انا مالجة وريلي (زوجي ) مسافر وراح يرجع انشاء الله بعد 5 ايام
والي ابيه منكم انكم تساعدوني واطلعون لي افكار حلوة
شو الحركات الي ممكن اسويها؟؟
والله في خاطري اسويله حركات يتفاجأ فيها ويستانس عليها بس ماادري ليش مخي مب راضي يشتغل
ياليت ماتبخلون علي بأفكاركم الحلوة
بس المنتدى مليان افكار وفيه ملف للافكار الرومنسية شوفيه واخذي الشيء اللي يعجبك
وبالتوفيق اختي
واتمنى اذا وحده عندها فكرة تتحفنا فيهااا وشكرااا
يارب نحصل يا سامعين قولوا امين
انا كاتبة هالفكره حق الاخت ميسووو والحين بنقلها لج وان شاء الله تستفيدين منها….:smile:
تقدرين تعزمينه على مطعم مفضل عنده…وانتو يالسين في المطعم اتقدمينله هدية بسيطة مثلا اتكون عباره عن وردة..وهو بيستغرب من الهدية البسيطه هههههههههه…بس طبعا عقب ماتردون البيت اكيد الهدية الكبرى بتكون في انتظاره ههههههه…وانتي بتكونين امجهزة الكيكه ولابسة قميص نوم مغري…وامعلقة اوراق ابحيث انها اتوصله لمكان الهدية الكبرى …والباقي عليج انتي ..
شو رايج تشتريله بوك غاوي..او نعال ماركة… او ميدالية حق سيارته…او طقم عطور رجالية…او انج تتصورين واتحطين صوركم انتو الاثنين في برواز حلو وتهدينه ويا هدية من الهدايا اللي ذكرتها
حبيبتي هالافكار تقريبا للمعرسات وانا مالجة مب معرسة
وبصراحة الافكار كلها تخبل وانا مخزنتها علشان اجربها بعدين
البقرة الوحشية
انشاء الله نحصل على الافكار لاني بصراحة مب عارفة شو اسوي
لو كنت معرسة جان المخ اشتغل
امسح الدمعة
والله انه فكرتج واااااااااايد حلوة….بس لاتنسين اني مالجة وقميص النوم ماينفع الحين
وانا فكرت فيها قبل اني اعزمه على مطعم
بس انا ابي افكار يعني اقدر اسويها في البيت…ويتفاجأ فيها
تسلمين حبيبتي على فكرتج وانشاء الله راح اطبقا يوم بعرس
وينكم ياعرايس؟؟!!
وين افكاركم ؟؟!!
تعالوا. شوفوا. شو بسوي لزوجي.. 
وسوي بحث بالركن وبتلاقين أفكار كثيره من البنات…
تسلمين عزيزتي على الرابطة وبصراحة فكرتها عجبتني وراح اطبقها قبل عرسي
بس المشكلة ان ريلي مسافر….أبي استقبال حلو لرجعته
انا كنت داخلة وقلت مافيه غير بنات عروس هم الي راح يعطوني الافكار الحلوة
بس للحين ماشفت تفاعلكم في الموضوع
بصراحة زعلتوني منكم
واشكر كل من ساهمت واعطتني فكرتها
اطبخي له اكله بنفسك وجهزي الطاوله بالشموع والورد(وتلاقين هالفكره مليانه سوي بحث)
وانتي البسي فستان سهره حلو مو اللي تلبسينه بالزواجات..
وزيني نفسك.. وسوي له هديه بسيطه حتى لو من صنع يدك..
وممكن تسوين طقم خاص فيكم تكتبين عليه اللي تبين
هذا الرابط طقم خاص
وسوي بحث وجربي ملف رومانسيات.. وبتلاقين..
تسلمين حبيبتي الرابطه حلوة وسهلة التطبيق افكر اني اسويها
بصراحة افكارج رهييييييييييبة
الله يعطيج الف عافية
وان شاء الله يفرح بشغلك..
واذا طبقتيها نزليلنا الصوره وقوليلنا وش سويتي.