انا زوجي بعد شهر ان شاء الله بينتقل الى وظيفة جديدة في شركة ثانية واحنا متفائلين خير وخصوصا بعد الاستخارة (a)
وانا حابة اهديه شي او اسويله شي بهالمناسبة لكن ما عندي افكار استقر عليها حاليا (w)
يعني انا اللي اعرفه هو اهداء مثلا قلم ، ممكن عطر ( مع اني امس كنت طالعه السوق مع خواتي واشتريت له عطر واهديته اياه بعد ما رجعت (a) ) ،،اووو ….. مادري الصراحه محتارة
والساعات ما يحب يلبسهم ابدااا ويعتمد دايما على ساعة الموبايل ..
وهو على فكرة شغله عملي أكثر من انه مكتبي ..
سمعته من كم يوم يقول انه يبغي يروح يشتري له شوية ملابس حق الشغل الجديد ..
فاتمنى من البنات يفيدوني .. شنواقدر اسوي في مثل هالمناسبة ؟؟ 😮
هل مرت عليكم مثل هالمناسبات وشنو كانت حركاتكم ؟؟
ومتى الوقت الانسب للحركة ؟؟ يعني مثلا قبل ما يداوم بيوم ولا قبل ما يداوم اول يوم من الصبح ولا بعد ما يرجع من اول يوم دوام ولا متى !!!
بانتظار تفاعلكم 😉
والصراحه هويعتمد على نوع المفاجئه
وتقبلي مروري ان شاء الله البنات يساعدونك
لانة زوجي طلع من شغلته الاولية الي كانت دوامين وبراتب ضعيف والحين يشتغل في شركة ثانية بس مو مرتاح معاهم لانة ضغط شغل ومن سي لاسؤ والحين ينظر خبر من شركة مقدم فيها واتمنى ما يكمل شهر 4 الا وهو محصل شغلة غير هذي وان شاء الله استفيد من موضوعج
انا عن نفسي اقترح تاخذين له جم قميص بذوقج للشغل الجديد وممكن تقدمينهم له ويروح اول يوم دوام ابهم واكيد تعرفين ذوقه في الاقمصة والله يوزفق زوجج في هالشغل وتكون فاتحة خير عليكم
وعقبال زوجي يارب الله يرزقه بشغل احسن
انا برايي بعد ما يثبت بالوظيفة يعني اول ويكاند له بالوظيفة الجديدة سوي لك حفلة بسيطة كيكة و شموع و بالونات و غيري شوي بغرفة النوم
و جيبلية كم قميص او شداشة حسب لبسه في الشغل و اهديهياه في اول صبح بالشغل
و الف مبروك مني مقدما
اقترح عليش تسوين المفاجئه اول يوم الدوام الصبح اللي هي عباره عن ملابس جديده زي ماقالوا البنات يكونوا معطرين ومرتبين
وجيته من الدوام الحفله
اللي تكوني مرتبتنها خلال وقته في الدوام عشان تكون مفاجئه
والله يوفقك
ان شاء الله بدور على افكار حق حفلات في الركن وبختار المناسب 😉