صباح الخير والورد والياسمين
اكثر القعدات ماتخلى من الفواكه
سواء جية الجيران الضحى
او بعد الغدا
او قدوع العصر
او الحلى بعد العشا
والفواكه الخيار الامثل للي ماتبي تخبص وتاكل حلويات كثير << لزوم الريجيم 😉
تضمن انها تحلي وبنفس الوقت تضمن انها تاكل سعرات حراريه اقل من الكل
وست البيت الشاطره لازم تتفنن كل مره في عرض الفواكه
صحيح الالوان سبحانه ربي خلاها متنوعه وجذابه جدا
ولكن لازم كل وحده فينا تحط لمساتها
طولت المقدمة .. نبتدي بالافكار على طول (a)
مرات يجونك ناس على غفله
وماتكون الفواكه اللي عندج متنوعه
تقدرين تحطين صنف واحد !
ولكن بلمسه حلوة
وبتقديم مميز
وطبعا الطريقه التقليديه هي ان تنحط الفواكه بسلة
الفكره ان شكل السله يكون مميز ..
مره خشب .. مره حديد .. مره زجاج .. وهكذا
وتنسيقج مهم بنفس الوقت ..
كتغيير
وعشان توفرين الوقت حزة التقديم
ممكن تقطعين الفواكه
وترتبينها بصحن بشكل منسق ومرتب
ولكن مع ملاحظة ان التقطيع يكون قبل التقديم بفتره بسيطه جدا
عشان تكون فرش
وممكن تحطينهم كلهم بلون واحد .. مثل الاحمر بهالصوره ( تفاح فراوله كرز عنب )
وممكن اخضر (عنب كيوي تفاح اخضر )
ممكن اصفر وبرتقالي ( موز تفاح مشمش شمام برتقال )
انتي وشطارتك يالحلوة 😎
وهنا اذا ودج ماتتعبين بالمره بتمرير الصحن الكبير على الضيوف
تقدرين تجهزين لكل شخص بروحه
وتراعين تناسق الالوان
وهذي الفكره حلوة كثير
يكون مثل الخبز المبسوط على صينية كيك اللي على نفس هالشكل المتعرج
وتدخل الفرن لوقت بسيط بس عشان تصير يابسه
تدهنينها بسماكه كافيه من العجين وتخبزينها بشرط ماتكون رقيقه عشان تصير بديل الصحن
فكرة حفر البطيخ مميزة وتلفت الانتباه
بداخلها تحفرين كرات من البطيخ نفسه اللي شلتيه
ومن الشمام بعد عشان الالوان
وفيه اداه خاصه لعمل هالكرات .. متوافره باغلب السوبرماركتات الكبيره
وهذا شكل ثاني للحفر
وهنا فكرة الاناناس .. كتغيير
وشكلها يصير حلو بالنص
وهني البرتقاله الصغيره 😎
هذي تصلح لقعدات غير رسميه
وحتى للاطفال
الفوندو .. من مايعرفه
عباره عن قطع من الفواكه
تتغمس بشوكولا سايح
وتنأكل بالعافيه
هذا الشكل التقليدي
وهذا شكل مبتكر
بالاخير سلة الازهار الفاكهيه << :tongue:
شرايكم بالاسم لووول
طبعا الصور تتكلم عن نفسها
وكان في موضوع لاخت لنا بالقسم عن كيفية عملها
تعبت بالموضوع
وكلي رجاء انه يعجبكم وتستفيدون منه
اتمنى من كل اخت اذا بتنقلونه تذكرون اسمي والدعاء لي .. وبعد جذي محللين
حبيباتي بعروس .. دعواتكم لي بالخير و بتيسير زواجي .. ما ابي اكثر
اختكم الصغنونه
انا الغلا
يشرفنى اكون او من يرد على موضوعك المتألق بتألقك وبصراحه ابدعتى فى طرق تقديم الفواااكه وكلها جميله جداااا وتفتح النفس
الله يوفقك حبيبتى ويييسر زواجك ويسعدك دائماااا
اختك
بنت عز
انا بتجنن بالحركات دي تسلم ايدك
الله يوفقج ويتمم لج على خير
ووووااااااو على الموضوع ،، طرق رووووووووووعة ،، جهد تشكرين عليه
 |
اقتباس |  |
 |
المشاركة الأساسية كتبها بنت عز بنظره تهز  |
 |
 |
| عزيزتى …انا الغلا كل الغلا
يشرفنى اكون او من يرد على موضوعك المتألق بتألقك وبصراحه ابدعتى فى طرق تقديم الفواااكه وكلها جميله جداااا وتفتح النفس الله يوفقك حبيبتى ويييسر زواجك ويسعدك دائماااا اختك بنت عز |
||
 |
 |
اللهم امين
هلا بج فديتج
انا اسعد بتواجدج العطر وباول رد
نورتي غلاي بهالمرور الراقي
ولا عدمت طلتج (f)
|
اقتباس | |
|
المشاركة الأساسية كتبها praivet |
|
|
| موضوع رائع ويفتح النفس | ||
|
|
مرورج اروع حبيبة قلبي
لا عدمت تواصلج يالغلا (f)
|
اقتباس | |
|
المشاركة الأساسية كتبها أحلام صغيرة |
|
|
| ماشاء الله عليج موضوع حلو
الله يوفقج ويتمم لج على خير |
||
|
|
اللهم امين
انتي احلى فديتج
يا هلا بج بكل ووقت (f)
|
اقتباس | |
|
المشاركة الأساسية كتبها ناعسة الاهداب |
|
|
| انتي الغلا كله
ووووااااااو على الموضوع ،، طرق رووووووووووعة ،، جهد تشكرين عليه |
||
|
|
فديتج
انتي اروع
فرحني ردج كثير
لا عدمت هالطله (f)