ف البداية هذه أول مشاركة لي ف هالمنتدى إللي أكثر من رائع 
حبيت كل الصبايا الحلويين يستفيدوا لأن بصرااحة أعتقد كلنا تعبنا من الخلطات ويمكن خزانتك مترووسة بالمستحضرات :057:
هذه تجربة من بنت خالتي كبرت وأنا أشوفها تعاني من الحبوب في وجهها وصدرها وكامل ظهرها لأنها مسكينة تعاني من لما كان عمرها 11 سنة.. من صغرها تحس بالإحراج لكثرة الحبوب غير الألم والنفسية كل إللي يشوفها ينصح بوصفة أو خلطة وما في نتيجة تعبت من كثر ماتشتري الكريمات والمنظفات والصابونات حتى العسل ما جاب معاها نتيجة بالعكس حصلت صرصور يلحس العسل ف وجهها وهي نايمة
وإذا حتى تذكرن كان في إعلان ف أوربت عن منتج اسمه (برو أكتف) إذا ما خانتني الذاكرة لحب الشباب استعملته وما جاب نتيجة..
مابطول عليكن كان واضح ان مشكلتها من الداخل فراحت المستشفى والطبيب قال بيعطيها ف البداية مراهم وما فادها ف عاد سوالها فحوصات شاملة وحتى وقعت على أوراق تضمن انها خلال فترة سنة ماتتزوج لأن لو صار حمل يمكن تأثر الأدوية ع الجنين..
وعالجت وصارلها تقشر واشتد وجهها ونصحها الطبيب بزيت اللوز عشان التقشر وأولاي وكانت الأدوية تسبب لها الإسهال بس فترة بسيطة والحمدلله صبرها ماراح ع الفاضي صارت بشرتها بياض ما شاء الله وحتى شفايفها صار لونهن أحمر وكل إللي يشوفها يسأل شو إللي تستعمل وخلصت فترة العلاج والحبوب كلها راحت من وجهها وصدرها وظهرها وحتى المسامات قال لها الطبيب مع مرور الوقت بتختفي.. وعاد العرسان ع باب البيت 
ومنهم أخوي والحين متزوجة من 3 سنين من أخوي
وعندها بنت ما شاء الله قمر وحامل بالثاني ..
حابة أوضح نقطة يمكن البعض جربن خلطات وأعشاب وجاب معاهن نتيجة بس إللي تلاحظ نفسها مامستفيدة تحاول تتعالج ف مستشفى أو عيادة ماتتعب نفسها تدور ع الخلطات وتحاول تعالج نفسها بنفسها..يعني الحل الأفضل لمشاكل البشرة هي ((( اللجوء للمختصين والخبراء))
وأتمنى للجميع الصحة والعافية ..
رجاااااااءآ إللي حبت تنشر الموضوع تكتب عليه ( منقوووول ) وهذه أمانة..
ورحت عند كذا دكتور وكلهم يبون يعطوني حبوب الروكوتين بس انا ما ابيها لانها سببت لي مضاعفات
واتمنى تحصلي حل لبشرتك وعسى الله يوفقك آآآآمين
لاني بصراحه اخاف من العلاجات والادوية
انتي من وين وباي عياده تعالجت
وشو نوع الادوية
 |
اقتباس |  |
 |
المشاركة الأساسية كتبها تآج الوقآر  |
 |
 |
| سبحان الله يمكن راحت لدكتور شاطر لاني بصراحه اخاف من العلاجات والادوية انتي من وين وباي عياده تعالجت وشو نوع الادوية |
||
 |
 |
هلااا أختي:
أنا من عمان وهي تعالجت ف مستشفى حكومي (مستشفى القوات المسلحة ف مسقط) بس عندنا مستشفيات حكومية ثانية في بنات تعالجن فيهم والحمدلله راحت الحبوب..أعتقد يعتمد ع نوع الأدوية إذا كانت مقلدة أو أصلية..وأدوية هالمستشفى من بريطانيا..
نوع الأدوية عبارة عن حبوب اسمها (الحبوب المجففة) ماتذكر شو كان مصطلحهن العلمي بالإنجليزي..بس عادي متعارف عليها ف المستشفى بهالإسم ..
استخدمتهن لمدة 6 أشهر وكانت شهريا تروح المستشفى تستلم الحبوب ويسوالها فحوصات يشوفوا مفعول الحبوب عليها إذا فادها أو لا..
وحتى هي كانت متخوفة وجلست تعاني سنين ماراحت تتعالج ف مستشفيات أو عيادات.. بس الطبيب وجنسيته هندي طمنها وقالها لو كانت الحبوب تضر وخطيرة كنت ماعالجت بنتي وعطيتها تآخذ نفس الحبوب..
وفي نفس الشي طبيبة عمانية قالت لها أنا تعالجت بهالحبوب والحمدلله راحت مني الحبوب وعندي الحين بيبي..فعاد اطمئنت وتعالجت والحمدلله..وأعتقد واضح انهم ما مستفيدين شي إذا شجعوها لأن المستشفى حكومي مش عيادة خاصة..
وأي استفسار ثاني عزيزتي أنا جاهزة ومن عيوني..:047: