في البداية احب اهني نفسي صراحه على اشتراكي بهالمنتدى
الروووعة واتمنى اني ما اثقل عليكم بموضوعي
انا سمعت عن ابرة الفيتامينات حق الشعروافكر اني اجربها
لكني خايفه وابي نصايحكم وحابة تجاوبوني على استفساراتي
صج اهي تكثف وتطول وتنعم وتلمع الشعر؟
هل هي مره وحده ولا جلسات ؟
منو احسن دكتورة تنصحوني فيها بالكويت؟
بصراحه شعري يطيح وايد وجااااف ومافيه لمعه ):
تكفووووون ساعدوني
وشاكره لكم من كل قلبي
أهليييين هلا والله =)
شلونج و شخبارج ؟؟
منور المنتدى فيج قلبي
راح أسأل لج و لي رجعه مع المعلومات
و لكن ابرة الفيتامينات ما أنصح فيها للصغار
انتي أعتقد أقل من الـ 30 صح ؟؟
ياريت العمر حبيبتي
لأن ممكن في علاج بأنبولات او زيوت و طرق أفضل =)
موفقه و لي رجعه
اي انا عمري 23 سنة بس يعني استانست
يوم دريت ان في علاج بس متخوفه منه وايد
وبانتظار المعلومات على احر من الجمر
وان شاء الله يتحسن شعرج
والسموووحة ع القصوررر
اذا حصلتي دكتور زين ومضمون سويها ،،
بس لازم تسألينه عن المدة يعني لو فاتت مدة هل ترجعين مثل لأول ،،
واذا تبين نصيحتي استخدمي كبسولات للشعر ،، يقدر الدكتور يوصفها لك
مشكوووووره على الرد
الله وناسه جان زين عاد يصلح حق شعري
المشكلة ان شعري اول كان غييييير
والحين تغير 180درجه ):
بس ان شاء الله بجرب الانبولات والزيت واشوف النتيجة
وادعيلج من كل قلبي (:
هلا بالغالية راعية الفراري
يا عيني عالنك نيم ^_*
اي والله مافكرت بهالشي اذا يرجع شعري مثل اول ولا لأ
انا فكرت بالابره لاني بنفاسي الحين وودي اول ما اطلع
يتحسن شعري بصراحة متضايقة من شكله عقب الحمل
والله يوفقج حبيبتي مشكوووووره عالرد
sosa! انتي صغيره انا اقول خلي الأبر بعدين حق وقت الكبر =)
و الحين اخذي فيتامينات و جيكي على دمج اذا زين او ناقصتج بعض الفيتامينات و اذا زين الحمدلله و اذا في نقص قولي للدكتور يوصف لج حبوب
و انصحج تسوين تحليل دم عند خاص مو عند مكان حكومي لأنه أفضل وااااااايد
و عندج انبولات الصبار تلقينهم بس مو بأي صيدليه يعني فيها حوسه و فراره لوووول =) بس ميخالف تهون الحوسه للشعر =)
اهتمي بغذائج
شربي حليب كوبين باليوم
و اكلي منتجات فيها زنــــك
و فيتامين A
و سوي مساج لفروة الرأس كل 4 أيأم لمدة ربع ساعه بأندج تدلكين فروة الرأس على الخفيف مع الضغط عليها بأطراف أصابعج
و قبل لاتسوين مساج حطي زيت خروع من شركة معاصر الأحلام السعوديه .. و بعدين سوي المساج و الزيت بشعرج لمدة ربع ساعه و وخليه لمدة 4 ساعات و لفيه بفوطه حاره .. ممكن تحطين الفوطه بره بالجو ليما تحتر و حطيها او تحطينها مبلله شوي بالمكرويف لين تحتر و طلعيها و حطيها وكل ما بردت ردي حطيها =)
و موفقه حبيبتي
و أي سؤال أنا حاضره