ازيكم ياعرايس
الشيف 😉 صابرينا النهاردة جايبة لكم ايه ياترى؟؟
لكل عاشقات السي فود,,
جمبري في الفرن وكاليماري مقلي ولا المطاعم
مش كلامي
ده كلام ابو محمد 
يلا نبتدي,,
اولا ::: الجمبري ,,,,
جمبري ( ربيان ) على حسب الافراد
بصلة كبيرة شرائح جوليانو
حبة او اتنين طماطم
فلفة خضراء
ملح – فلفل – كمون – قليل من الكركم – شطة
3 فص ثوم مهروس خشن
( المقادير دي لكيلو جمبري )
بتفردي ورق فويل في الصينية طبقتين واحدة بالطول والتانية بالعرض وتحطي فوقهم الجمبري,,
طبعا بيكون مغسول كويس ومش فيه ماء..
تضيفي الثوم و البهارات وتكثري الكمون والفلفل شوية ونصف م ص كركم,,
تقلبيه كويس مع التتبيلة وترصي فوقه شرائح البصل ثم الطماطم ثم الفلفل,,
تقفلي الفويل كويس عشان البخار مايطلعش,,,
وبعدين تدخليه الفرن من تحت على درجة حرارة 200 م من نصف ساعة الى ساعة الا ربع,,
وبعدين تفتحي عليه الفويل وتشغلي الشواية عشان يتحمر شوية,,
وده شكله النهائي,,
يتبـــــع
ثانيا ::: الكاليماري,,,
كاليماري مقطع شرائح
قليل من الثوم المفروم ناعم
ملح وفلفل وكمون وشطة وكركم,,
تخلطي الكاليماري مع البهارات والثوم وتقلبيهم كويس مع بعض,,,
تتركيهم حوالي نصف ساعة عشان الكاليماري يتبل كويس وبعدين تشطفيه بماء بس مش تغسليه شطف سريع وتصفيه من الماء كويس في مصفاة
تحطيه في الدقيق
طريقتي ايه؟؟
علبة عادية من بتوع المطبخ تحطيه فيها مع الدقيق الكافي وتقفليها بالغطاء وتهزيها كويس لحد ما الكاليماري يختلط بالدقيق
( وطبعا الطريقة دي برده مع الجمبري المقلي )
وعشان تتخلصي من الدقيق الزائد بتحطي الكاليماري في مصفاة زي المنخل او اي واحدة عندك ممكن بس اهم حاجة تكون جافة,,
ويكون الزيت ساخن ماتحطيهوش في الزيت قبل مايسخن كويس,,
وتسيبيه لحد مايستوي ويتحمر,, بعد مايخلص باعصر عليه ليمون ورشة فلفل اسود بيبقى يم يمي,,
وده شكله النهائي,,
ومن أقرب لزوم التعذيب ههههههههههه:tongue:
وعملت معاهم سلطة طحينة ,, ( طحينة + م ك خل + ملح وفلفل وكمون وشطة + ماء دافئ وممكن م ك زبادي لو حبيتي )
وبطاطس محمرة,,
ولو عاوزاها مقرمشة زي بطاطس ماكدونالدز في حلين,,
1- تنقعيها قبل القلي بنصف ساعة في ماء وملح وخل.
2- او وانت بتحمريها لما تكون نصف سوا تطفي النار وتسيبيها في الزيت شوية لما يبرد وبعدين تشغلي النار تاني لحد ماتستوي وتتحمر وبتكون حلوة ومش شاربة زيت ومقرمشة,,
وبس كده,,
ايه رأيكم بقى؟؟
اتمنى اشوف الردود الحلوة
ولو عجبكم ماتنسوش التقييم…
حقوق الطبع والنشر محفوظة لـــ
( صـابرينــااا + منتدى عروس )
سلااااااام
..
..
ياحركتااااااااااااات
انا اقدس الاكل البحري (y)
بس صبرينا ليش منتي مقشره الجنبري :ss: >>>>>> مستغربه ههههههه
تسلمدياتكـ يا صبرينااااا ….
وماننحرمشي ياعسلز؛؛؛
((f))
ما شاء الله عليك مبدعة
انا تعلمت طريقة القلي وحبيتها
مشكورة يا غالية
وتسلم ايديكي ياعسوله ….
واااااااو
طبخه لذيييييذه
تسلم الايادي
ماشاء الله شكلهم يشهي
تسلم ايدك حبوبة
كل يوم نتكتشف مهاراتك الرائعه
شهيتيني أجرب الكاليماري
أتمنى يكون الميزان معي موضدي هالمره
شكله يجننننننننننننننن ماشاءالله وخاصه الكاليماري دايما اسمع عنه بس ما بعرف طريقه طبخه شكله بيشهى وبفتح النفس هو والجمبري جوعتينى
تسلم ايدك يا صابريناا (y)(y)(y)
تستاهلى احلى تقيييييم بس لولا انه معلق معى التقييم بس ملحوقهان اشاءالله
يعطيكي العافيه ياقمر
يسلم ايديكي يا احلى شيف