ابغي رايكم في مجموعة العطور هاذي 2024.

اسلام عليكم و رحمة الله

اخواتي بحط لكم مجموعة عطور و قولو لي إذا حلوه او لا….ما اشتريت عطر من 7 شهور خخخخخ …و الحين بيخلصون العطور اللي عندي يلفضون انفاسهم الآخيره هههههه…و ابغي اشتري و ياريت تعطوني رايكم بكل صراحه و تعطوني مقترحاتكم لعطور تكون ريحتها صدق مميزه و حلوه..

عشان اكتب اسمائهم في ورقه و اشلها معاي لما اروح محل العطور …بدل لا يبخون علي البياعات ثلاثين عطر و يدور راس و آخر شي اختر شي مب حلو….انزين الحين بحط لكم الصور و قولو لي بكل صراحه هالعطور حلوه او لا….على فكره أنا ما أحب ريحة الفل و الياسمين عشان تعرفون ذوقي….و بقية أنواع العطور عادي عندي

اول شي هالعطر الجديد من جفنشي

و هذا عطر اسمه Daisy من مارك جاكوب

و هذا عطر the One من دولتشي و جابانا

و هذا العطر مره شفته في السوق و قالت لي البياعه إن عليه اقبال …ما ادري عن صدقها…بس ما قدرت اميز ريحته لأن شامه قبله يمكن 10 عطور فتلخبطت علي الريحه…اسمه Black Orchid

انزين اش رايكم في هالعطور هاذي و اللي عندها عطور حلوه لا تبخل علي و تعطيني اسمائهم…مشكورين يا الغاليات مقدماً

(f)

* جيفنشى الجديد ange ou etrange حلو بيعجبنى جدا

* ايلى elle من اف سان لوران حلو جداااااااااااااااااااااا

* ويف Wave من كول ووتر دافى دوف ريحته خفيفه بس حلو اوى

اختي احب اقول لك ان هذي اول مشاركاتي لاني عضوه جديده
والعطر الاول من المجموعه اللي نزلتيها حلوووو يجنن انصحكي فيه
والباقي اسمحيلي مو شامتها قبل بس فيه عندي اسماء عطورحلوه زي فرزاتشي واليelleمن ايف سان لوران الفوشي مررره ريحته تهبل واسكادا الجديد اتمنى انها تعجبك …
اختك /نهى

مشكورات اخواتي

mira2000
و
نه نه
اشكركم على مشاركتم و نصايحكم الفواحه بالعطور الجميله :21_213:

و اقولك بما إنك جديده يا اخت نه نه فا أهلا و سهلا فيكي….:21_103:

الحين عندي ترشيحين لجفنشي الجديد و عطر elle …خلاص بكتبهم في القائمه
يالله اخواتي أنتظر ردود بقية الأخوات لأني اعرفكم ذويقات يا بنات منتدى عروس

من اللي حاطتهم عجبني الجفنشي حلووو لما يبرد لا تشمينه اول ما يرشه على الورقه لما يبرد يصير احلى ابوايد..

الاثنين اللي بعده ما عبجوني ابد و الاخير ماشميته ..

وارشح لج بلاك اكس اس حلووو وهادي

و ايلي من اف سان لوران بعد قوي وحلوو ..

وبعد نينا رتشي امووت فيه قديم بس احبه اقصد التفاحه ..

وبعد عندج انسولانس من جيرلان حلووو وهاديه ريحته جنه بودره..

عطر ارماني دايموند حلوو عجبني ..

يسلموووو

أهلين خواتي و مشكورات اللي ردو علي الله يعطيكم الف عافيه

M!ss Sensitive: مشكووووره الغاليه على الرد و الصور ….كتبت اسماء كل العطور اللي حطيتيها لي …إلا عطر جيرلان هذا already عندي …..لكن عطور جيرلان صدج ريحتها تثبت….ما ادري شو الجديد عندهم

خدوج: مرورك نور الموضوع

خواتي الزوار فوق الــ 105 و الي ردو و عبروني بس 4 هذا و أنا طالبه رايكم

انا عضوه جديده وصراحه ماقد شميت هذي العطورات وابي اسئل نه نه وش قصدك باوسكادا الجديد اللي لونه احمر:1_42:

عطر دولتشي اند غابانا احلى واحد فيهم اذا تحبين العطور الثقيلة
عطر دايزي مارك جاكوب ماعجبني وايد بس ميزته انه ثابت
عطر جيفنشي حلو وريحته سويتي
عطر توم فورد بعد ماحبيته وايد

بصراحه انا شميت جفنشي وارماني روووووووووووووووووووعه