اليوم اريد استشيركم في موضوع … انتو تعرفو ان وسام عمره الان سنة و4 شهور … والبنت الشغالة الي كانت عندي خرجت من العمل لاسباب تخصها .. انا مرأة عاملة واحتاج لاحد يمسك وسام بالصبح … بس اريد اعرف هل ممكن ادخل وسام حضانة في هذا السن ؟؟؟
ام احسن اشوف لي بنت شغالة تانية تمسكه في البيت … في حضانة قريبة جدا من مكان عملي وممكن اخلي عندهم وسام بس خايفة كثير من المربيات هناك ممكن ما يهتمو فيه اهتمام كافي .. او ممكن الاطفال الي في الحضانة ينقلو له امراض وعادات والفاظ سيئة ..
اتمني من كل ام مرت بهذه التجربة الرد على وانا اعرف انكم ما تقصرو …
مكشورات مقدما .
فيه حضانات ثقة وتقدري تخلي ابنك فيها وانتي مطمنه وبالعكس اهتمامهم يكون رائع
اذا ما حصلتي ممكن تاخذيه لاحد من اهلك ومعاه الخدامة اذا ما فيها كلافة عليهم
اخ من الحضانة
احنا هني لازم نودي اطفالنا للحضانة بعمر سنة
بس انتي مو مجبورة تقدرين تحطينه عند قرايبك و اذا ما مشى الحال حطي بالحضانة احسن على الاقل الربيات دارسات عن الاهتمام بالطفل مو مثل الشغالة ما تعرف شي عن الاطفال
و الله يحمي اطفالنا من كل سوء
ام وسام ان كنت جزعانه من عمره الصغير
انا دخلت ابني الحضانه وعمره 8 اشهر
لأني طالبه ومااحب الشغالات ابد ابد اخاف منهم
والحضانه افضل بكثير صدقيني عنايه واهتمام واذاخايفه من نقل المرض اصلا لما يكون مريض يعزلوه لوحده مع الالعاب ومعه حاضنه لأنه لما يشوفو شي بيحرصون اكثر
اذكر مره كان عبود بوجهه قرصة بعوض وشوي باليد يوم بدخله وقفت واسألتني لايصير الحصبه او ماشابهه
شفتي كيف حريصين الحمد لله
صدق ان التكلفه ناااااااااااااااااار بس بيهون ع راحت ولدي000 والان عمره سنتين واسم الله عليه صاير اجتماعي ربي يحفظه….
ويعرف كلمات اكثر من اللي بعمره لأنه بيختلط مع الاولاد….
دخليه الحضانه واتكلي ع الله والله كل صبح لما انزله الخادمات ينضفون وريحة المبنى ديتول ومعقم
انتي خذي له الغطا لما ينام حتى مايستخدم شي اخر بيضطروا
واستخيري قبل كل شي
ان شاء استفدتي من الاطاله تبعي هههه
واذا ماتقدري وديه الحضانه احسن له من الشغاله الشغاله بتصير لوحدها في البيت وينخاف منها على ولدش لاقدر الله بس الحضانه مكان آمن ومتخصص لرعاية الاطفال (y)
وانشاء الله ماعليه شر
الحضانه بتكون أأمن من الشغالة بوايد….ترا الشغالات مامنهم أمان…أو مثل ماقالوا الخوات…تودينه عند حد من اهلج وطبعا مع الشغالة…عالأقل بيكون في حد يراقبها ويختلط مع الاطفال اللي موجودين معاه ويتعلم منهم…
ومشكورات حبيباتي على التفاعل وربنا يحفظلكم عيالكم …