اليوووم يايتنكم وكل املي إني أحصل حل لمشاكلي الأزليييية الي طيرت النوم من عيوووني ..
أولا… آثـــــــــــار الدمــــــامل
أنا كنت اعاني من الدمااامل لعدة سنوااات .. يعني الحمدلله ما كانت تظهرلي بغزارة بس بين كل فترة والثانية يظهرلي دمل فمنطقة الخلفية وساعات بين الفخذين ونادرا تحت الابط ..
الحين الحمدلله خفت هذي الدمامل بشكل ملحوظ وايد .. ولكن المشكلة هي فالآثار الي خلتها ..
هالآثار الي من سنين وأنا أدورلها حل بس ما لقيت .. منطقة الخلفية عندي كلها بقع بنية غامجة من غير عندي أثر بين الفخذين وأثر ثاني تحت الابط ..
جربت وايد وصفات وكريمات من كثرتها ما أذكر منها شي وكله بدون فايده …
سمعت عن منقوع المرة وحابه أجربه بس بغيت أشوف لو في وحده جربته ونفعها ؟؟ ولا إذا وحده عندها حل ثاني ومجرررب الله يخليييكم ..
ثانـــــــيا .. حبـــوب في المنطقة الحســـاسة
يعني جنه السمار مب كافي .. الحين بعد طلعتلي حبوب .. والسبب الحلاوة ..
كنت دايما أحلق المنطقة بس حولت للحلاوة لان عرسي جريب وطبعا الحلاوة أفضل من حيث النعومة وتأخر ظهور الشعر ..
أول مرة حفيت فيها كانت غير منظمة ابد يعني يالله يبت الحلاوة وبديت حف وخلاص غسلت المنطقة .. وطبعا طريقتي هذي كلها غلط ونتايجها ظهور الحبوب ..
الحمدلله عرفت الطريقة الصح للحف بالحلاوة والحين ما تظهرلي حبوب يديدة .. بس المشكلة فالحبوب القديمة .. شو حلهااا ؟؟؟؟؟ وكيف اتخلص منها ؟؟؟؟
ثالـــــثا .. منطقة الابط
هالمنطقة فيها مشكلتين ..
اول شي انا الحمدلله ما كنت اعاني من سواد هالمنطقة وكنت احمد ربي دوم على هالنعمه لاني دوم اشوف معاناة البنات مع سواد الابط .. بس شكلي حسدت عمري لاني من فترة حفيت المنطقة بالحلاوة واستوتلي مثل الحرارة .. احمر الابط عندي وخلف بعده سودا بسيط .. الغريب فالسالفة ان هالسواد اختفى كليا من الابط اليمين بس لازال باقي في الابط الثاني ؟؟!! فاللي عندها حل مجرب ومتأكدة منه ياليييت تخبرني ..
والمشكلة الثانية مب عارفه سببها بالضبط لانها قديمة وايد .. عندي منطقة صغيرة تحت الباط فيها الجلد مترهل .. يعني تحسون انه منزوع والله مب عارفه كيف اشرح .. ماعرف هل السبب هو الحلاوة ولا دمل كان ظاهر فالمنطقة وكان هذا أثره .. الصراحة ما أذكر السبب لان المشكلة من سنييين عندي ..
وهذي هي مشااااكلي كلها .. ويالييييت ألقى عندهم الحل الي بينهي معانااااااتي خصوصا ان ما باجي عن عرسي الا اقل من شهرييين ..
أتمنى ألقى عندكم حلووول مجربينها بأنفسكم أو شايفين نتايجها بعينكم لان النت مليان وصفات بس ما ادري شو الوصفات المضمونه والي بتفيدني ..
شــــــــاكرة لكم حسن تعاونكم
بصراحه ماعندي حل بس ماحبيت اطلع بدون رد
هلا اختي
اول شي الله يعينح ويخفف لج من مشاكلج الجلديه والي الافضل انج تروحين لطبيبه مختصه تعطيج علاج لكل وحده خصوصا الاخيره الي في الابط لان اكيد علاجها بيد الطبيبه
أما باقي الاشياء سوي الحمام المغربي باستمرار وضيفي له كركم الجسم عشان يعطيج نتايج احسن
وموفقه حبيبتي
لحقى عمرك بسرعة وخلى الوصفات الوصفات للاشيا البسيطة
موفقة
الله يساعدك اختي بس ما عندي حل