وينزلون السعر في نهاية المعرض ،
شادوهات حنان دشتي ولمعاتها وايد تشبه لمعات وشادوهات شارمل ، نفس الألوان تقريباً ،
بورجوا منزلين شغلات حلوة ،
شادوووو ، وراح تلاقون صورته من ضمن الصور اللي حطيتها ، لكن ما كانت واضحة لأن الإضاءة
قوية مع الفلاش وهذه صورته من الموقع ، بس بصراحة حلووو
وخصوصاً لون Noir Emeraude 07
ومنزلين أقلام كحل ملونة فيها جليتر ،
امممممم بعد منزلين أرواج جديدة ، وماسكراااااا ،
جيفنشي منزلين هالكوليكشن ،
هالكوليكشن منزلين لونين ماسكرا ، أخضر وأزرق ،
الحلوووو بالماسكراااا إنها ما تعطيج لون ، تعطيج لمسة لون ،
وحتى لما سألت عنها قالولي خالصة ،،
وجيفنشي مسوين خصم 50% على الأرواج والجلوسات والتحديد وصبغ الأظافر
لأنهم بعد فترة راح يغيرون الشكل ،،
جيرلان ، منزلين كوليكشن Terracotta Collection 2024
كانيبو منزلين منتجات جديدة للعناية بالبشرة ، ومسوين خصم 50% على بعض المنتجات القديمة ،
عموماً اختصاراً للصور ، راح أحط لكم بعض المنتجات الجديدة من ضمن مشترواتي ،،
لانكوم منزلين كوليكشن جديد ، وهذا هو كوليكشنهم ،
ألحين أخليكم مع صور مشترواتي من المعرض ، لأن مشترواتي الثانية حطيتها في موضوع المشتروات المثبت ،
فور إيفر ،،
شادوووو رقم 49 ،
+
جنطة للـ فرش + eye seal
حنان دشتي
كريم أساس الحجم الصغيرون !! ،
شارمل
شادوهين من إتليير + جلوس فوشي << يمدحون هاللون !!
من عشقي الأول والأخير كانيبو ،
طبعا هالعلب كانت عبارة عن :
هذه ما أدري شلون أشرحلكم عنها ، بس هي عبارة عن مساك على شكل الوجه تحطين
فيه تونيك وتحطينه على كامل الوجه ، أو ممكن تحطين فيه ماي ورد أو أي شي تبينه ،
سنفرة الحرير الجديدة + الجل المنظف من الكوليكشن الجديد ،
سيرم للبشرات الدهنية لتنظيف المسام ،
البيس ،
وهذا عبارة عن الفوم المنطف كانوا مسوين عليه عرض 50% لأنه خلاص راح ينقطع وما راح يجيبون منه
بعد ، عاد مجوده خمّت الكمية كلها ، وهي ما تتجاوز عدد اليد الوحدة !!!
كريولان ،
لانكوم ،
فيرا وانغ ،
عطر برنسيس ،
كلينك ،
طقم عطر أروماتكس ،
+
ستيك الحماية للعين والشفاة أخذت 2 لأني كنت ادروه قبل وما حصلته + سنفرة للجسم ،
صابونات ،
سنفرة بالعنبر + سنفرة بالورد + صابون للبشرات الدهنية ،
ريفلون ،
كانوا مسوين عرض تشترين صبغ أظافر وتحصلين على 2 FREE !! ،،
فأخذت هذول ، أثنين لي وواحد لأختي ،
بورجوا ،
أقلام تحديد رقم 11 و 12 أحلى رقمين للأرواج الطبيعية + صبغ أظافر ،
على فكرة هالصبغ بنفسجي غامج وقريب من لون الـ دارك أنجل ،
صورة توضح الإسم !! ،
الجوثن ،
أخذت القصافة + بوشر + مزيل صبغ الأظافر ،
أمل الكويت ،
عود من النوعية الطيبة ،
جنيد ،
عود + دهن عود ،
+
كريم ضياء + عطر عيون
هذول بعد من الـ جنيد ،
دهن عود حلو للإستخدام اليومي ،
وهذا بعد دهن عود ،
السرتي ،
هذول أمي موصتني عليهم ،
جيرلان ،
أخذت شغلات من مجموعة البرونز 2024 ، بس لو تلاحظون العلب مسكرة ، ليش ؟!!
لأني ناوية إن شاء الله أنزل لكم موضوع عن منتجاتي الخاصة بالمكياج البرونز +
ألوان وكيفية وضع المكياج البرونزي ،
أما هالعطر لما شفته !!!
فز قلبي !! فز قلبي لما شفت الإسم وشريته على طول ولا همتني ريحته إذا حلوة وإلا لااا ،
كفاية إن اسمه :
أميــــــر القلـــــــــــــــوب
الله يرحمه ويغفر له ويتجاوز عنه قولوا آمين ،
الإماراتية << اسم محل عطور 
،
أخذت مجموعة زايد لميمتي حبيبتي ،،
وهي عبارة عن دهن عود + مخلط زايد ،
+
معمول زايد هذا شكله من برااا ،
ومن داخل فيه هالعلبتين بنفس العطر ونفس الريحة ،
وعطر زياد البخاخ ، شكله من برااااا ،
وهذا الشكل من داخل ،
الحمدلله أمي عجبتها المجموعة كلها عدا المعمول ما عجبتها ريحته ،
نيتروجينا ،
كريم الحماية الجديد ، تقول إنه خفيف خفيف ويناسب البشرات الدهنية ،،
سيبا ميد ،
أخذت ديودرنتي المفضل ، البلسم + نوعين ثانين وإن شاء الله يطلعون زينين ،
ألحين بعد ما انتهيت من مشترواتي المتواضعة ، بحط لكم الهدايا والسامبلات على مشترواتي ،
من فور أيفر ،
كلينك ،
كانيبو <<< لو تلاحظون إن نسمة من الكرم الحاتمي مرت على كانيبو بالمعرض ، فكانت هداياهم بالهبل ،
جيرلان ،
لانكوم ،
سامبلات من نيترجينا ،
سامبلات من سيبا ميد ،
وبسسسسسسس خلصنا ،
أتمنى استمتعم بالجولة ، وإن شاء الله لنا لقاء مع جولات ثانية ،
(f) (f) (f)
تتهنيييين فيهم يارب
موضوعج فوق الروعه