السلام عليكم حبيباتي بنات عروس
انا نسانه تعبانه من حياتي بسبب الوضع الصعب الي اعيش فيه يعني من يجي 10 الشهر مالقى حتى شي اكله انا وزوجي بسبب راتبه القليل واللي مايوفي اي شي درست وضغطت على نفسي عشان احصل وظيفه بس تعبت ومافي باب ينفتح لي
حصلت وظيفه بالنت مصممة اعلانات وبالخبره اللي عندي والمتواضعه ابتديت وعملت كم تصميم وبالاخير صاحب العمل اخذهم وماعدة شفته وراح تعبي ومجهودي هباء وضحك علي
حصلت وظيفه ثانيه بالنت بعد عمل بحوث وبرضو صار مثل اللي صار لي بالاول
انا ابغى الرزقه وباي طريقه الله يخليكم اللي تحصل وظيفه تعيني بكون لها شاكره حتى لو بالبيت بس مابغى مندوبه لان المندوبه يبغالها اعصاب وخبره وعلاقات اجتماعيه وانا يمكن افتقر لهذا الشي
اسفه طولت عليكم
لحد الان سمعت ومب متأكدة انة في برج المؤيد هناك يقدمون اوراقهم ومجموعة الراشد سمعت انة في جامعة قريب الى مجمع السيف هناك مكتبهم بس مب متأكدة من الشيء واول مرة اسمع عن جامعة بذيك المنطقة وبرج المؤيد مدري اي طابق بالضبط ولا اي محل مكتبهم هناك … ان شاء الله يفيدونة العرايس الي يعرفون عن الشيء اكثر واذا عرفت شيء زيادة بخبرج ان شاء الله .
ولله يفتح لج باب رزق ان شاء الله اختي وان شاء الله بعد صبر يعوضج الله خير
انتي من وين؟؟
شنو هواياتج..
ليش ما تشتغلين كوافيره .. في صالون نسائي؟؟
شنو شهادتج ؟؟
خذي على الولد 300 ريال وشوفي الرزق
والله غاليتي مس ديور انا عندي شهادة علاج طبيعي وعندي حاسب الي وتجميل اعرف للمكياج كثير بس اهلي رافضين اشتغل بمشغل بسبب المشاكل اللي يسمعو فيها تحصل بس مشكوره غاليتي ماقصرتي
غاليتي مشكلة نت حاضنة الاطفال محتاجه مكان واهتمام كبير لانهم امانه انا احب الاطفال كثير لان ربي مارزقني للان بعد 7 سنوات زواج وانا عندي ثقه بنفسي اني راح اهتم فيهم اهتمام كبير بس لو عندي مكان كنت بالعكس نفذت الفكره مشكوره حبيبتي وماقصرتي وشاكره لك اهتمامك
يارب يسعدكم جميعا باللي تتمنوه ويحقق لكم كل شي ببالكم
ويسهل أموركم و يسر حالكم
حاولي تحصلين شغل في المراكز الصحية أو المستشفيات أو مراكز العلاج الطبيعي مدام هذي شهادتج و طرشي اوراقج لهم مع المتابعه
واذا عندج خبرة في الحاسب الآلي قدمي في البنوك و شركات الهندسة أو المحاماة
ولا تيأسين لأن مع اليأس الانسان يتعب و قوته ونشاطه يروحون
الله يوفقج
مطلوب شريكة عمل من المنزل
حصلت وظيفه قبل شهرين بس كانو طالبين كشف وجه وانا ماحب اكشف وجهي فرفضتها وحصلت وظيفه ثانيه بالدمام بس زوجي كان بينقل عمله للاحساء عشان كذا قالي ماتصلح
وان شاء الله ربي يوفقني ويفرح قلبي عن قريب بوظيفه اترزق من وراها عشان لاجبت عيال مايعانون وان شاء الله بزور الموضوع اللي دليتيني عليه ويارب يكون لي نصيب فيه
مشكوره غاليتي مره اخرى على اهتمامك