بسم الله الرحمن الرحيم ،
خواتي تذكرون موضوع جولتي في المعرض !!
http://www.3roos.com/forums/showthread.php?t=240603
من ضمن مشترواتي في المعرض كانت منتجات TERRACOTTA من مجموعة من جيرلان
ووعدتكم إن راح أحطها لكم في موضوع خاص يشمل مكياجي البرونزي + طرق ولوكات
المكياج البرونزي ،،
اممممم لحظة !! قبل لا أحط لكم مجموعتي تعالوا خنشوف المجموعة كاملة من ستاند جيرلان ،
ألحين راح أحط لكم مجموعتي البرونزية لصيف 2024 ، << تو الناس 
،
هذا الأساس السبراي ،
وهذا البلاشر رقم 1 على وردي ،
طبعاً البودرة ما أخذتها لأن عندي بودرة ،
وأخذت الجلوس ،
وأخذت الكحل الزيتي ، لونه روعة !! ،
هذه المجموعة الكاملة ،،
وأخذت بعد هذاااا لـ كحل جيرلان ،،
هذا المنتج اسمه :
EYE SEAL
من فور إيفر ،
في موضوع الجولة سألتني وحدة من العضوات عنه وعن وظيفته ،
وألحين راح أعطيكم فكرة صغيرونة عنه ،
سلمكم الله هذا عبارة عن سائل يخلي الشادوو الحر أو السائب مثل ( الـ ستار باودر أو الـ بيجمنت )
إلى كحل سائل ، حتى البياعة قالت لي إني ممكن أستخدمه كـ بيس للشادوووو يثبت ا
لشادووو ويخلي لونه قوي ، وفعلاً هالكلام صحيح ، قبل فترة جربت
الـ EYE SEAL مع البيجمنت من ماك ، وكانت
النتيجة اللون قوي وواضح جداً بالإضافة إلى إنه ثابت ،
وكل وحدة وشطارتها في اختيار الألوان اللي ممكن تبرزها وتبرز لون وجمال بشرتها ،
لكن مع هذا ، أنا أشوف إن فيه ألوان حلوة مع اللوك البرونزي وألوان ما تناسب هاللوك ،
لذلك صورت لكم مجموعة من الألون أشوف إنها حلوة مع اللوك البرونزي ،
نبدأ ،،
بالنسبة للكحل أحلى لون للـ لوك البرونزي هو اللون الأخضر ، روعة ،
كان دارج السنة اللي فاتت ، ومازال !!
واللون التركواز بعد حلوووو مع اللوك البرونزي ،
كحل MINTED من ماك روعة مع اللوك البرونزي ،،
ودرجات الأزرق والكحلي والكحلي المخضر حلوة مع اللوك البرونزي ،،
^^^
الأقلام اللي بالصورة من كريولان رقم 42 ومن سان لوران رقم 3 ومن إيزادورا اللون الأزرق ،
وهذه ألوان وايد حلوة مع اللوك البرونزي ،،
^^^
الفلاش عافس الألوان فوق حدر صور 
،
الـ Blue Brown رائع مع اللوك البرونزي ،
نكمل مع الألوان ،
بالنسبة للـ إضاءات فأشوف الأنسب للوك البرونزي هي الإضاءات اللي فيها لمسة ذهبية ،
أو اللي على بيج ،
تهبل هالألوان ،
وهذول بعد وايد حلوين ،
بالصيف ، ومع البرونز ما فيه أحلى من الجلوسات وألوان الشفاة الطبيعية ،
أو الروج الجلوسي بيكون حلوووو بعد ،
ألحين دور لوكات البرونز ،
عرضت اللوك بهالطريقة عشان تقدرون تشوفون فيها لون البشرة وتناسق الشادوووو مع الروج ،،
[line]
[line]
[line]
[line]
[line]
[line]
[line]
[line]
[line]
وهذه ألوان حلوة للوك البرونزي ،،
طرق المكياج البرونزي ،
طبعاً في كذا طريقة للمكياج البرونزي ، بس راح أذكر لكم الطرق اللي أعرفها :
الطريقة الأولى :
وضع الأساس البرونزي بعد تنظيف وتحضير وتهيئة البشرة ،
وبعد توزيع الأساس على البشرة ، يتم وضع بودرة سائبة أو مضغوطة بلون البرونز ،
لكن هذه الطريقة ما أحبها ،، ليش ؟!!
لأنها تخليني كأني سمراء مو برونزية ، أو تعطيني لوك برونزي مبالغ فيه ،
لذلك راح أذكر لكم طريقتي المفضلة في اللوك البرونزي واهي الطريقة الثانية :
الطريقة الثانية :
وهذه طريقتي اللي أتبعها وأفضلها عادة في اللوك البرونزي ، وتعطيني لوك برونزي طبيعي ،
اممممم ، أبدأ أول شي بالبيس أو البرايمر ،،
وبعدين أحط أساس طبيعي بلون بشتري تقريباً ، يعني الأساس ما يكون برونزي ولا غامج ،
وبعد الأساس أحط لوس باودر شفاف بحيث تثبت لي الأساس وتعطيني لوك مطفي ، وحتى
يسهل لي توزيع البودرة البرونزية عدل ،،
وبعدين أحط البودرة البرونزية ، وأوزعها عدل بواسطة الفرشاة ،
طبعاً الأفضل في توزيع البودرة البرنزية اهيا الفرشاة الكبيرة مثل هذه الفرش وخصوصاً فرشاة ماك 182
الطريقة الثالثة :
وتكون بوضع الأساس + بودرة بلون الببشرة الطبيعي ،
وبعدها توزيع بلاشر برونزي على كامل الوجه ، وعادة تكون البلاشرات البرونزية فيها GLOW
حلو ومميز يعطي لوك مو طبيعي على الوجه ،
وهالطريقة تنفع البنات اللي ما عندهم بودرات برونزية ، أو مكياج برونزي ،،
والبلاشرات البرونزية اللي ممكن تنفع لـ لوك برونزي ،
مثل بلاشر DALLAS من بنفت ،
أو بلاشر نارس Madly
أو بلاشر ماك من كوليكشن الباربي FAB ، << طبعاً يتوزع بالفرشاة رقم 182 أو بفرشاة كبيرة
وناخذ منه لمسة حتى يعطيني اللوك اللي نبيه لأن البلاشر وايد غامج ،،
أو إضاءة ماك SHIMPAGNE
المنتجات بهذه الصورة ،
باليت بوبي براون ،
أو البودرة البرونزية من بودي شوب ،
أو الأوراق البرونزية من شيسيدو ،
وعادة تكون البلاشرات البرونزية فيها شيمر أو جلو يعطي مظهر حلو ومتألق ، لكن إذا
ما عطانا البلاشر الـ شيمر أو الـ جلو اللي نبيه ممكن نحط لمسة من أي لمعة عندنا بس
تكون ما تكون فضية أو لؤلؤية ،
مثل هالإضاءة ،
أو هذه ،
أو هذه ،،
أدري طولت عليكم بالموضوع والصور ، بس راح تكون هذه جولة سريعة جداً في المنتجات البرونز ،
طبعاً الجولة راح تكون خاصة بماركات معينة مو بكل الماركات ،
لأنا لو حطينا كل الماركات على جذيه ما راح نخلص 
،،
عموماً خنشوف بعض الماركات شنو منزلين وشنو عندهم من منتجات لـ لوك برونزي ،
لانكوم ،،
آردن << بديت أحب هالماركة ،،
كارجو << متوفرة بسيفورا الخليج ،،
بنفت ،
كلينك ،،
نارس ،
هذه البودرة اسمها : Laguna وتصلح للبشرات الفاتحة ،، وايد بنات في المنتديات
الأجنبية يستخدمونها ،
وفيه درجة ثانية عند نارس اسمها : Casino تصلح للبشرات الحنطاوية الخليجية ،
والفرشاة اللي مع البودرة هذه خاصة للبودرات البرونزية ،،
في وووووووووووووقته
عاد يامجوده انا من عشاق البرونزاج وحتى في الوان اللبس اللي ماتناسبني الحين استغلها لما اتشمس
يعني اموووت في البيج بس مااقدر البسه لأني بيضاء بس مع التان البسه ويطلع واااو
ودرجات الوردي احبها مع البرونزاج بعد
والقلوسات الفاتحه مثل البيج وتوابعه تبرز بطريقه مو طبيعيه مع البرونزاج
ماقصرتي موضوع متكامل ومتعوب عليه
مشكوووووووووره والله يعطيج العافيه
موفقه يالغاليه
(f)
الله يسعدك ع الموضوع المميز :shy:
ودي أسالك عن bare vitamins وش وظيفته وهليناسب نوع معين من البشرة ؟؟لأنوه أبوي جابوه لي هدية مع بودرات وسي دي بس أنا ميييييييييييييييح بالانجليزي
وبالنسبة للوكات البرونز دخلت مزاجي بقووووووووووة وحابة أسالك إذا ممكن استخدم الاساس البرونزي من دون البودرة ينفع لأنها تجفف وجهي ؟؟
والجسم مايكون فيه فرق بينه وبين الوجه :gum: فهل فيه مستحضرات للجسم ؟؟
وش تنصحيني بمجموعة برونزاج غير جيرلان لانوه يمكن مانزلت عندنا ؟؟
وآآآآآآآآآآآسفة ع الاطالة :salam: (f)
وعجبني التركواز مع البرونزي نزلوه سان لوران فالصيف اللي فات رووووووعه كان
انا طريقتي في عمل اللوك نفس الطريقه الثانيه والثالثه لكن ابدا ما استخدم فاونديشن برونزي
مجد بغيت اسالج عن ارماني وبنفت ونارس وين احصلهم بالكويت
وشكرا عالمجهود الرائع
تسلمي ويسلم ذوقك
جزاك الله خير