يمكن حفظتون مشكلة بنتي مع أسنانها << قصدي أكيد حفظتونها
وكل الشكر والاحترام لكم خواتي على المساندة والخدمات والمعلومات اللي قدمتونها لي بخصوص اسنان بطتي !
وبعد معاناتها مع الأسنان من يوم هيه صغيرونة ليومكم هذا !
طبعا اليوم كان موعدها مع الدكتورة هالة السيد
قعدت من الصبح واني من البارحة مفهمتنها ان تصوم وماتاكل شي لليوم الظهر
وعلى عمري قعدت الصبح وشافتنا نتريق وظلت تصييييييح كسرت خاطري!!!!
ورحنا الموعد على الساعة عشر ،، والاجراءات كلش سهلة وميسرة وتعاملهم مع الطفل ممتاز 
وبطتي جبانة درجة اولى ظلت تصيح من دخلنا بس جوا ليها مجموعة من الممرضات يهدأونها لما دخلوها وظلينا ننتظرها في الخارج
وبعد نص ساعة بالضبط طلع واحد من الطاقم اللي وياهم وبرنا انهم انتهوا
<< ويه حزتها كان قلبي بطيح في الأرض
والحمد لله رب العالمين رحنا ليها مافيها الا العافية بس ظلت تصيح << ليش مادلنا وياها داخل حجرة العملية
وفي الأخير رجت الدكتورة وشرحت لينا طريقة العناية والاكل بالحلوة ومشينا البيت بالسلامة
ومانسيت سالفة التصوير صورت اسنانها قبل العملية ،’ وصرتها في المستشفى 0 ذكرى) خخخخخخ
ورجعت البيت سويت ليها جيلي وكرملة وشوربا
وفي الختام أقدم شكري لخواتي العزيزات على الخدمات المعنوية والسؤال 
الحمدلله رب العالمين
الله يسر ليها
طمنتينا عليها كنا نحاتيها
اي تمام الحمد لله على سلامتها
ديري بالك على اسنانها
ووايد كنت احااتيها والله ..
واشوى عدت على خير .. ويارب يطلعون لها اسنان حلووه 
..
وتعوض فيهم اسنانها الا راحو والفتره الا راحت يارب ..!!
وفعلا الدكتووره شااطره ..!!
وتستاهلين سلامة , بطتش خيو بسوومه :032:..!!
الحمد لله على سلامتها
ماتشوووف شر الحلووو والحمدلله ع االسلامة