مرحبا بخواتي … لو سمحتوا بغيت منكم اسامي محلات فى العين ولا الشارجة ولا عجمان يفصلون فرش لسراير الاطفال وباسعار معقولة … وخامات حلوة … فلي تعرف يا خواتي فى نوعية افضل الاقمشة الى ممكن الواحد يفصل منهن فرش تدلني ولها جزيل الشكر والامتنان … يعني تخبرني وين افضل نوعية واهم شئ ما يصير فيها حبيبات بعد الغسيل يعني هل الخام التركي ولا الاسباني ولا الامريكي ولا الايطالي
ولكم مني احلى تحية
وينكم خواتي ما حد رد على … محتاجتنكم بسرعة الله يخليكم ردوا على
الغالية تفصيل مفارش عندج أنا و طفلي بوظبي .. ما عندي فكرة عن غيرة
سمعت عن واحد في الشارجة اسمه كريمي .. بس مب متأكدة
أحسن مفارش الأمريكية طبعا
مشكورة حبيبتي عروس اللولو على الرد … وفى انتظار الاخوات الباقيات
هلا اختي عندج في الينا في دبي روووووعه
مابتحصلين شراته حتى اثات للاطفال بس غالي
صدقيني بيعجبج ولالالالازم بتاخذين منه
ومابتفكرين بالسعر لان جننننننننننننننان
مابتحصلين شراته حتى اثات للاطفال بس غالي
صدقيني بيعجبج ولالالالازم بتاخذين منه
ومابتفكرين بالسعر لان جننننننننننننننان
هلا الغالية صفاء الذات
أنا شراتج أدور على محل يفصل فراش للياهل
و دخلت على طول على الموضوع… بس!!
أنا شراتج أدور على محل يفصل فراش للياهل
و دخلت على طول على الموضوع… بس!!
المهم أنا لقيت محل ب سمنان بالشارجة اسمه "اللمسة الأنيقة" يفصل فراش و شنط و أغراض الياهل و بعد قمصان نوم ووو..
المهم ما سألت عن الخام ..بس شفته..
و ما أدري إذا "كريمي" يفصلون ولا لأ..
بس يا ليت الخوات يساعدونا بمحلات ثانية ..
أنا بغيت لو جاهز بس أشيا حلوة و راقية.. لأن اللي ب "بيبي شوب" كله رسوم و حالة..
أتمنى أفدتج..
و بالتوفيق عزيزتي
الينا حلو .. بس أنا ما عجبني غير طقم فرش واحد .. والباجي عاديين أشوفهم .. تشكيلتهم الجديمة اللي بالتطريز أحلى ..بس للاسف خلصت … دوم حظي وياهم جيه ..اي شي يعجبني عندهم مخلص.. الطقم اللي بغيته والسرير .. بس اذا تبين مثلهم عندج مركز الشاطىء بعد محل أعراض الأطفال يبيع نفس الشي
في محل روعة اسمه اوش كوش .. بس بعدني ما مريت عليه .. أغراضهم برع روعة و بسيطة و فخمة ..بس ما أدري فرعهم اللي هني نفس الشي و لا اييبون ابيخ الأشياء مثل الباجي
العذررر والسموووووووووووحه مااني من الاماراااااااااااااااااااااااااااات
مشكورات اخواتي الحبيبات على الردود … وسمحولي تاخرت عليكم فى الشكر بس لاني … انقطعت فترة عن المنتدى لظروف والحمد لله على كل شي …بس بغيت اسأل الاخت مآقي او اي حد من الى يعرفون … (سمنان) الى فى الشارجة هذا اسم منطقة واذا فعلا اسم منطقة وين مكانها فى الشارجة بالظبط … او انه شوة المحلات المميزة فيها يعني المحلات الضخمة الى فى هاذي المنطقة علشان اقدر ادلها عدل