التقشير الكريستالي 2024.

بس مو لإزالة آثار الحبوب

بس دلع هههههههه

شوفي حبيبتي بالنسبه لي اخذت كل شهر جلسه

وفي بنات ياخذون كل اسبوعين

عموما البشره تنعم لكن ما يفتح لونه

وإلي يقول لك انه قوي

فالكلام هذا غير مضبوط عن تجربه

لأن كل الموضوع ان انبوب يمر على جلد الوجه

يحرك فيه نفس الرمل الابيض

كأنك تحطين صابون نفس الصابون او الغسول الي فيه حبيبات للتقشير

يعني الموضوع ما فيه كيماويات ولا اشياء تضر البشره

ولا يبيض البشره ولا شي

مجرد ان يصقل الجلد لنعومته فقط ..

لكن فائدته جدا قليله مثل ما قلت لك نعومه فقط ودلع

لكن إزالة آثار البثور فما ينفع له

صديقتي راحت لدكتوره كان فيها اثار للحبوب القديمه

وسوت لها تقشير يسمونه تقشير الفواكه

بصراحه بعد اربع جلسات طلعت بشرتها واااااو كأنها بيبي

لكن بعد الجلسه بتلاحظين لمدة اسبوع ان الجلد يتقشر

وما اعتقد ان يصلح للجميع لازم الدكتوره الخاصه بالجلديه هي الي

تقول لك يصلح لك او لا ..

اما التقشير الكيماوي ما انصحك فيه لأن الكثير قام يعاني منه

خصتا ان جو الخليج ما يصلح لهذي النوعيه من التقشير

يعني المفروض ان ما يصيبك اي نوع من اشعة الشمس

لأن راح يصبغ بشرتك بلون اغمق ..

وفي بعد تقشير بالليزر برضوا هذا جربته وهو للدلع بس

يعني يشد البشره ويخليها نضره لكن ما يخفي آثار الحبوب ..

يعني بس عشان يحرك الدوره الدمويه ويشد الجلد وينتج المزيد من الكولجين ..

إن شاء الله افدتك عزيزتي ..