جيبلكوا النهاردة طريقة عمل تورته في البيت احلى من المخابز بكتير
هعلمهلكوا خطوة خطوة بالصور يلا بلاش رغي كتير وتعالوا نبدأ
مقادير الكيك :
7 بيضات
كوب ونصف سكر
كوب ونصف دقيق
معلقتين فانيليا
دة المعيار اللى انا استخدمته
نسخن الفرن على درجة حرارة 170 او رقم 3 في مؤشر الفرن على ما نجهز الكيك
الطريقة :
نحط السكر مع البيض في وعاء عميق
ثم نضيف معاهم الفانيليا
ونخلط بالمضرب الكهربائي لمدة لاتقل عن 5 دقايق وحتى يتضاعف الخليط ويفتح لونه
نضيف الدقيق ومهم جدا اننا نقلب براحة اوي من فوق لتحت لحد ما يتخلط الدقيق كويس
نجهز الصينيه ونبطنها بورق زبدة وندهن الجناب بزبدة و رشة دقيق
نصب فيها الخليط وندخلها الفرن زي ماقلنا حرارة متوسطة لمدة نص ساعه ومانفتحش عليها خالص قبل ما تمر النص ساعه
وهنا بعد ما استوت
هنا كنت بشوف استوت او لسه بالسكينه
دة كدة اول جزء واسهل جزء في عمل التورته
ويابنات الكيكة مافيهاش بيكنج بودر عشان محدش يفتكر اني نسيته لا هي كدة بالظبط والبيض وضربة جامد في الاول هو اللى بيرفعها
والكيك دي اسمها جينواز
يتبع ….
نيجي بقى للجد ونبدأ نجهز الحشو والتزين والكيك عشان التورته بتعتنا
اول حاجة
دي الحاجات اللي هستخدمها في الحشو والتزين
كريمة خفق سائلة
كريمة خفق بودرة
فاكهة معلبه
كريز
قشطة
جبن كيري
شراب الفراوله
اصابع الويفر
هبدأ بعمل كريمة الحشو
هحط كريمة الخفق السايلة في وعاء عميق
هنخلط بالمضرب الكهربائي لحد ما تتقل وبعدين اضيف علبة قشطة مع قطعتين جبن كيري ومعلقتين حليب مكثف واضرب تاني
ودة هيكون شكلها
هدخلها التلاجة وهخرج الكيك بتاعي عشان اجهزة للحشو
دي الكيكة بعد ما خرجتها من التلاجة
دة شكلها بعد ما شلتها من الصينيه
دلوقتي هبدأ انضفها واشيل الحواف والطبقة على السطح
شفته الفرق بين النص اللى اتنضف والنص التاني ؟
المفروض كلها تكون متنضفة وبيضا بالشكل دة
هقلبها عشان اخرج ورق الزبدة اللى في القعر
هرفع الكيكة على طبق بالشكل دة
وادخل فيها الصينيه عشان ابدا اقطعها بشكل منتظم بالطريقة دي
واكرر نفس الطريقة تاني عشان اقطع طبقة كمان بأني ارفع مستوي الطبق بطبق تاني او اي حاجة تحته واكرر القطع تاني
وكدة بقى عندي 3 طبقات من الكيك
مهم جدا اننا نقسم الطبقات بشكل متساوي ولو معرفنا بالطريقة دي نستخدم طريقة الخيط
المهم اننا نقسم الكيك 3 طبقات مش اتنين بس زي ما معظمنا بيعمل
لان الكيك بيكون سميك اوي ومش بيدي طعم التورته زي بتاعت المخبز
وكمان تنضيف التورته من الاجزاء الغامقة مهم جدا لان لو خلينا الاجزاء دي بتدي طعم مش حلو خالص ودي بردوا غلطة معظمنا بيقع فيها
عشان ناخد طعم مظبوط مهم جدا اننا نتقن العمل
يتبع ….
هنجيب الشراب اللى بيكون جوا الكمبوت الفاكهة ونسقي بيه اول طبقة من الكيك
طبقة الكيك كلها اتشربت كويس من السائل
نجيب الكريمة ونحطها في كيس التزين
ونبدا نحط الكريمة على اول طبقة من الكيك
وياريت ما نبخلش في الكريمة ونحط طبقة كويسة لان الكريمه مهمة جدا في التورته
وبعدين نقطع الفاكهة ونوزعها على طبقة الكريمة وبروا مانبخلش هههههههههههه
ونحط طبقة الكيك التانيه ونرش عليها السائل بتاع الفاكهة والكريمة وقطع الفاكهة يعني بنكرر نفس الخطوة تاني وبعد كدة نحط اخر طبقة كيك ونرش عليها السائل
وندخلها التلاجة لحد ما نجهز كريمة التزين
نخلط الكريمة البودرة مع شوية حليب ساقع ونغلف الكيكة بتعتنا كلها
ومش مهم تكون مرتبه لا لسه هنزينها تاني والكريمة دي مش هتبان
هنجيب صوابع الويفر بتعتنا ونرصها جنب بعض على جنب التورته بالشكل دة
حوالين التورته كلها
وبعدين نبدا نحط على الوش صوص الفراولة ونزين بالكريمة على الجناب حوالين التورته كلها ونحط كريزة في كل وحدة
ونربطها في الاخر بشريطة وتبقى بالشكل دة
يارب تكون عجبتكوا واستفدتوا من موضوعي
وبجد يا بنات ومش تحيز ولا حاجة بس طعمها طلع تحفة ومش هفكر اشتري جاهز تاني ابدااااااااااااااااااااا
ياريت اللى تنقل تذكر انها من منتدى عروس وإلا هي حرة بقى هههههههههههههههه
يعطيك العافية ياقمر
الله يحفظكك
تسلمين يالغالية
الله يعطيك العافية
 |
اقتباس |  |
 |
المشاركة الأساسية كتبها ^ السفيرة^  |
 |
 |
| ماشاءالله شكل الكيكة رهييييييييييييب
يعطيك العافية ياقمر الله يحفظكك |
||
 |
 |
تسلمي حبيبتي
اسعدني مرورك جداااااااااااا
|
اقتباس | |
|
المشاركة الأساسية كتبها آلاء نور |
|
|
| وااااااااااااااااااو تسلمين يالغالية الله يعطيك العافية |
||
|
|
نورتي حبيبتي
|
اقتباس | |
|
المشاركة الأساسية كتبها om euad |
|
|
| تسلم الايادى يا قمر | ||
|
|
|
اقتباس | |
|
المشاركة الأساسية كتبها yassmarmar |
|
|
| جميله اوى تسلم ايديكي يا جميل | ||
|
|
نورتوا حبايبي