بسم الله الرحمن الرحيم
السلام عليكم ورحمة الله وبركاته
كيف حالكم خواتي مع الصيف واجواء الصيف الحاره ..
اليوم موضوعنا منعش برائحة البرتقال ..
وان شاء الله يعجبكم الموضوع وينال على رضاكم
الصيف حبيباتي
راحه استجمام او سفر
لكن صيفي مع البرتقال نفس كل سنه
خلوني اول شي اقول لكم على سر
بما ان الصيف حار جدا عندنا بالخليج
فأنا استغل وقت الصيف اني اتخلص من كل سموم جسمي
وانتوا بعد جربوا طريقتي مع شرب الكثير من السوائل
مو بس يخليك غير جافة البشره لا
هذي فرصه اننا نتخلص من السوائل وايضا من السموم الموجوده بالجسم
واحلى شي من الفواكه بالصيف البرتقال
يا كثر ما استهلك منه كوارتين ثم كوارتين ثم كوارتين من البرتقال
وأحب أشكر اختي الغاليه المشرفه فراوله لمساعدتها لي بتضبيط الصور
والله يسعدها يارب على وقفتها معي دائما ..
:::::::::::::::::
اليوم بطرح لكم افكاري مع قشور البرتقال
لكن اولا اعصر البرتقال بخلاطة عصر البرتقال
ولما انتهي من عصر البرتقال
احتفظ بقشور البرتقال
واجمعهم بصحن بلاستيك غير مغطى بمكان عالي مثل اعلى دواليب المطبخ او فوق الثلاجه
ولما يجف البرتقال يعني تقريبا يبي له يوم بالكثير
اخذ البرتقال واحطه بخلاطة القهوه
وبعد ما اطحنه اخزنه بعلب من الزجاج عشان تحتفظ بالنكهه والرائحه بنفس الوقت
بأيش اقدر استخدمه ؟؟
1- لما اسوي رز ابيض ( شيلاني ) ارش اشوي من قشور البرتقال الناعم على وجه الرز وتعالوا شوفوا النكهه والريحه الحلوه
2- لما اغسل الملابس اضيفه مع صابون غسيل الملابس ونفس الشي ريحه وانتعاش بعز الصيف
3-لما ابي اريح نفسي بأخر اليوم بحمام الهنا اضيف ملعقه كبيره من الخلطه المجففه الى ماء البانيو وعن جد ادمنت على ريحة البرتقال ولو كان البرتقال حامض يووووه تعلق الريحه عدل بالجسم ..
4-كمان تقدرين انك تلمين بعض من الخلطه وتحطينه بقماش ناعم وتعلقينه بالدواليب عشان يعطر لك الدولاب …
5-او انك تستعينين فيه لتقشير المناطق الجافه خصتا ان يحتوي على فيتامينات e الممتازه للبشره ..
6-اضافة نص ملعقه صغيره منه للكعك يعطي نكهه ورائحه
7- اضافة القليل منه لبهار السمك وتبهرين السمك فيه وتعالي شوفي كيف ما راح تحسين وقت القلي بريحة الزفار منه ..
8-تخلطينه مع الملح وبعدين تدعكين قطاعة اللحم او الدجاج نظافه ونفس الوقت يزيل لك البقع المستعصيه بمفعوله الحامض مع الملح ..
9- ممكن تاخذين مبشره وتبشرين البرتقال وما تجففينه وتخزنينه بالفريزر للكعك والحلى
10- ممكن تضيفين مقدار نص ملعقه صغيره للسلطه وهذا بديل عن الليمون
او انك تجففين الليمون بدل البرتقال للسلطه ..
وهذي فكره مميزه عملتها لنفسي
اني صبغت قشور البرتقال
المقصص مثلثات او كامله وصبغتهم
وخليتهم على الكوميدينو
وكل بين فتره والثانيه اصب عليه من الزيوت العطريه
ديكور بسيط ونفس الوقت معطر لجو الغرفه
………..
ممكن انك تسوين
الافكار السابقه
مع الليمون كمان ..
……..
اما قشور الموز سويه نفس الطريقه
بس خليه مع حمام زيتك وانعمي بشعر ناعم ومفرود وصحي
وكمان الموز يعطي لمعه للشعر …
………..
( يمنع النقل الا بذكر المصدر واسمي والدعاء لي بالخير )
هذا موضوعي اليوم ان شاء الله
نال على اعجابكم
ونورتوا الصفحه يالغاليات …
تــــــــرانيم
ما قصرتي الغالية
خاصة انه بالصيف احب واايد اشرب عصير برتقال طاازج والحين اقدر استفيد من القشوور بعد
يسلموووو على هالموضوع الحلووو
تسلم اناملك الحلوة
لما اصير ربة بيت بسويه
افكار ولا اروع ترانيموو
بصراحه راح جربها فعلا لان فكرة قشور البرتقال عجبتنى اوى
دمتى متألقه ومبدعة
وتسلمين والله يزيدك من فضله
الا تعالي : مره قريت انه يدعك به الاسنان خخخ مادري عندك خلفيه والا مافيهاش خالص
تسلمين على هالمواضيع الحلوة
مووضوووع رااائع حبيبتي
جزاج الله خيير
تسلمين يعطيك العافيه
يعطيك الف الف عاافيه