ابي افكار لتغليف المهر؟؟؟ 2024.

ساعدوني ؟؟
ابي افكاركم لتزين المهر وتغليفة

وينكم؟؟

شكلكم محد يبي يرد علي؟؟

اهلين ام خالد والله ماعندي فكره بس حبيت اشاركك في الموضوع وانا بعد ودي بفكره لتغليف المهر وياريت احد يرد علينا من ذوات الخبره

وأنا بعد ودي بفكرة ازين فيها مهر اخووي

الله يتمم له على خير

ياريت اللى عندها فكرة ماتبخل علينا

يالله وينكم؟؟؟

هلا حبيبتي انا يوم عقد قراني اهل ريلي جابو صندوق خشبي صغير هم حطو لي شيك مادري اذا انتي فلوس ولا شيك بس المهم هاتي صندوق يكفي وحطي تحته ورد مجفف وعطرين او ثلاث صغار تكون ريحتها حلوة من هالعطور الصغييييرة اللي تكون في الاسواق الحرة واذا صعبة عليج حطي عطر واحد بو30 مل انا عني عجبتني الحركة

اما يوم عقد قران اخوي غلفنا الفلوس بجلاد حلووو ونعوم وحطينا عليه شريطة وبطاقة صغيرة وكتبنا عليه مهر لاحلى عروس وعلى صينية صغيرة جبنا ورد جوري وقطعنا اوراقه ونثرناه في الصينيه وحواليه شموع من ذ_ون طلعت الحركة نعومة

اتمنى اني افدتج

صندوق صغير وشوية ورد مجفف وقطعه قماش معطرة تكون لونها مثل لون الفلوس او مقارب يعني تنسقون انتو ويا الفلوس والقماش والصندوق.. غلفي الفلوس بالقماش وخلي جزء منها طالع ولفي القماش بالفلوس بشريطة حلوة.. وحطي قراان صغير بالصندوق وحطي الفلوس معه ونثري الورد وعطريه شوي

هذي فكرة شفتها في احد المنتديات بنت حاطه صورة مهرها..واضفت من عندي شوي

تقدري تبحثي بعد بتحصلي اكيد

كان فكرتي لمهر أخوي فكره مو مكلفه كلش و حلوه نفس الوقت
كان كل 500 سويتها مطويه بشريطه زرقه نفس لون الفلوس
حطيتها في صندوق متوسط الحجم وخذت معاه لولو وفلينه سويت فتحات دوائر ثقبتها بالقلم فحطيت
الاولى افلوس والثانيه لولو والثالثه فلوس والرابعه لولو وهكذا …..
طبعا تكون الثقوب متقاربه جدا
وخليت الاطراف فاضين حطيت فيهم ريش و ورد مجفف
فكره نعومه وحبتها زوجت أخوي وأهلها وعلى بالهم أنوا من محل هدايا
ان شاء الله وصلت لج الفكره وفهمتيني
وأي استفسار أنا جاهزه