البارحة هبت علينا في البحرين وقطر واعتقد الشرقية عاصفة رملية ورياح قوية جداً..
الجو كان رهييييييب وغير اعتيادي..
ووالكهربا بندت علينا فترة وبعدين ردت..
عيالكم.. وين كانوا وقت العاصفة؟
وشنو كان شعورهم؟؟
عني انا ولدي كان يلعب مع بنت عمته.. وبس شبت العاصفة دخل يصيح دخل رمل في عيونه.. ونظفته عمته
بعدين دخل لي الغرفة ويبي يشرح بس الكلمات مب مسعفته…
وبعدين لما بندت الكهرباء نشب في خاصرتي وكل ما ابي اتحرك يمسك رقبتي وكان خايف واااايد
يقول ماما خاااااااااااف
وانتو شنو كان شعور اطفالكم؟؟
انا زوجي يرجع من الشغل المغرب وخبرني ان في هوا برا ورعد وهالسوالف يعني ، بس بعدين زاد وتطور الامر وتحول الى عاصفة قوية وطلع زوجي عند الباب يشوف وطلعت وراه نشوف قوة الرياح وتونا طالعين الا حسون لاحقنا اخذته ورجعت به البيت ولا خليته يشوف شي:dd:
وتمينا مندعسين في البيت طول الليله ولا طلعنا .. وحسون طبعا ما شاف شي علشان يعبر عنه :bigsmile:
والحمد لله ان الكهربا ما تبندت علينا وعدت الليله على خير :shy:
ماما حسون شحالج فديتج
وحشتوني مووووووووت
بالنسبه حق بناتي فديتهم ماخليتهم يلعبون بره وحطيت لهم سبيس تون وكانو مندمجين مساكين
شوي ولا الكهربا تنقطع واي فديتهم ماسمعتهم الا يقولون ماما وينج ويصيحون وعلى طول رحت لهم ولميتهم وقعدت جنبهم لين مارجعت الكهربا
مسكين عبودي
امس كان مريض حده
زكام زكحه وحاله
وديته الصبح العياده
وبعدين قعدت معاه
طليت بس من الدريشه
وله برع الدنيا غبار وحاله
المهم رحت بيت أهلي وعبودي مستانس في السيارة على المطر والغبار… ولا مهتم بشي.
ما طلعت الا الساعه 9 ونص تقريبا