صباح مساء الخير ( آل عروسـ )..
كيفcom صبايا ..
اتمنى من الله ان الكل بخير وصحه ..
نزلت الموضوع بعد تشجيع من صديقتي الغاليه (سرك بقلبي )..
ربي لا يحرمني منها ..
اتمنى الكل يستفيد ..
موضعي هنا يشمل ثلاثة اشياءمهمة( ازالة الحبوب ـ ازلة ثار الحبوب ـ التبيض )…
+ترطيب +شعر
جمعت لكم هنا جميع مستلزماتي الطبيه الي وصفتها لي الطبيبيه( حاتمه ) لمعالجة الحبوب واثارها ببشرتي ..
طبيبة معروفه بالمدينه ولو عملتو عنها سيرش راح تاخدو فكره عنها وعن سمعتها …
انا على ابواب الزواج حاليا فطبيعي اني اهتم ببشرتي واعالجها …
انا ليا ثلاث شهور بتعالج عندها ولله الحمد خفت الحبوب والاثار بنسبة كبيرة جدآآآ ببشرتي …
(مع المعلومة اني قبل سنيتن اتعالجت عند طبيبة اخرى في المواساة ولا حصل اي نتيجه )
اخليكم مع الصور والشرح …
(ملاحظه هاذه الكريمات للبشرة الدهنية فقط )..
اولآ هنا المجموعو كاملة ..
اولا: غسول (histomer)
استخدامه صباحآ ومساء ..
ثانيآ: (حبوب التابوسين tabocine)..
تحذير مهم!!
(هاده الحبوب يمنع استخدامها للحوامل اواي متزوجة لانه احتمال يصير حمل والسبب انها تتسبب تشوهات للجنين اللهم بلغت اللهم فأشهد)..
حبوب تابوسين تمنع الحبوب من الظهور مع استخدامها مرتين في اول يومين مع الغدا والعشاء وبعدها يتم استخدامها مدة شهر في بطن العشاء ..
معلومة (انا ما استخدمتها غير اول اسبوع بعدين طنشتها بسبب لخبطت نظامي وقالتلي الدكتورة انها كويسه مرة وخاصمتني لاني تركتها )…
ثالثآ: (zeniac)..
روووووعه رووووعه بمعنى الكلمة هادا بستخدمه على الحبة الملتهبة او على الحبه الي احس انها بتطلع يعني لمن احس في حبة بتطلع احط عليها منو على طوول تختفي والي تكون ملتهبة تجففها وتروح ..
هادا مستحيل استغنى عنه ..
سعره.. 78 ريال ..
رابعآ: (ديفرين جل differin)..
كمان روووعه للحبوب والاثار يستخدم قبل النوم او بعد العشاء فقط ..
بنات هاد زي المقشر فلا تقربي ابدا من المناطق الحساسه في الوجه يعني حولين الفم والعين ..
سعره.. 25 ريال ..
خامسآ .. (مبيض نيوستراتا neostrata)..
هاد بخلطه مع كريم الافلون والمرطب صورهم بالاسفل ..
هاذا الخلطه حقت الاثار ..
يبعدها ويبيض المنطقه ويرطبها ..
لاثار الحبوب ..
سعره.. 150 ريال..
على فكرة قالتلي الدكتورة ينفع للمنطقه الحساسه ومفعوله سريع ..
سادسآ ( كريم الافالون avalon)..
طبعا ذكرت طريقته مع كريم نيوستراتا >>الخلطه
طبعا الخلطه استخدمها قبل النوم والديفرين بعد صلاة العشاء ..
سابعآ ( كريم مرطب cetaphil)..
روووعه للبشرة الدهنية بجد لانو خالي من الدهون ولا يسبب حبوب ومكتوب عليه كمان ..
ثامنآ : (كريم تفتيح vernal من شركة levian)..
مع صابونة سنفرة بداخل الكرتون ..
هادا لتفتيح المنطقه الحساسه مفعوله مررة بطئي بس رهيب ومايضرك
جلست ثالثه شهور بستخدمه راااائع بس على حسب لون المنطقه وعلى درجة سماراها يعني اللي سمرا جدا راح تطول ويمكن توصل 8 شهور
بس الي فاتحه وبس شوي راح يبين في مدرة ثلاث شهوراو اقل …
استخدامه كل 8 ساعات(انااستخدمه مرتين باليوم )..
سعره.. 180 مو متأكدة ..
تاسعآ: (شامبو للشعر الجاف والمقصف )..
بس للمعلومة انا مااستخدمته بس استخدمت الكريم ..
عاشرآ واخيرا : (كريم فيلابور جيني villa borghini)..
للشعر مممممممم لا باس فيه بس انا احس ماعنده سالفه
بس لانو طريقت استخدامي غلط
لان الدكتورة قالتلي استخدم الشامبو مع الشاور ولمن اخرج احط الكريم 20 دقيقه بعدين اغسله >>وربي تعب :confused:
عشان كدا اهملت ..
سعره .. 95 ريال ..>>غالي وربي
وبس كدا نكوووون انتهينا واي سؤال او استفسار انا حاظرة
والله يشهد يابنات اني نزلتها عشان ابيكم تستفيدون لاني اعرف معاناة الحبوب مجربتها
واي وحده بتستخدم شي من الي قلت وتبغى تسألني انا حاظر لاي سؤال
واخيرآ اتمنى انكم دعون لي (ان الله ييسر زواجي ويسخرلي زوجي ويهديه ويعصم قلبه عن الدخان الله يخليكم يابنات مابي الى هالدعوة منكم )…
لا احلل نقله هادا الموضوع حصري لعرووس فقط ..
تحياتي / بنت الشهري
شكرااااااااااااااااا
ربي يسعدك ويوفقك ويتمم زوااجك على خير
ويسخر لك زوجك ويكفيه شر الدخان
معلوماات حلوة بتفيد البنااات
موفقه يالغلا
ما قصرتي
اولا : جزاك الله كل خير على طرح تجربتك عشان الاستفادة
وثانيا : الف الف مليون مبرووووك عزيزتى عشان الخطبه والله تونى عرفت ,,,,
الله ايتمم لك بالخير وييسر لك زوجك ويهديه ويصلح حاله ويعصم قلبه عن الدخان ,,,,
وانتى عاد خليك معاه وادعيله وان شاء الله ان شاء الله راح يترك كل شىء انتى موراضيه عنه
ومره ثانيه ,,بارك الله لك وبارك عليك وجمع بينكما على خير
يارب يارب امين
جزاج الله خير يا اختي .. ابدعتي الصراحه ..
واتمنا لج التوفيج وحياه سعيده ومريحه وحلوه مع زوجك ^^ ويرزقك الذريه الصاله
وشكرا
والدفرين جل وااايد ممتاز