التصبغات وما ادراك ما التصبغات . 2024.

[/CENTER]

السلام عليكم و رحمة الله
شحالكم بنوتات ان شا الله تمام !
هذا اول موضوع لي وقلت الا يكون في قسم البشره لاني وايد استفدت منه
طبعا انا صايره حقل تجارب وكل ما شفت ماسك او خلطه للجسم جربتها وساعات تضبط شهر و يروح مفعولها و ساعات اخسر فلوسي عالفاضي ولا القى فايده
مشكلتي الاساسية هي التصبغات
مابي بياض صارخ ولا ابي غيره كنت ابي لون موحد لجسمي لان كل حد منولد بلونه سواء اسمر او ابيض او حنطي واذا تغير لونه يعني استخدم كيماويات وبلاوي نتايجها بنشوفها من نكبر
وبعد بحث وبحث
اكتشفت انه السبب الرئيسي للتصبغات هي الكلى
اذا كان اكلج مب صحي بتفرز مواد لونها غامج و تسبب تصبغ بالجسم..
قلت يا انا يا هالكلى ابي حل
قالولي لازم يوميا تنظفين كليتج ! بس كيييف؟؟
واكتشفت انه الطريقة هي شرب كاس ماي دافي و تعصرين عليه نص ليمونه عالريييق و ما تبدين تتريقين الا بعد ساعه!
قلت اجرب شو ورانا
انا صارلي شهر استخدم هالطريقه وشفت نتايج وايد ايجابيه
التصبغات و هالاتي السوده تحت العين بدت تخف وايد بنسبة 40% و مع الاستمرار اكيد بتختفي و بيتوحد لوني
اكتشفت انه فعلا الواحد لازم ينظف جسمه داخليا و عقب يبدا بالخلطات و غيرها اللي نتايجها مؤقته و مرات ما نشوفها
و سالت دكتوره عن هالشي و قالت فعلا الليمون يعتبر منظف للجسم و يطرد السموم اللي فيه بالتالي تبين نتيجته عالبشره و غير جي يحتوي على فيتامين سي و يعطيج نضارة..
طبعا مالنا غنى عن الكريمات و السكرابات اللي ترطب الجسم و انا عن نفسي استخدم جليسوليد و بيبي اويل..
و بعد ابي اقولكم الحمام المغربي سويه مره بالشهر اذا وايد تكسلتي لانه بيفرق وياج وايد و بتحسين نفسج نظيفه من تسوينه لانج تشيلين طبقة ميته..
فالاخيييييير ابي اقولكم كلو عدل و اهتمو بانفسكم و بسكم من الكورتيزونات و الخرابيط اللي فكل منتدى القاها .. انتي امشى على نظامي و شوفي النتايج ..
و بعد ابي اقولكم انه هالشي يفرق من جسم للثاني هو فادني بشهر ممكن يفيد غيري بعد شهرين او ثلاث لا تجربون كم يوم و تقولون ما فاد استمروو