من كم يوم انكسر ايشادو عندي… وامس انكسر واحد ثاني
حظي نحس هالاياام كل ما امسك شئ ينكسر 🙁
المهم انا اعرف طريقه قريتها في عدة مواقع انجليزيهوهي انج اتحطيله كحول… حاولت ادور على الطريقه بالضبط بس ما لقيتها :angry:
قلت ما عليه خلني اجرب اسوي اي شئ والحمدالله النتيجه تبشر يعني ما لخبطت الدنيا والحمدالله :bigsmile:
اول شئ براويكم صور قبل وبعد
طبعا النتيجه كانت ممكن اتكون احسن بس انا سويت كل شئ على السريع. وانا صورت الايشادو قبل ما ينشف وهو اصلا لازم اتركه وقت لين ما ينشف كليا ويتبخر الكحول.. وها الشئ ياخذ تقريبا يوم كامل بس انا عاد من كثر الوناسه ما صبرت صورت وقلت لازم اراويكم هههه :gum:
المهم…
بتحتاجون
الطريقه
اول شئ اتحطين الكحول في الايشادو.. انصحج تبدين بنقااط واتزيدين كل ما احتجتي.. المهم يكون عندج مزيج ما بين السائل والجامد 🙂
بعدين بعود الاسنان اخلطي المزيج
بعد ما اتخلصين مزج
حطي ورقة الامتصاص من بودي شوب فوق الايشادو وباستخدام الكلينكس ضغطي عليها شوي شوي… وبعد ما اتحسين ان صار عندج flat surface هاتي السشوار (اوطى درجه) وحطيه فوق الايشادو عشان ينشف… وبعدين اول ما ينشف الورقه من نفسها بتطير ههههه وبس!
الطريقه سهله
وهذا الايشادو من قريب
واذا عندكم اياي سؤال انا جاهزه
وعلى فكرة اظن نفس الطريقه تقدرين اتسوينها اذا عندج Pigments او جلتر
وانا الصراحه عندي pigment لونه اسود بس في لمعه رهييب شكلي بجرب الطريقه وان شاءالله اقولكم على النتيجه
والسموووحه على القصور
اختكم
cotton_candy
اتصدقين انا يوم ينكسر عندي الايشادو اضطر افره فالزباله و اشتري غيره
بس شكلي بجرب طريقتج
و تسلمين اختي cotton_candy
وبخوص بودره نفس شي ؟؟؟؟؟
تسلمين على هالطريقه….
صراحه..انتي مبدعه!…
يعطيج العافيه
ما شاء الله عليك عجيبة و الله انك فنانه
بس الكحول ما يحرق العين لما استخدمه و لا بيكون نشف خلاص ما له تاثير ؟؟؟؟؟؟؟
الغالية
بس مثل ما قالت الإخت نهى1 إن الكحول تحرق !!
وهل درجة اللون تتغير ولا ؟؟
هههه ليش الخساير…. جربتي هالطريقه وان شاءالله تستفيدين
الجميله78
الله يسلمج الغاليه
اركان
والله ما ادري ما جربت بس اتوقع نفس الشئ
Miss_engr
ههههه ليش عاد ما اخترعت الشئ… الطريقه معروفه وموجوده بس نحن العرب عياازين ههههههه
نهى1
ههههههههه لا اتخافين عزيزتي.. ترا الكحول بينشف وبيتبخر.. انتي خليه من 1يوم ل3… وانتي اذا تبين تتاكدين ان الكحول رااح كل شوي شمي الايشادو اذا حسيته انه ريحت الكحول راحت معناته خلاااص اتبخر
ظبية دبي
مشكوره حبيبتي
aboura
العفووووو الغاليه
حكايه
لا عزيزتي مثل ماقلت.. انتي خليه لين ما يتشف..
ولا اللون اول ما بتبدين تخلطينه مع الكحول بتحسين لون اغمق… بس يوم ينشف خلااص يرجع للونه اللطبيعي