// بالخطـــوات المصـــورة .. التبـــــــــوله والحمــــــــــــــص //
اليوم حبيت انزل ليكم طريقة التبوله والحمص … بالطريقة المصورة …
بناءاً على طلب الاخوات من فترة ^^
و نتمنى منكم الدعاء بالتيسير بالامور 
……
(1)
طريقة التبوله
قبل ما نسوي اي شي … ناخذ برغل حوالي 5 ملاعق ونخليه في ماي حار علشان يكبر ويستوي البعض يغليه … اني بس اخليه في ماي حار …. يحتاج حوالي نص ساعه
اغسل البقدونس جيداً .. ثم اقطعه .. ناعماً ..
احتجت 3 ربطات بقدونس ..
اقطع البصل الابيض مربعات صغيرة جداً … احتجت بصله واحدة كبيرة
اضيف البصل للبقدونس
واخلطه مع بعض …
واضيف البرغل .. بعد ما اشيل الماي … وطبعا هو بيمتص الماي بيبقى بس شوووي …
اشخل الماي منه واضيفه للبقدونص والبصل ..
اخلط البرغل مع البقدونس والبصل
وهني ممكن نغطيه جيداً بالشفاف وعقب غطاء الطاسه … ونكمله عقب يوم لو يومين عادي…
بهذا الشكل اسويها اذا عندي ضيوف .. اسويه قبل بيوم الى هالمرحله … ويبقى بس الطماط وليمون والملح والزيت
طريقة سهله لتقطيع الطماطم .. بشكل ناعم وصغير .. لكن تاخذ وقت وايد …
الطريقة الثانية للتقطيع الطماط والبصل …
طريقتي المعتمدة ..سريعه ..لكن صعبه عند البعض لانه نسويها شرايح وعقب بالطول ونقطع …
احتجت 3 حباط طماط متوسطين
الحبة الثالثة .. اخذت الجلد تبعها علشان اشكل الوردة ^^
اضافة الطماط …
نضيف الملح والليمون والزيت زيتون بحسب الرغبة …
وكل مازاد الليمون صارت احلى ^^
(2)
الحمـــــــــــــــــــــــــــــص
المقادير بالترتيب :
نخلي اول شي روبه علشان بسرعه يتحرك الخليط ما يشير ^^ وعقب نخي من الخباز بربيتين و ملعقة هردة وثوم وملح وعصير ليمووونة
استخدمت ثوم بودرة لانه ماعندي ثوم فريششش
بسسسسسسسسسسرعه انخلط لانه الروبه اول شييي خليتها ^^
وممكن حذف الروبه … ونزيد شووية ماي عند اللزوم . بس بالروبه احلى ^^
حده عجييييييييب ^^
هذي كمية التبوله كاملة اللي سويتها …
كلش شوووي تبين ^^ بالرغم هم 3 ربطات ..!
ونضيف الحمص
ملعقة زيت زيتووون
النتيجة النهائية ^^
وطبعاً هالصحم حق تجمعنا الاخير في بيت صديقتي *_*
علييي اني الحمص والتبوله *_*
بنزل ليكم الصور تبع التجمع << يعني الاكل ^^ ….. قريباً
لا تنسونا من الدعاء و تيسير الامووووووور
ماشاء الله انتي من متى اهني ؟
يسلمووووو حبابه وربي يخليكي يارب بس عاااد لاتنسين تطرشين لي شوي من التبوله بدون حامض
ياياسمينا البحرين
مشكورة
جزاك الله خير
على طبخة
يسلموا حبيبتي
بطبقها ف عزومااااتي,,,
تستاهلين التقييم""""::::
بس حبيت اسئلك عن الحمص هو جاهز الي يجي معلب بس اطحنه وخلاص والا الجاف؟