اختي عن قريب راح تولد
وبغيت منكم مساعده وان شاء الله ماتردوني
افكار الى تزين غرف الولادة من الخارج يعني الباب وغيره و الداخل
الي عنده يشاركنا افكاره ولا تبخلون علينا
وتسلموووون
بالنسبه للتزيين أنا انصحج ان ما تزينين وايد لانه كل ما كان المكان وسيع كل ما كان احسن.. لان المعازيم يوم بيونكم محتاجين مكان يقعدون فيه و ما يبغون زينه اتضايقهم..
المهم انا دايما أفكاري اقتصادية لان كل هاي الزينة مصيرها في سلة المهملات..
طبعا انتي من البحرين فأنا ما عرف إذا عندكم محلات الجمله أو اللي كل شي عندهم بدينار ..
تاخذين من عندهم شرايط وردي أو أزرق (و إذا حابه اتغيرين) تاخذين بنفسجي و أخضر ألوان روعه أنا استعملتها في ميلاد بنتي الأول و زينا فيها غرفت الضيوف ..
و تاخذين إطارات خشبية صغيرة اتحطين فيها ادعيه و إسم البيبي أو (It’s a BOY) أو (It’s a Girl) على حسب ما تحبين..
و تاخذين من محلات الزينه بالونات منفوخه على شكل قوس مثلا و اتحطينها كمدخل للباب.. و قبضة الباب من الخارج اتحطين عليها شريطة و اتعلقين على الباب إسم البيبي و العائلة لان بعض الناس اللي يدخلون المستشفى يضيعون في الغرف و يوم اتحطين الإسم على الأقل يدلون الغرفة..
بالنسبة للورد خلي على الاهل إذا هم وايد يحبون المساعده مثلا إخوانج و خواتج أو بنات عمج و خالج يجيبولها ورود بس كلهم في فازات أحسن و انتي بعد خذيلها فازة حلوة و حطيها على زوايا الغرفة .. و إطلبي منهم يضيفون كرت مكتوب عليه تهانيهم..
الشرايط اربطيها على السرير بشكل حلو و على ظهر الكراسي و على مسكة الحمام و على صواني التقديم و الباقي استعمليه حق التوزيعات..
و خذي مراضع صغيره و وزعيها على الغرفه.. هاي صورة ترتيب غرفه اتمنى تعجبج لقيتها في النت و أيد عجبتني
اتمنى ان هاي االأفكار ساعدتج في ترتيب افكارج و لازم اتسوين لسته لكل الحاجيات اللي بتسوينها عشان ما تنسين..
والسموحه
اختج ليلي دبي