كيف الحال ياعرايس؟ ان شاء الله طيبين
انا عارفة اني غبت فترة عن المنتدى والسبب في ذلك اني كنت حامل واجهضت وسويت عملية والحمد لله طلعت بالسلامة وهالحين لي شهرين ونص
ادعو لي بدوام الصحة والعافية وان الله يعوضني ويرزقني بلأحسن
المهم
توني شارية منتجين من بودي شوب
الأول
ماسك للوجه للبشرة المختلطة الى الدهنية
الله يعافيكم اللي قد جرته بلييز تقول لي ايش النتايج
الثاني
شامبووو للشعر الدهني لأني تعبت وانا ادور شي يناسب شعري وآخرتها قلت مافيه الا بودي شوب يمكن احصل شي يرضيني
اي شرايكم يابنات ؟
بليز اللي جربت او سمعت تجارب غيرها تقول لي والله يوفقها ويعطيها مرادها يارب
تحياتي وتقديري للجميع……….
بس الماسك ياعزيزتي مكمل
بمعنى إنك تشترين الصابونه مع الغسول مع المقشر مع الكريم المرطب على الأقل يعني لو عندهم مزيل مكياج أو واقي شمس يفضل تشترينه
عشان يعطيك نتيجه لأنك إذا ودك تعالجين بشرتك أو تعتنين فيها لابد من العنايه الكامله
ونصيحتي خذي اللي يناسب بشرتك والأقرب لإنه يناسبها
يعني أنا دهنيه بحبوب مارتحت إلا على شجرة الشاي يوم أخذت المجموعه كامله
بس اللي لجميع أنواع البشره فيتامين ه لما أتروش فيه أحسه ينشف بشرتي مع إن كريمه مرطب مثالي ( العصره مش العلبه ) أما صابونته ماناسبتني تنظف جسمي بس ماعطتني نفس إحساس الكريم
عكس شجرة الشاي كل واحد في منتجاته يقول الزود عندي بس يبيلك تحطين جدول لاستخدامها الصابونه خذيلك 2 عشان لو خلصت وحده تستخدمين الثانيه ممكن إذا جربتيها تآخذين الثانيه من نفس المجموعه
خذيلك المقشر أحسن مقشر عنده لأني خذت شجرة الشاي حبيباته خفيفه ماتبرد قلبي الغسول وعن تجربه الصابونه أكثر فاعليه وأرخص وتستخدم لكل الجسم بشكل عملي عكس الغسول لمنطقه محدده من جسمك تستخدمينه ولو استخدمتيه لكل جسمك غالي والصابونه تظل أكثر قدره على التنظيف منه
وبعد المقشر تحطين الماسك لأنه يغذي ويقفل المسامات وينعش فأنصحك ترجعين بودي شوب تآخذين الصابونه والمقشر الفعال و إذا بشرتك مره حساسه الغسول بس إذا بتآخذينه قبله خذي فرشة بودي شوب الخاصه للوجه تلقينها ب 6 ريال واستخدميها مع الغسول تخليه يتغلغل للمسامات وبيصير لك هذا تقشير يومي أفضل حتى من الحبيبات وممكن معاه تستغنين عن المقشر العادي
والماسك الحمد لله عندك
واكتملت المجموعه وبتلاحظين إنها تنفع أو لأ مع الإستخدام
أول شي لو سمحتي الماسك من إيش مصنوع ؟؟؟
هل من أملاح البحر الميت أو شجرة الشاي
مشكووووووورة ويعطيك الف الف عافية وربي افدتيني كثير
بس معلوماتك كثيرة ماشاء الله كني تلخبطت شوية
يعني قصدك بالضبط ايش آخذ للجسم وايش آخذ للوجه ؟
تنصحيني اغير المجموعة والا اكمل عليها بالصابونة والمقشر من نفسها ؟
انا عندي شوية حبوب بالكتف والظهر
الماسك اللي اخذته مصنوع من املاح البحر الميت مش شجرة الشاي لأني بغيت شي للبشرة
المختلطة القريبة للدهنية وكان هذا انسب شي على ذمة راعية المحل