السلام عليكم خواتي
من سنه تقريبا ولدت الحمدلله ولكني من يوم الولاده عانيت من كحه مزمنه أستمرت لمدة 3 أشهر
وخلال هذه السنه عانيت من إلتهاب الأذن وإلتهاب رئوي حاد
تعبت كثيرا والسبب أني فبداية اي مرض كنت أعتمد على الأدويه الخفيفه والأعشاب
ومناعتي ضعيفه فيزداد المرض عليه وأتعب وأضطر آخذ مضادات حيويه طبعا مناسبه للمرضعه
والآن أعاني من الزكام وخذيت بنادول الأصفر خلصت علبه كامله والحين بدأت بالثاني
وإلى الآن فيني زكام وحاسه اليوم بألم فأذني
أفيدوني بعلاج ممتاز للزكام يكون طبيعي وبالأعشاب
وما هي الأدويه اللتي أستطيع تناولها إذا كنت أعاني من الزكام وأنا مرضع
وشكرااا
:L
:
لازم تكثري من شرب السوائل الساخنة لانها تريحك وتهدي صدرك مثل الزهورات … ومنقوع الزعتر الاخضر رائع للكحة
ويريحك باذن الله
وانا مابنصحك ببنادول كولد لاني عن تجربة مااستفدت منه ابدااا غيري وجربي تاخدي حبوب ثانية
وسلامتك ان شالله
ما دام انك ترضعين طفلك الأفضل انك تحرصين على تجنب الأدوية بأي شكل .. لأنها أكيد تأثر .. !!!
شوفي حبيبتي .. هالخلطة زينة مية بالمية للزكام والكحه .. وانا جربتها بنفسي .. وما أعرف الا لها .. وان شاءالله تفيدك ..
اخلطي المقادير التالية بعلبة زجاج صغيره ..
ملعة كبيرة عصير ليمون اصفر طازج + ملعقة كبيرة عسل + ملعقة كبيرة زيت زيتون ..
وخوذي منها مقدار ملعقة صغيره صباحاً قبل الفطور .. وليلاً قبل ما تنامين .. لحد ما تحسين انك شفيتي من الزكام ..
واحرصي على اضافة الزنجبيل أو القرنفل المطحون لمشروباتك الساخنة ..
وأدهني منطقة الرقبة ب( فكس ) ولفيها بشال ونامي فيها .. أو أدهني رجلينك ب( فكس ) والبسي شرابات ونامي فيها ..
جربيها وان شاءالله ما تشوفين الا العافيه ..
 |
اقتباس |  |
 |
المشاركة الأساسية كتبها .. أمــ عــلــيــ ..  |
 |
 |
| الله يشفيك ..
ما دام انك ترضعين طفلك الأفضل انك تحرصين على تجنب الأدوية بأي شكل .. لأنها أكيد تأثر .. !!! شوفي حبيبتي .. هالخلطة زينة مية بالمية للزكام والكحه .. وانا جربتها بنفسي .. وما أعرف الا لها .. وان شاءالله تفيدك .. اخلطي المقادير التالية بعلبة زجاج صغيره .. ملعة كبيرة عصير ليمون اصفر طازج + ملعقة كبيرة عسل + ملعقة كبيرة زيت زيتون .. وخوذي منها مقدار ملعقة صغيره صباحاً قبل الفطور .. وليلاً قبل ما تنامين .. لحد ما تحسين انك شفيتي من الزكام .. واحرصي على اضافة الزنجبيل أو القرنفل المطحون لمشروباتك الساخنة .. وأدهني منطقة الرقبة ب( فكس ) ولفيها بشال ونامي فيها .. أو أدهني رجلينك ب( فكس ) والبسي شرابات ونامي فيها .. جربيها وان شاءالله ما تشوفين الا العافيه .. |
||
 |
 |
اخلطي المقادير التالية بعلبة زجاج صغيره ..
ملعة كبيرة عصير ليمون اصفر طازج + ملعقة كبيرة عسل + ملعقة كبيرة زيت زيتون ..
هذي الخلطة اللي كنت بكتبها لك بس ام علاوي سبقتني
جربيها خلطة ممتازة
طمنينا على صحتك
الدمشقيه
الله يسلمج ويبارك فيك يالغاليه
صدقج هالباندول مول ما منه فايده تخيلي خذيت علبه كامله ولين الحين بعدني مريضه
تسلمين يالغاليه وأسأل الله أن يشفي جميع مرضى المسلمين آمين
أم علي
جزاك الله خير عالوصفه يالغاليه والله يبارك فيك وفعيالك يارب أنا كنت مول ما آخذ شي إلا الأشياء الطبيعيه لين ما يوصل حدي من المرض الله يكون فالعون
إن شاء الله راح أجربها وتنفع
ما خليت وصفه ما جربتها
مسك أبيض
الشر ما يجيك يالغاليه تسلمييين فديتج
(¯`v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯` ♥♥♥
اشربى ليمون سخن محلى بالعسل ومغلى بقشره وصفيه
وان شاء الله ربنا يشفيكى