ولدي عمره خمس شهور وطلع على وجهه حبوب حمرا دائمايحكها لما رحت للدكتور قال هذي اكزيميا ابي اعرف ليش جت فيه و ايش هو علاجها
ولدي يوم كان عمره 6 شهور صار له جذي و قالو لنا اكزيما ! و بتروح لحالها !
انا لاحظت انه لما يعرق تطلع له و تروح ! ..
الحين الحمدلله ما يطلع له !! مااعرف هي كانت صدق اكزيما و الا لا ..
حبيبتي ولا تخافي
أنا كمان أولادي التنين صار فيهم نفس الشي بس بعد عمر السنه بيكتمل الجهاز المناعي وبتختفي الحساسيه تماما
والسبب زيادة السكر في حليب الأم إذا كنتي بترضعيه طبيعي
أو حساسيه من نوع من أنواع الأكل إذا كان بيرضع صناعي
راقبي أكلك وأكل طفلك وشوفي شو السبب
أما بالنسبة للحل
أنا بنصحك تمسحيله وجهه بماء البحر وبعد هيك تدهنيه بالفازلين
ولاتستخدمي أي شي فيه كرتيزون
وإن شاء الله بتدعيلي
ما يشوف شر
ومنعوها هي وامها انها تأكل الموز والسمك
جربي تدهني بشرتة وجهها بزيت زيتون مقري فيه آيات الشفاء يوميا ويا حبذا لو تحطين شوية من الحبة السودا المطحونة وشوفي بعدين النتيجة إن شاء الله يروح عنها كلش .. وعندك بعد زيت إسمه زيت لقمان أبو 10 ريال رغم قلة سعره بس نتايجه لهالشي حلوة ..
الأكزيما سببها جفاف البشرة فرطبي بالزيوت الطبيعية وفي النهاية القرآن فيه شفاء ..
وديتـه للدكتـور وعطاني مـرهـم والحمد لله الحيـن اختفــى الحب
ولدي صادته هالحالة و هو كلش صغير .. على ما أذكر كان بعده مو مخلص الأربعين حتى .. صاده إحمرار في كل جسمه و طفح جلدي و تنفخ بحط لكم صور عشان تفهمون قصدي (بس عاد سمو عليه و صلوا على النبي و قولو ما شاء الله 
) … هذه صورته و هو عنده شوية طفح و حبوب على خدوده
و هذه صورته لما تتفاقم عنده الحالة .. لاحظو شلون إن حتى عيونه متورمة و مو قادر يفتحها
أول شي في دكتورة وصفت له مرهم العيون عشان أدهن فيه كل وجهه إسمه Ultracortinol بس بعدين أخذته لدكتور الأطفال إللي متعوده أودي عيالي عنده و إللي أثق في كلامه قال لي إن هذا المرهم يحتوي على كورتيزون و من المفضل الإبتعاد عنه و كتب لي كريم ثاني خاص بالحساسية إسمه Alfacort بعد يحتوي على كورتيزون لكن نوعه خفيف عشان أستخدمه لفترة بسيطة فقط لإزالة الإحمرار و التنفخ و حالة الهيجان إللي تجيه .. و قال لي إني لازم أحافظ على ترطيب بشرته بإستمرار .. و رغم إني كنت أستخدم نوعيات جيدة من صابون الأطفال و أدهن جسمه بالزيت على طول لكن الظاهر إن ذلك لم يكن كافي و ذكر لي إن إبني يحتاج إلى أنواع طبية من الصابون و المرطبات .. فنصحني بنوع إسمه QV فيه منه صابون سائل و صابون قطع و زيت الحمام و لوشن لجسمه و كريم لوجهه و في منه مرطب الشفاه أيضاً لكن الصراحة إني مو وايد حبيت مرطب الشفاه و لا الصابون القطع لكن مداومة على إستخدام الصابون السائل و اللوشن و الكريم و أحياناً الزيت .. الصراحة النتايج ممتازة و إذا في يوم ما إستخدمت هالأشياء يعود له الإحمرار ..
و السبب من وراء هالشي هو إنه جسمه يتحسس من الأقمشة خصوصاً إذا ما كانت قطنية 100% أو مغسولة بصابون الملابس غير المخصص للأطفال أو غير مشطوفة جيداً عن آثار الصابون أو إذا بها عطور .. هذا إللي لاحظته مع ولدي بس ممكن الأسباب تختلف من طفل لآخر .. بس بشكل عام بعض الأشخاص تكون أجسامهم حساسة و تظهر الحساسية عندهم بأشكال مختلفة منها الأكزيما و منها الربو في الجهاز التنفسي (أولادي عندهم الشيئين) و يمكن تظهر بأعراض أمراض أخرى من أمراض الحساسية
سلامة عيالنا و عيالكم و كل عيال المؤمنين يا رب