ياليت تساعديني ….
ممكن تشرحين لي بالضبط طريقة اليوكو ولو عنك صور ياليت ياليت والله لأدعي لك بالجنه
لاني لقيت صالون عنده نفس الطريقة (كريم + جهاز) و الطريقة تقولي اسمها الكوي و الجهاز يشبه الملقاط له ذراعان و الكريم ياباني الصنع بس ما أدري هو اليوكو وإلا شي ثاني لأني تعجبت من السعر تقولي بس 250 ريال و أنا شعر أطول من كتفي و أنتم تتكلمون بألاف وش اسوي أصدقها وإلا ماأصدقها
علشان كذا ياليت تعطيني التفاصيل بالضبط و لو عندك صور ياليت لاني أنا ساكنه في دوله غير عربيه يعني ما عندي تلفزيون عربي …فهمتيني
ولك تحياتي
شخبارج اختي اريج
بصراحة انا سمعت عن اليوكو من النت وسألت عنه ووحدة من الاخوات قالت لي انها شافت بالتلفزيون بقناة هي عن اليوكو بصالون ايلي وجان فانا اتصلت لهم طبعا بالبحرين وقالو لي اتصل الاكاديمة ويوم اتصلت سألوني اذا كنت محجبة او لا قلت لهم محجبة فطرشوني على صالون ايلي وجان بفندق الريجينسي0
المهم رحت للخبيرة وعطتني موعدوشافت شعري وقالت لي لان شعري قصير بتسوي لي اليوكو ب 200 دينار اعتقد يصير 2000 ريال 0وقالت لي لازم اكون عندها من الساعة 3العصر الى الساعة 8 بالليل0 بصراحة انا كنت خايفة بس في النهاية جازفت وسويت0
بالنسبة للطريقة فاهي استخدمت كريمات خاصة باليوكو بس ما استخدمت الجهاز اللي تقولين عنه0 يعني حطت لي اكثر من كريم وغسلت شعري اكثر من مرة 0 والحين انا اروح لها بعد جلسات لانها تحط لي كريمات ثانية عشان تقوي شعري لان انا شعري جدا ضعيف0وصار شعري انعم من قبل بوايد بس قالت لي لازم اهتم فيه واتابع الجلسات واحط حمام زيت بشعري0
انا بعد ما سويت اليوكو شفت الاعلان بقناة هي وكان جان صاحب الاكاديمية يشرح عن اليوكو وقال انه كريمات بالاضافة الى الجهاز وحط شكل الجهاز وشرح عنه0بس انا ما استخدمته لي اعتقد انها بدل ما تفرد شعري الجهاز سوت لي فرد بالاستشوار يمكن لان شعري جدا رقيق وضعيف وخفيف0المهم شغلها كان جدا حلو وان شاءالله انا اهتم بشعري بعد0
بحط لج الحين كم رابط يمكن تستفيدين منهم في انج تعرفين شنو اليوكو بالضبط:
http://go.3roos.com/jSpmQE9wJ4B
http://go.3roos.com/lcbhbtmtKnB
بتلاقين صور في الرابط
بس قبل لا تجازفين وتسوين شعرج تأكدي انهم يعرفون طريقة اليوكو بالضبط وما يلعبون بشعرج 0
واتمنى لج التوفيق
الاميرة
تصدقين انه طلع نفس الجهاز اللي اقولك عليه بس انا خايفه لأن السعر مررررره شوي وفرق بينك وبينهم (2000-250ريال)
أما بالنسبه للكريم ما ادريهو نفسه وإلا غير
بالذات إنهم من افضل المشاغل في الأشياء اللي انا جربتها ….
شكرا لك … وتقبلي تحياتي