ابي مساعده من كل بنات المنتدى لاني في مشكله انا عندي بنت عمرها 10 شهور ومشكلتها انها وايد ضعيفه ونفسها مسدوده وما تاكل عدل وجربت كل شي عندها بس ما في فايده الله يخليكم ردوا علي شو اسوي لاني تعبت معاها…………اتريا ردودكم.
نصيحه لاتلعبين في بنتك وتخلينها حقل تجارب لكل وصفه يعطونك اياها الناس وديها الدكتور اضمن لسلامتها وهو اعلم بحالتها من الناس اللي يعطونك وصفات على عماهم من غير مايعرفون حالة بنتك
والله يشفيها انشاءالله ويفتح نفسها
اختي العزيزه فتون انتي تشكين من حالة ابنتك ولكن لا تنزعجي لهذا . اتوقع ان هذا شي طبيعي ويمر فيه بعض الاطفال في هذي المرحله لانها مرحله نمو اسنا ن ومشي ووو فا الطفل تقل شهيته بهذا الاسباب ولكن أفظل ان تعرظي ابنتك على طبيب مختص مثل ماتفضلت الاخت محبه للخير وان شاء الله راح تلاقين الحل الشافي لها
والله يخليها لك ولا يحرمك منها
اختك الفجر البعيد 🙂
تحياتي
أحـــســن حــل هــو أخــذهــا للـدكــتتـور والــكــشــف عــلـيـهــا
وعــمــل تــحــالتيـل وفـحــوصــات,,,,,,,,,,وان شــاءالله مـــا تــشـوف
شــر وتتــحــسّــن صـحـتــهــا
الحل بسيط بس يبغى مداومه
كل يوم بالصباح والمساء اطبخي حلب ……. عارفه الحلب ؟؟؟؟
الحلب نفسه الي تشربه النفاس يرم العضم ويرد الدم ويفتح الشهيه ويسمن
تعطين بنتك بالرضعه حقتهااا مقدار كاستين شاهي وترضعينها ياهااا كل يوم
وبعد شهر ونص بأذن الله بتشوفين بنتك تغيرت بشكل كبيييييير
وفيه اسباب كثيره تنمع الطفل من الاكل ومالها علاج الا بالطب الشعبي
مثل مرض العضم ( حنا نسميه العضم او العظيم ونتم مدري وش تسمونه )
هذا عضم يبرز بالحلق يشبه الوز بس مو لوز العضم هذا يمنع الطفل من الاكل مع ان الطفل جايع بقووه الا انه مايقدر ياكل لان العضم ذا يعوره
وسبب بروز العضم ذاا هو دخول البرد جسم الطفل
وفيه امراض ثانيه مو الحين مناسبتها
كل الي اتمناه اني افدتك يالغاليه
تحياااااااااااتي
ريمونـــــــــــــــــا
2