اخواتي بنات منتدى عروووووس
انا مشكلتي مع هالشعر تاعبتني نفسيا من بداية ماصار لي التساقط
لكن انا تعبانه منها اكثر الحين
لاني على وجه زواج
والله يابنات اني امسك نفسي واستحي اني ابكي من الحزن على نفسي
انا الحمد لله ماشي حالي من كل النواحي
الا هالشعر مسبب لي ازمه
والله الكوافيرات عقدوني كل مارحت لوحده واخترت صبغه ولا تسريحه قالت لي شعرك خفيف
هذا غير نظرات الاستحقار منهم بعد
ولما يسووونه يشتغلون بدون نفس
لانهم يحسون بالنهايه مارح يطلع حلو
لاني شعري الفروه فيه باينه والفراغات فيه كثيررررررررره
لما استشوره يكون هابط وخفيف مايطلع للاستشوار او القص اي جمال
طول الوقت اقعد انفش فيه عشان يبين كثير
هذا غير تعليقات البنات اللي كلها شفقه شفيه شعرك كذااااا
بنات انا شعري دهني والاحظ اذا تركته يزيت يزيد التساقط
عشان كذا لازم يوميا اغسله
ارجووووووووووووكم ابي حل
الله يوفقكم ارحموني والله اني اكتب لكم والدمعه بعيني
جربت كل شي ولا نفع
وفيه اشياء صعب اجربها اما لغرابتها زي القاز
او خطورتها زي زيت الحشيش
او ريحتها
ارجوووووووووووكم ساعدوني
ياحرام
لو ادري انتي من وين لو انج من الامارات كنت دليتج على مستشفى تخصصي زين لهالامور الله يعينج ولا تخلي هالاشياء تاثر عليج بالاخر انتي مب مجرد شعر وبس انتي انسانه اكيد فيج اشياء تفوق جمال الشعر
نصيحة مني شوفي دكتورة جلدية عشان تعرف السبب و تعطيج فيتامينات للشعر..
وان شاءالله نسمع منج أخبار حلوة..
الغالية أم خالد شو هالمستشفى دلينا عليه الله يجزيج خير.. :shy:
اولا قولي الحمدلله على كل شيء ..
وبعدين انا مع الاخت اللي قالت لج سوي زراعة شعر,,لان هذه العمليه ناجحه جدا جدا وشفت طريقتها في التلفزيون ..ياخذون البصيلات من مؤخرة الراس ويزرعونها ف المقدمه عند الفراغات ..
تستغرق العمليه 3 او 4 ساعات ..
ووووومااذكر التفاصيل الاخرى ..وممكن تسوين بحث في قوقل عن عمليات زراعة الشعر ..
اختي ..
في بخاخ اسمه neoxidil
هذا تشترينه من الصيدليه ..لازم تستعملينه مرتين في اليوم مع المساج لعشر دقايق ..بس لازم تواظبين عليه ولاتخلينه يسيح الى اماكن في الوجه او الرقبه لانه يظهر الشعر حقيقه وعن تجربه ..
وبعد لازم تسيرين الصيدليه وتاخذين لج فيتامينات تحت اشراف طبيب متخصص افضل ,..
اذا كان التساقط وراثي فحالة العلاج ضئيله ..
وممكن يكون عندج نقص في الهيمقلوبين في الدم .؟
او ممكن كريات الدم تتكسر وماتصل للشعيرات فالشعر اول واحد يتأثر من هالنقص..
او ممكن عندج خلل في الغده الدرقيه .
اما الخلطات ..ممكن تجيب لج نتيجه وممكن لا ..
فالاهم راحتج النفسيه ..وثقتج بربج وبنفسج ..وبعدين تقررين ..
اول شيء اذهبي عند دكتوره متخصصه للامراض الجلديه ..
