اليوم بحط لكم خطوات لوك نعوم و سهل
قبل ما ابدى عندي ملاحظات: بالنسبه للبشرة كل وحده لها ستايل مختلف تهيئ فيه بشرتها و كل وحده تختلف عن الثانيه في وضع الاساس و البودرة
اللي ابا اوصل له ان مش لازم تكون طريقتي هيه اللي تستخدمينها و مب شرط نفس الادوات
نفس الموضوع بالنسبه لدرجات الالوان و نوع الماركه.. استخدمي المتوفر عندج واللماركه اللي تفضلينها واللي انتي رتاحين لها و حتى لو ما حبيتي الالوان الي انا مستخدمتنهم انا استخدمي اللي متعوده عليهم و الدرجات اللي انتي تحبينهم
اول شي نبدا بادوات الوجه موضحين في الصورة بالارقام
رقم 1 الفكس+
2 كريم مرطب وواقي عن الشمس ينحط عقب ما ترشين ويهج ب الفكس و عقب ما يجف
3 كريم اساس
4 بودره خفيفه
5 بودرة حرة – تحت العين عشان بستخدم اللون الاسود ف بحطه عشان اي شادو منثور ينزل تحت العين ينمسح بسهوله وما يترك اثر
6 للكونتور
=========
الفرش اللي بستخدم منهم مش شرط كلهم بس دايما جهزي كمن وحده احتيط – سبحان الله يمكن تغيرين رايج و تزيدين شي او تنقصين خطوة
انا ما بكتب ارقام عشان كل وحده تستخدم فرشاة شبيهه لهم من ماركه ثانيه اعتقد واضحين في الصور
=========
الماسكارا: استخدمي الي انتي مرتاحه لها انا ما كنت اشتري ماسكارا من ماك بس على مدح الحرمه خذت هاي و بصراحه ما تتفوت
=========
للشفايف
مرطب و روج و قلوس
استخدمي اي مرطب و عادي لو كان شفاف اهم شي انه يرطب لج شفايفج و يهيئهم للروج
الروج hey, sailor
القلوس party mate
=========
البيجمنتس والشادو و الهايلايت
=========
اللوك وايد بسيط ناعم
واول مره اسوي لوك ازرق
اذا بتلبسين عدسات ملونه الحين وقتهم و انا لبست عدسات زرق
اول شي نرش الفكس+ رقم 1 في الصورة على كامل الوجه و نترياه لين يجف
وبعدين نوزع كميه لا باس بها على الوجه من كريم الترطيب والوقايه رقم2
والحين نوزع الفاونديشن بالفرشاه رقم 7 و بالكبوكي اول فرشاه على اليسار نوزع البودره رقم 4 في هذا اللوك ما نحتاج رقم 5 لان اللوك بسيط
الحين حبوبات نحط المرطب على الشفايف عشان يوم نخلص من اللوك و نوصل للروج تكون الشفايف مرطبه و مهيئه للروج.
=========
الحين نبدا بالشادو والبيجمنت
بالفرشاه رقم 5 حطي شادو shroom رقم4
كهايلايت تحت الحواجب. بعدين بالفرشاه رقم 8- نحط من البيجمنت lark about
رقم1 في زاوية العين الداخليه بس – اي شادو فضي ينفع
بعدين بالفرشاه رقم 6 ناخذ من بيجمنت mutiny رقم2 و نحطه في وسط الجفن ونخلي اخر ثلث من الزاويه الخارجيه بدون ما نستخدم شي
=========
ملاحظه انا نسيت اصور اللون اللي بحطه في الزاويه الخارجيه لعين – اي لون كحلي او ازرق غامق ينفع
انا استخدمت لون كحلي deep truth اخر شي ارسمي العين من تحت باللون التركوازي رقم 3
زاويه العين الخارجيه نخليها مفتوحه ما نسكر اللونين مع بعض
الحين بالفرشاه رقم 2 ادمجي الالوان بخفه
ارسمي ورتبي حواجبج
حطي الماسكارا و جحال اسود
اخر شي حطي الروج والقلوس
هذا هوه اللوك
لاحظوا انا ما حطيت بلاشر اذا تبون على راحتكم
اتمنى ان اول لوك يعيبكم
واتمنى ان الشرح واضح لاني ما اعرف اشرح خخخخخخ
ترقبوا اللوك الثاني
ما شاء الله لا قوة الا بالله عليك بصراحة في اشياء كنت غافله عنها بس من مواضيعك زادت معرفتي فيها مع اني من عشاق ماك بس مو كل شي اعرفه عندهم، انتي الله يجزاك خير وفيه عضوه ثانيه بعد عرفت من عندكم منتجات في ماك مررررررررررررررررررررره مبسوطه عليهم حاليا ..
الله يعطيك العافيه على هذا المجهود وانتظر جديدك بفارغ الصبر ..
تقبلي تعليقي
وبارك الله فيك
استفدت كثيرا من موضوعك
لاتحرمينا من فنك وابداعك
دمتي بخير
مشكورة الغلا يعجز قلبي عن التعبير
الصراحه فرحتيني ادري ان اللوك سهل جدا واي حد يقدر يسويه
بس اول مرة انزل لوك وبالنسبه لي احس بصعوبه لنقل الفكرة
عشان جيه ما كنت ناويه انزل لوكات
بس قلت بحاول وهاي اول محاولة فالسموحهمن الكل
و فرحت لاني قدرت اوصل لج فكرة استخدام بعض الاشيا
كلارنس
تسلمين على المشاركة الحلوة
(f)(f)(f)(f)
عذب القوافي
تسلمين على الطلة الحلوة
😉
حلو بسييط ونعوم
تسلميين
وننتظر اللوك الجاي
شرح واضح وبسيط وتصوير متميز لكل المواد المطلوبة ..
تصدقين البارحه بس أشوف هالبيجمنت اللي استعملتيهم .. يمكن نزلوا عندكم بس للحين مانزلت عندنا
اللون الأزرق يجنن
الله يسلم هالايدين اللي صورت واشتغلت
مشكورة يا الغالية ننتظر اللوك الثاني
الصراحة لازم يعطونج وسام شرفي ثاني… الصراحة مواضيعج منورة القسم …
بس و الله كنت اتمنى لو أطبق اللوك الأزرق … أنا و الازرق في خصاااام دائم … للأسف مب حلو علي بالمرة ..
شو رايج المرة الثانية تسوين لوك بني و بيج <<<< غرامي هاللونين في المكياج!
غلبتيني انا كنت ناوية احط لوك اليوم بس بما انج حاطة موضوع ما بحط شي
لانه مواضيعج ما شاء الله اتصك علينا صك
تعجبني اللوكات الخفيفة احسها واايد احلى من الثجيلة
وتبرز ملامح الويهه اكثر
شكلج من محبات الازرق …وانا شرات حصوصة مب اي ازرق يليق علي
تسلمين حبيبتي وما قصرتي
وكثريلنا من هاللوكات الحلوة