لان موضوعي اليوم خاص للمتزوجات…
ولامانع من تطفل العازبات !! 
2
يطري على بالي شغلات كثيره لمن افكر بالزواج…
وهالديناميكيه الغريبه..والحلوه اللي جعلها الله سبحانه بالحياه…
سؤالي من غير فلسفه زايده…
شنو اسوأ فكره او هـــــــــــــــــــــــاجس كنتي تخافين منه قبل الزواج..وبعد ماتزوجتي اكتشفتي تفــــــــــــــــــــــاهته…؟
وبنفس الوقت شنو الشي اللي كنت مستســـــــــــــهلته…. وتوهقـــــــــــتي فيه بعد الزواج…؟
وانا اتكلم هني بشكل عام…
كل وحده وتجربتها سواء من ناحية اهل الزوج او الزوج نفسه او من ناحية كونج عروس يديده…
او من ناحية الحياه اليديده ماديا او حتى معنويا…
اتمنى الكل فاهم قصدي …ياليت الكل يشارك عشان نعطي البنات فكره عن افكار ماقبل الزواج
وناطره ردودكم…[/frame]
اما عن نفسي انا حاليا متملكه واحب استفيد من غيري واعرف
ايش هي المخاوف اللي تحصل للفتاه قبل العرس وبعده
عشان اخذ حذري من كل شي ,,,
وعندي سؤال واحد اتمنى من اللي جرب يقولي
كيف أخفف من التوتر اللي يسير يوم العرس لما أشوفه؟
مع العلم أني ماشفته ألا بالصوره وهو للحين ماشافني لأن من جديد مخطوبين
واحنا عندنا في العائله ممنوع اشوفه ويشوفني ألا يوم العرس
بس التلفون مسموح قبل الزواج بفتره قصيره
اما عن نفسي انا حاليا متملكه واحب استفيد من غيري واعرف
ايش هي المخاوف اللي تحصل للفتاه قبل العرس وبعده
عشان اخذ حذري من كل شي ,,,
وعندي سؤال واحد اتمنى من اللي جرب يقولي
كيف أخفف من التوتر اللي يسير يوم العرس لما أشوفه؟
بس الشي الي يضحك انو 92 شخص دخل الموضوع و بس 2 ردود!!
و انا حمدالله زوجي من الاهل يعني كنت اعرفه و صج كنت استحي منه بس مع الايام يصير عادي اصلا بيتضحكين على روحج من كثر ما كنتي خجووله ..
و انا ليلحين استحي من اهله خاصة باليمعات قاعده احاول ليلحين اتاقلم معاهم بس الله كريم .. و انا ساكنه ابيت اهله و من اول ما تزوجت ليلحين لا دشيت المطبخ و لا غسلت و لاشي و متضايقه من وروحي و السبه هالشغله و الحين الحمدالله قريب ولاده والله يسهل مادري شراح يصير لانه شي يديد و انا ادرس و ما عندي خدامه
و عالعموم خلوها عالله . كل شي بوقته حلو
هلا وغلا…
الله يسلمج حبيبتي ويوفقج انشالله….اي والله صاجه…ناطرين ردود البنات
متاكده انهم راح يفيدونا…
مخاوفج نفس مخاوف الاخت خريف وانا متاكده بعد انه في بنات وايد يشاركونكم هالشي…
ناطرين ردود البنات…
وثانكس لمرورج حبابه
صاجه والله…الدراسه+الزواج هم كبير
اشكثر كنت اشوف بنات تنهار دراستهم بعد الزواج…وبنفس الوقت اشوف بنات حتى المطبخ مايدشونه…
الله يوفقج انشالله
اييييييييييييي انا من الصبح قاعده اضحك على هالشي….
سويت احصائيه…على كل خمس وعشرين بنت تدش…وحده بس ترد لوووووووووول
ثانكس لمرورج
اي والله..سالفة انج تدشين على واحد غريب…واااااااايد صعبه!!
المفروض الريال يكون شويه لبق ويلطف الاجواء ويتعرف اكثر على مرته بعدين على قولتج جك بوووم
عالعموم محد يدري شنو الله كاتب له
تدرين..مهما كان..الحيا حلو باول الايام صج راح تضحكين وايد على عمرج بعدين بس هم بعد حلو..
اما الاهل…مهما يكون هذيلا المجهر..والواحد يستحي لمن ينحط تحت المجهر… (الله يوفقج انشالله ويخليهم لج)
بالنسبه للطبخ ودشة المطبخ..ابدا انتي معذوره..دام انج طالبه..بس عاد ما اتوقع انج عالاقل ماتسوين عصير او سناك او اي شي خفيف حق ريلج..حسسيه انج قاعده تسوين شي عشان خاطره..
واللي فهمته انج حامل..الله يسهل عليج انشالله..
ثانكس لمرورج
موضوعك جميل ومفيد كثير للي مقبلين عالحياة الزوجية….
انا صارلي 3 شهور متزوجة و قبلها دامت فترة الخطبة 3 شهور والملكه 3 شهور
طبعا صار كلام وزيارات بس بعد رهبة الزواج غير
مخاوفي كانت بين التافهة وبين العميقة …
نبدأ بالتفاهات هههههه:
1- خايفة انه يخترع "على قولتكم" لما يشوفني صاحية من النوم ههههه بس حمدالله كل شي مر بسلام ومن صباحيتي بعد … بس انا مكاره قمت قبل ما انام احط كحل الاثمد الخفيف على عيوني و على رموشي ماسكرا زيت خروع مخلوط باثمد فكان يطلع شكلي احلى طبعا
2- كنت خايفة انه الملل يدخل حياتنا واني ماعرف كيف اقدر اخلي وقتنا مع بعض شيق ومسلي- بس طبعا الحياة اليومية تفرض نفسها وصار هالموضوع وايد عادي يعني ايام حلوه وايام عادية يعني مع الايام تاخذين راحتك معاه واتكونين على طبيعتك وحتى هو يصير نفس الشي بس هذا ما يمنع انك تبتكرين افكار لايام وليالي رومانسية وطبعا المنتدى كانت مصدر الهامي هههه
الامور العميقة:
1- كنت خايفه اني ماالقى القبول مع اهله بس حمدالله مع ضبط النفس و محاولة التقرب منهم وكسبهم باءت بالنجاح حمدلله
2- خايفة اكتشف امور في زوجي تصدمني منه او اني ماقدر اتعامل معاه في المواقف الصعبة بسبب حساسيتي الزائده
طبعا الله يسهل هالامور كلها واهم شي انك تاخذين حياتك الزوجية يوم بيوم ولا اتحللين واتفكرين كثير علشان ما تتعبين
والله يوفقك ان شاء الله