البنات اللي استخدموا او يستخدمون Roaccutane ممكن مساعدة؟ 2024.

السلام عليكم بنات..
صار لي زمان منكم :L: اشلونكم؟ وكل عام وانتو بخير
من قبل اسبوع رحت لدكتور الجلدية عشان الحبوب اوووف والله تعبتي وخلت نفسيتي في الارض وقمت ما اطلع من البيت المهم قال لي انتي عندك حبوب تحت ماتروح الا بالرواكيوتان
انا بنزل الجامعة بعد اسبوعين وبكون تميت ثلاث اسابيع ما ارح اكون طماعة بس بنات بس ثلاث شهور حسيتو ويهم صفى تماما ولا لسه وفي شنو ساعدكم بالظبط؟ في الحبوب بس ولا بعد في الاثار والحفر والمسامات؟؟؟؟ وكنتو تستخدمون ميك اب فترة العلاج ؟؟ بنات ياريت تساعدووووني وارجوكم ما ابي اي ردود سلبية عن العلاج بس مساعدتكم تدرون الحالة النفسية مهمة ولو في بنات غيري ياريت نسوي تجمع
وشكررررررراااا

ياقلبي عليك نفس حالتي والله بس الفرق إلي بينا انا مارحت للطبيب

وأنا انحرج ماطلع كثير بسبت وجهي والله يكون بلعون ياقلبي

الله يعينك ويعيني ويشفيناا من ها المصيبة وعلى فكرة انا اكثر شي ندمانة في اني ما رحت دكتور من البداية وكنت استخدم منتجات طبيعية لين ما اتدهورت حالتي لااااااااااااازم تروحين ما ارح تندمين

الحبوب تروح بالكامل .. طبعاً حسب الجسم ومدى تقبله

أنا أخذ 50 مل جرام كل يوم لمدة سبع شهور وألحين أنا في الشهر الرابع ..

بشرتي كانت دهنية وطلعت لي مؤخراً حبوب شباب الكبار .. يسمونه حب شباب متأخر لأني في الثلاثينات .. والحمد لله للحين النتيجة مرضية .. مازالت عندي بعض الآثار لأنه فترة العلاج تطلع لج حبوب وايدة وبدأ تخف على الشهر الرابع .. بس تخلصت من الدهون اللي كانت ملعوزتني

والمكياج عادي اتحطينه .. عن نفسي أحط خفيف وايد وأحياناً أطلع بدون بودرة لأنه بشرتي صارت زينة الحمد لله

يعني العلاج يطلع الحبوب اللي داخل وهاي شي عادي ؟؟ وكنتي تطلعين في الشمس
مشكورة اختي ع المساعدة =)

مشكووورة اختي مناير على هالوصفة ماتقصرين بس انا اوريدي بديت الرواكيوتان ^^

مناير أنا وجهي دهني مرره ومحتاره معه وماقدر اروح للمستشفى لن امي مريضه ماقدر اخليها

معليش تلقفت معك بلموضوع بس المشكله وحده يخيتي<<مدري شحس به

هههههههههههههه نو بروبلم حاسة فيج

بنات خدوا بالكم الدوا دا مينفعش انجاب بعدة لمده سنتين على الاقل

و هتلاقوا دا تحذير عليه

و رايي بلاش ميكب احسن