أختي الغالية
بالنسبة للزيوان
أنا كنت أعاني من هالشكلة لأن بشرتي دهنية والحمدلله افتكيت
والطريقة سهلة وما تكلف
1) تنظيف أسبوعي للبشرة بالبخار
2)قناع الخميرة + ماء الورد
هذا القناع
راااااااائع للتخلص من الرؤووس السوداء
جربيه لمدة خمس أيام متواصلة
وشوفي النتيجة بنفسج
وبعدها أستخدميه بالأسبوع مرتين
3) التنظيف اليومي للبشرة بالجل المنظف الطبي وأنا أنصح بماركة لويس ويدمر أو منتجات شجرة الشاي من الصيدلية أو البدي شوب
4) التقشير بالسكراب كل 3 أيام والتركيز على مناطق الزيوان بالأنف والذقن
5) تمرير مكعب ثلجي بعد كل غسل للبشرة مرتين باليوم لإغلاق المسام وبعدها استخدام تونر قابض يناسب نوع البشرة
اتبعي هالبرنامج
وشوفي بشرتك كيف بتصفى وما بتحصلى ولا راس أسود
اهتمي بنظافة البشره يعني لاتتركين الميك آب على الوجه فتره طويله ،، بعد ماتخلص الطلعه او المناسبه نظفيه على طول ،، التنظيف العميق مفيد جداً
حتى لو الوجه مافيه مكياج ،، مهم جداً تغسلينه عشان تتخلص البشره من الدهون الزائده والغبار و الاوساخ ..
وعرضي الوجه للبخار او حطي منشفه فيها ماء دافي على المنطقه ،، وبعدها بأستخدام اوراق الكلينكس وبيد نظيفه حاولي تطلعين الدهون والاوساخ من هالمنطقه ،، لكن بخفه بدون ضغط قوي عشان ما تنجرح المنطقه او يصير لونها احمر
والاهم بعد عمل تنظيف البشره او البخار ،، او غسلها بماء دافي .. انج تمسحين الوجه بماء بارد مثلج ،، او تونر ،، او ماء ورد لأنها كلها شغلات تقبض مسام البشره
و البشره بعد التعرض للماء الدافئ او البخار او حتى تنظيفها من الرؤوس تكون مساماتها مفتوحه .. وتركها مفتوحه راح يعرضها لتراكم الاوساخ والدهون فيها ،، اللي بعدين يصير رؤوس سوداء او زيوان ..
و كذلك في خلطات طبيعيه تحارب ظهور الزيوان و الرؤوس السوداء ..
هذه الخلطه تستخدمينها مره في الاسبوع بعد تنظيف البشره .. خذي ملعقه من الشوفان واخلطيها مع ماء ورد لين تتكون عندج عجينه مديها على الوجه كامل لأنها جداً مفيده لتنظيف كامل الوجه .. واتركيها على البشره لمدة 15 دقيقه ،، بعدها تغسلين الوجه .. واخر شطفه تكون بماء بارد ..
وفي طريقه تعلمتها من بنت عذاري حلوه جداً لتنظيف مسامات البشره ..
وهذي انج تحطين في يدج كمية من غسول الوجه اللي تستخدمينه مع كمية بسيطه من البيكنغ صودا و تغسلين فيه الوجه بحركات دائريه ..
كذلك لو عندج اكياس الشاي الاخضر .. خذي كيس واحد وافتحيه وطلعي الشاي اللي داخل واخلطيه مع شويه من غسول الوجه اللي تستخدمينه وبنفس الطريقه السابقه تنظفين فيه الوجه
في منتج حلو عند بدي شوب اسمه Tea Tree Oil Nose Pore Mask
تستخدمينه على منطقة الانف ،، وتتركينه ربع ساعه وبعدها تشيلينه ،، تقشرينه مو تغسلينه ..
يساعدج على ازالة الزيوان والجلد الميت و الدهون المتراكمه في منطقة الانف