اريد اسعار هذه العطور في السعودية مستعجلة ومن اي ماركة 2024.

بسم الله الرحمن الرحيم

السلام عليكم ورحمة الله وبركاته

أخواتي الغاليات عضوات منتدى عروس المميز…

نظرا لكثرة الإستفسارات في ركن العطور ولإعطاء كل طلب أو استفسار حقه من المشاهدة والإهتمام تم تصنيف الإستفسارات الى ثلاث أقسام رئيسية وهي قسم للعطور وقسم للبخور والخلطات الشرقية وقسم لمحلات العطور …

فالرجاء التعاون بوضع الإستفسارات والطلبات في الموضوع المناسب لها لتجنب حذف المشاركة..

وهذا الموضوع للإستفسار عن كل ما يتعلقب العطور العالمية من حيث التركيب والتجربة الشخصية والرأي الخاص والسعر مع تجنب التسويق للمنتجات الخاصه..

وكل استفسار أو طلب يطرح خارج هذا الموضوع سيدمج فيه بدون الرجوع لصاحبة الإستفسار..

ونتمنى للجميع الإستفاده من التجارب المتبادله..

شاكرات لكن تعاونكن ..

suzysooz

شورايكم في هذا العطر من ديور من ناحية الريحة والثبات

وشورايكم في الكريم ماله

اخبـــــــــاركم بنات عـــــــــــروس

مالي الا الله ثــم انتـــــــم يابنات انا بخاطري اشتــري عطــر elleمن سالورران ونفسي فـــيه حيييييي ي يييييييييييل وماعلمت احد فيه لان ودي انا اول من يشتريه من العائله يعني ودي اكشخ فيه
وإلا امــس وحـده من قريباتي شاريتـه انصدمت حيييل لدرجة احس جسمي احترق وش رايكم اشتريه وما علي منها لان راح تقول قلدتني والله انه براسي من زمان ومارحت السوق

والا اعطوونــــــــــي اي اسم عطرررررررر احلى من هالعطر تكفوون ساعــــدوني ولا تبخلون علي

اختكم : منال

هلا حبوبه وانتي اشعليج منها السوق عارض نفسه واذا كانت بخاطرج اخذيها لا تخلينها بخاطرج

وتركي هالسوالف عنج تراها حدها مب شي هالحركات

وعندج عطور وايد حلوه بالسوق انا الحين مو بالبيت بس بقولج عن كم عطر

عندج من شوبارد اسم العطر انجل وعندج من لانكوم عطر ما ينزلونه الا فتره محدوده والله ماذاكره اسمه

لان اسمه صعب وطويل هو غرشه شفافه ومربعه

وعندج بلاك اكسس وعندج جفنشي اللي قبل اخر وحده انزلت
وعندج كوتشي الاخيره حلوه

وعندج من ماركة ديزل وايد حلوه اللي فيها مثل كيس تريكو ملبسين الغرشه

انشاء الله لما اروح البيت اطل على عطوري اقولج وخليج واثقه من نفسج مو هذي خذت انا ما اخذ

راح تتعبين اذا بتمشين حياتج جذيه وتركي عنج هالسوالف ونا اختج

منولة خليه لها اصلا اهو مو جديد :down:فيه عطر خيالي والله حمواتي ميتين عليه بس ما بعلمهم لان اسلوبهم معاي مو بزين :21_30: بس العطر ما ينفوت اسمه LOWE وهو عطر اسباني وتركيزه قوي شريته من دبنهامز والله كثير بنات يوقفوني بالجامعه يسالوني عنه جربيه مابتندمين

العفو العطر اسمه LOEWE اخذته ب 380 بس خسارة ماعرف انزل صورته بس والله يابنات فعلا عطر :21_148: وصورته منزلتها عنود الصيد في موضوعها 0خلطة عطرية0

الحين حطيت راسي بخزانة العطور واستلمي الاسامي

مونت بلانت الجديده

جوتشي الجديده

لنستن ماجك من جيرلان عطر فخم

بيتو تي هذي من لانكوم وما اعتقد انها طاحت عليها لان ما ينزلونها الا فتره محدوده لحقي عليها انا شريت منها ثنتين

من فرساتشي كرستال بو-ير

من ديور جادور ونصيحه اخذيه مع اللوشن ماله

واللي اموت عليها دولس آند جابانا واي اموت عليها

عندي بس اخاف تختلط عليج اكثر هذول للامانه كلها عندي وريحتهم لا يعلا عليهم

والناس اذواق

واتمنى اني فدج وعليج بالعافيه

السلام عليكم خواتي
انا شريت عطر ستيلا القديم البنفسجي من محل بصراحة راقي بس اول مرة اشتري منه
ولاحظت ان ريحته ما تثبت
ولما رحت قزاز لاحظت ان شكل القارورة مختلف عن اللي عندي
يعني اللي عندي الجزء السفلي من القارورة شفاف
اما اللي عند قزاز كلها بنفسجي غامق بالكامل ولا فيها جزء شفاف
اتمنى منكم توروني شكل ستيلا الاصلي ولا على الاقل تقولون لي هل كلها بنفسجي غامق ولا فيها جزء شفاف وياليت تحطون صورته
تكفون لا تخذلوني :confused:

أختى الغاليه في عده انواع لعطر استيلا