والله يوفقج ويخفف عنج ويجملج اكثر واكثر
بسٍسس
هلا فيك عزيزتي ،، أتمنى تكوني بصحة وعافية
صحيح بأن الشعر هو زينة المرأة و رمز لأنوثتها وفقدانه يعني الكثير بالنسبة لها لكن هذا لا يجعلها بأن تفقد الأمل في رجوع حيوية شعرها وجعله صحياً أكثر وذلك بالأخذ بالأسباب أولها التغذية السليمة والأطعمة المتنوعة والغنية بالفيتامينات وأنواع الخضار والفواكه الابتعاد عن القلق والتوتر والصحة الجيدة هي سبب من أسباب الشعر الصحي أيضاً الحالة النفسية هي من أحد أسباب تساقط الشعر المفاجئ والمستغرب أحياناً ،،
لكن أحب أن أذكر لك قصة واقعية من خلال هذا الموضوع وهي لامرآة كانت تعاني من تساقط شعرها بشكل ملحوظ ،، حتى أنها خافت من الصلع ،، مع وجود ألآم في مفصل الركبة ، المهم بأنها ذهبت لأكثر من طبيب كي تعالج نفسها ،، وصفوا لها أكثر من دواء لكن لم يكن هناك شفاء ،، زادت حالتها سوءاً ،، سافرت لأكثر من منطقة و رجعت من سفرها لكن دون فائدة ،، ولم تستسلم ،، إلى أن هداها الله لطبيب كان السبب في علاجها بعد الله وقام بسؤالها أول سؤال ولك أن تتخيلي ماهو هذا السؤال ؟؟!! ،،،، هل هو خاص بالشعر أو بالصحة أو حتى عن النفسية !!
قال الطبيب : كيف هي صلاتك ؟؟
قالت : ومادخل الصلاة في تساقط شعري ؟!! أصلي كما يصلي الناس
قال : ولماذا لا تصلي كما يصلي محمد صلى الله عليه وسلم ،،
راجعي نفسك وتأني في صلاتك ، في ركوعك وحتى سجودك ففيه العلاج بإذن الله هذا هو الدواء واستمري عليه ،، ولا تنسي الدعاء في وضع السجود
قالت : هل لك أن تفسر لي سبب كلامك عن الصلاة يا دكتور ؟
قال : بالطبع ،، فهناك مادة موجودة في مؤخرة الرأس و بالتحديد في أول فقرات الرقبة المتصلة بالجمجمة وهذه المادة تحتوي على غذاء خاص للشعر ولا تفرز موادها إلا في وضع السجود ،، ــ فسبحان الله الخالق المنان ــ ،، أيضاً في وضع الركوع فيه علاج لمفصل الركبة وذلك لوجود مادة سائلة تساعد على حركة الركبة بشكل أفضل وعند الركوع يجب علينا وضع اليدين على الركبتين لتساعد على عمل هذه المادة ،، وأحب أيضاً أن أخبرك عن النتيجة الواضحة على شعرها فأصبح كثيفاً طويلاً لامعاً بعد أن كان لا شئ وندمت ندماً شديداً على غفلتها عن أمر الصلاة المهم بأنها شكرت الطبيب واستمرت على العلاج وهو التقرب إلى الله سبحانه وتعالى بالطاعات وكلما جعلنا جميع عادات عبادات نرى نتيجة ذلك على صحتنا وراحة قلوبنا ،، ــ اللهم أصلح نياتنا ـ
أتمنى اني ماطولت عليك وانشاء الله ربي يكتب لك الشفاء العاجل وتشوفي شعرك بالشكل اللي يرضيك وبعدين ماشاء الله المنتدى فيه وصفات عجيبة وسهلة خذي اللي يريحك والأسهل لك
أمنياتي لك بالتوفيق والسداد والسعادة الدائمة بالدارين
أختك * نجـوم الليـل*
بس يابنات عملية الزراعه مكلفه مررررررررررررره
مارح اقدر عليها
ابي حل ثاني
ارجوكم اللي جربت خلطه او شي بليز تعلمني
بس ياليت تكون نتايجها ملحوظظظه مو شي بسيط
انا قبل جم شهر كان شعري غليظ بس مره وحده تم يطيح بشكل رهيب وبالخصل وحتي غرفتي كل مكان فيها شعر من كثر مايطيح وصار شعري خفيف وايد ورحت للدكتور عطاني بخاخ اسمه regain وايد نفع معاي ووقف التساقط بس مشكلته ان سوو شعري خشن شوي وجاف بس يوم خلصت العلاج الحمدلله شعري رد حق طبيعته يعني الخشونه اللي صارت فيه كانت مؤقته :shy:
لأن في هرمونات زايدة او ناقصة
او مشكلة في الشعر نفسه هم يعرفون اكثر وادرى من الكل
فنصيحة اخذيها مني
روح لدكتور بيوصف لك فيتامينات واشياء ثانية بتساعد شعرك
اتمنى لك كل خير